ಪ್ರತಿ ಭಾನುವಾರ ಚಿಕನ್, ಮಟನ್ ರೆಸಪಿ ತಿಂದು ಬೇಜಾರು ಆಗಿರುತ್ತೆ. ಹಾಗಾಗಿ ಈ ವಾರ ರುಚಿ ರುಚಿಯಾದ ಖಾರ ಮಸಾಲಾ ಸೀಗಡಿ ಫ್ರೈ ಮಾಡಿ.
ಬೇಕಾಗುವ ಸಾಮಾಗ್ರಿಗಳು
* ಸೀಗಡಿ – 250 ರಿಂದ 300 ಗ್ರಾಂ
* ಅಚ್ಚ ಖಾರದ ಪುಡಿ – 1 ಟೀ ಸ್ಪೂನ್
* ಅರಿಶಿನ- 1/4 ಟೀ ಸ್ಪೂನ್
* ಬೆಳ್ಳುಳ್ಳಿ-ಶುಂಠಿ ಪೇಸ್ಟ್ – 1 ಟೀ ಸ್ಪೂನ್
* ಧನಿಯಾ ಪೌಡರ್ – 1 ಟೀ ಸ್ಪೂನ್
* ಜೀರಿಗೆ ಪೌಡರ್- 1/2 ಟೀ ಸ್ಪೂನ್
* ಸೋಂಪು ಪೌಡರ್ – 1/2 ಟೀ ಸ್ಪೂನ್
* ಗರಂ ಮಸಾಲ- 1/2 ಟೀ ಸ್ಪೂನ್
* ಈರುಳ್ಳಿ – 2 ಮಧ್ಯಮ ಗಾತ್ರದ್ದು (ಉದ್ದವಾಗಿ ಕತ್ತರಿಸಿಕೊಳ್ಳಬೇಕು)
* ಹಸಿ ಮೆಣಸಿನಕಾಯಿ – 4
* ಕರಿಬೇವು – 15 ರಿಂದ 20 ಎಲೆ
* ನಿಂಬೆ ರಸ – 1.5 ಟೀ ಸ್ಪೂನ್
* ಎಣ್ಣೆ- 3 ಟೀ ಸ್ಪೂನ್
* ಉಪ್ಪು- ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ
* ಸೀಗಡಿಯನ್ನು ಚೆನ್ನಾಗಿ ಬಿಡಿಸಿಕೊಂಡು ಮಿಕ್ಸಿಂಗ್ ಬೌಲ್ ನಲ್ಲಿ ಹಾಕಿಕೊಳ್ಳಿ. ಈಗ ಬೆಳ್ಳುಳ್ಳಿ-ಪೇಸ್ಟ್, ಅಚ್ಚ ಖಾರದ ಪುಡಿ, ಅರಿಶಿನ, ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಂಡು ಮುಚ್ಚಳ ಮುಚ್ಚಿ 30 ನಿಮಿಷ ಎತ್ತಿಟ್ಟುಕೊಳ್ಳಿ.
* ಸ್ಟೌವ್ ಆನ್ ಮಾಡ್ಕೊಂಡು ಪ್ಯಾನ್ ಇಟ್ಕೊಳ್ಳಿ. ಪ್ಯಾನ್ ಬಿಸಿ ಆಗುತ್ತಿದ್ದಂತೆ ಎಣ್ಣೆ ಹಾಕಿ.
* ಎಣ್ಣೆ ಬಿಸಿಯಾಗುತ್ತಿದ್ದ ಕತ್ತರಿಸಿಕೊಂಡಿರುವ ಈರುಳ್ಳಿ ಹಾಕಿ ಗೋಲ್ಡನ್ ಕಲರ್ ಬರೋವರೆಗೂ ಫ್ರೈ ಮಾಡಬೇಕು.
* ತದನಂತರ ಕತ್ತರಿಸಿದ ಹಸಿ ಮೆಣಸಿನಕಾತಿ, ಕರಿಬೇವು ಹಾಕಿ 2 ನಿಮಿಷ ಬಾಡಿಸಿಕೊಂಡ ನಂತರ ಮಸಾಲೆಯಲ್ಲಿ ಮಿಕ್ಸ್ ಮಾಡಿರುವ ಸೀಗಡಿಯನ್ನು ಹಾಕಿ ಚೆನ್ನಾಗಿ ಮೂರರಿಂದ ಐದು ನಿಮಿಷ ಕಡಿಮೆ ಉರಿಯಲ್ಲಿ ಫ್ರೈ ಮಾಡಬೇಕು.
* ನಂತರ ಧನಿಯಾ, ಜೀರಿಗೆ ಪೌಡರ್ ಹಾಕಿ ಚೆನ್ನಾಗಿ ಮೂರರಿಂದ ನಾಲ್ಕು ನಿಮಿಷ ಬೇಯಿಸಿದ ನಂತರ ನಿಂಬೆ ರಸ ಮಿಕ್ಸ್ ಮಾಡಿದ್ರೆ ರುಚಿ ರುಚಿಯಾದ ಸ್ಪೈಸಿ ಮಸಾಲಾ ಸೀಗಡಿ ಫ್ರೈ ಸವಿಯಲು ಸಿದ್ಧ.
* ಬಿಸಿ ಅನ್ನ ಅಥವಾ ನೀರದೋಸೆ, ಚಪಾತಿ, ಬಿಸಿ ರೊಟ್ಟಿಗೆ ಸೀಗಡಿ ಫ್ರೈ ಒಳ್ಳೆಯ ಕಾಂಬಿನೇಷನ್.
