ನವದೆಹಲಿ: ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ (Gyanesh Kumar) ರಾಜೀನಾಮೆಗೆ ಆಗ್ರಹಿಸಿ ಇಂಡಿಯಾ ಒಕ್ಕೂಟ (INDIA Bloc) ಪ್ರತಿಭಟನೆ ಮುಂದುವರಿಸಿದೆ.
ಮಧ್ಯಾಹ್ನ ಭೋಜನಕೂಟ ಮುಗಿಸಿ, ಸಂಜೆ ಆಗುತ್ತಿದ್ದಂತೆ ಲೋಕಸಭಾ ವಿಪಕ್ಷ ನಾಯಕ ರಾಹುಲ್ ಗಾಂಧಿ (Rahul Gandhi) ನೇತೃತ್ವದಲ್ಲಿ ಒಕ್ಕೂಟ ಸಂಸದರು ಜಂತರ್ ಮಂತರ್‌ನತ್ತ ಹೊರಟಿದ್ದಾರೆ. ಇದನ್ನೂ ಓದಿ: SIR ವಿವಾದ| ವಿಜಯ್‌ಗೆ ಹೆದರುತ್ತಿದ್ದೀರಾ?- ರಾಹುಲ್ ಮೌನ, ದ್ವಂದ್ವ ನೀತಿಗೆ ಡಿಎಂಕೆ ಆಕ್ರೋಶ
ನಿನ್ನೆ ಮುಖ್ಯ ಚುನಾವಣಾ ಆಯುಕ್ತರನ್ನ ಭೇಟಿ ಮಾಡಲು ಅವಕಾಶ ಸಿಕ್ಕಿಲ್ಲ. ಜ್ಞಾನೇಶ್ ಕುಮಾರ್ ಲೋಕತಂತ್ರದ ದಾರಿ ತಪ್ಪಿಸಿದ್ದಾರೆ. ಜ್ಞಾನೇಶ್ ರಾಜೀನಾಮೆ ಕೊಡಲೇಬೇಕು. ಲೋಕತಂತ್ರ ಮುಗಿಸಿದವರು ಉಳಿಯುವುದಿಲ್ಲ ಎಂದು ರಾಹುಲ್ ಗಾಂಧಿ ಗುಡುಗಿದ್ದಾರೆ.
ಎಫ್ಐಆರ್ ದಾಖಲಿಸಿದ್ರೆ ರಾಹುಲ್ ಗಾಂಧಿ ಭಯ ಪಡುವುದಿಲ್ಲ. ಈಗಾಗಲೇ ನನ್ನ ಮೇಲೆ 45 ಎಫ್ಐಆರ್‌ಗಳಿವೆ. ಈ ತರಹದ 100 ಎಫ್ಐಆರ್ ಆದ್ರೂ ನಾನು ಹೆದರುವುದಿಲ್ಲ. ಮಧ್ಯಾಹ್ನದ ಭೋಜನ ಬಳಿಕ ಇಂಡಿಯಾ ಬ್ಲಾಕ್ ಪ್ರತಿಭಟನೆ ಮುಂದುವರಿಸಿದೆ. ಇಂದು 300 ಜನ ಸಂಸದರು ಪ್ರತಿಭಟನೆಯಲ್ಲಿ ಭಾಗಿಯಾಗ್ತಿದ್ದೇವೆ ಎಂದು ತಿಳಿಸಿದ್ದಾರೆ. ಇದನ್ನೂ ಓದಿ: ಯಾವುದೇ ರಾಜಕೀಯ ಪಕ್ಷ ನಮ್ಮ ಭೇಟಿಗೆ ಮನವಿ ಮಾಡಿಲ್ಲ: ಚುನಾವಣಾ ಆಯೋಗ ಸ್ಪಷ್ಟನೆ
