ಪಿಪಿಇ ಕಿಟ್ ಧರಿಸಿ ಯುಎಇಗೆ ಪ್ರಯಾಣಿಸಿದ ರಾಜಸ್ಥಾನ ರಾಯಲ್ಸ್ ಕ್ರಿಕೆಟಿಗರು

ದುಬೈ: ಐಪಿಎಲ್ 2020ರ ಆವೃತ್ತಿಗಾಗಿ ಯುಎಇಗೆ ಗುರುವಾರದಿಂದ ತಂಡಗಳು ಯುಎಇಗೆ ಪ್ರಯಾಣ ಬೆಳೆಸಿವೆ. ಸೆ.19 ರಿಂದ ನ.10 ರವರೆಗೂ ಈ ಬಾರಿಯ ಟೂರ್ನಿ ನಡೆಯಲಿದ್ದು, ಕಿಂಗ್ಸ್ ಇಲೆವೆನ್ ಪಂಜಾಬ್ ಹಾಗೂ ರಾಜಸ್ಥಾನ ರಾಯಲ್ಸ್ ತಂಡಗಳು ದುಬೈಗೆ ತೆರಳಿವೆ.

ಮಾಸ್ಕ್ ಹಾಗೂ ಸಾಮಾಜಿಕ ಅಂತರ ನಿಯಮಗಳನ್ನು ಪಾಲಿಸಿ ಪಂಜಾಬ್ ತಂಡದ ಆಟಗಾರರು ತೆರಳಿದರೆ, ರಾಜಸ್ಥಾನ ತಂಡದ ಆಟಗಾರರು ಪಿಪಿಇ ಕಿಟ್ ಧರಿಸಿ ಪ್ರಯಾಣಿಸುವ ಮೂಲಕ ಹೆಚ್ಚಿನ ಮುನ್ನೆಚ್ಚರಿಕೆ ವಹಿಸಿದ್ದರು. ರಾಜಸ್ಥಾನ ತಂಡದ ಜಯದೇವ್ ಉನದ್ಕತ್, ರಾಬಿನ್ ಉತ್ತಪ್ಪ ಪಿಪಿಇ ಕಿಟ್ ಧರಿಸಿರುವ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.

UAE ready! ????????#HallaBol | #RoyalsFamily pic.twitter.com/fJaUrFSwq5

— Rajasthan Royals (@rajasthanroyals) August 20, 2020

ಐಪಿಎಲ್ 2020ರ ಆವೃತ್ತಿ 53 ದಿನಗಳು ನಡೆಯಲಿದ್ದು, 60 ಪಂದ್ಯಗಳ ಶೆಡ್ಯೂಲ್ ನಿಗದಿಯಾಗಿದೆ. ಇದರಲ್ಲಿ 10 ಡಬಲ್ ಹೇಡರ್ ಪಂದ್ಯಗಳಿವೆ. ಯುಎಇಗೆ ಆಟಗಾರರನ್ನು ಕಳುಹಿಸುವ ಮುನ್ನ ಎರಡನೇ ಬಾರಿ ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. ಅಲ್ಲದೇ ತೆರಳಿದ ಬಳಿಕ ಮೊದಲ ದಿನ ಹಾಗೂ 14 ದಿನಗಳ ಬಳಿಕ 2 ಬಾರಿ ಕೋವಿಡ್ ಪರೀಕ್ಷೆ ನಡೆಸಲಾಗುತ್ತದೆ ಎಂದು ಆಯೋಜಕರು ತಿಳಿಸಿದ್ದಾರೆ. ಟೂರ್ನಿ ಆರಂಭಕ್ಕೂ ಮುನ್ನ ಪ್ರತಿ ಆಟಗಾರನಿಗೆ 5 ಬಾರಿ ಕೊರೊನಾ ಟೆಸ್ಟ್ ನಡೆಸಲಾಗುತ್ತದೆ. ಎಲ್ಲಾ ಟೆಸ್ಟ್ ನಲ್ಲಿ ನೆಗೆಟಿವ್ ವರದಿ ಬಂದ ಆಟಗಾರರೊಂದಿಗೆ ಮಾತ್ರ ಬಯೋ-ಸೆಕ್ಯೂಲರ್ ವಾತಾವರಣದಲ್ಲಿ ಟೂರ್ನಿ ನಡೆಸಲಾಗುತ್ತದೆ.

#SaddaSquad ♥️????

Can you identify each one of them with the ???? on? ????#SaddaPunjab #IPL2020 pic.twitter.com/H7J5NRujvC

— Kings XI Punjab (@lionsdenkxip) August 20, 2020