– ದೆಹಲಿ ಪೊಲೀಸರ ಮೂಲಕ ರಾಹುಲ್ ಗಾಂಧಿ ಭೇಟಿ ಪ್ರಸ್ತಾವ ಇಟ್ಟಿದ್ದು ಶಿಷ್ಟಾಚಾರ ಕ್ರಮವಲ್ಲ
– ಪ್ರಕಟಣೆ ಮೂಲಕ ಸ್ಪಷ್ಟಪಡಿಸಿದ ಆಯೋಗ
ನವದೆಹಲಿ: ಯಾವುದೇ ರಾಜಕೀಯ ಪಕ್ಷವು ಚುನಾವಣಾ ಆಯುಕ್ತರನ್ನು ಭೇಟಿಯಾಗಲು ಸಮಯ ಕೇಳಿಲ್ಲ ಎಂದು ಚುನಾವಣಾ ಆಯೋಗ (Election Commission) ಪ್ರಕಟಣೆ ಮೂಲಕ ಸ್ಪಷ್ಟಪಡಿಸಿದೆ.
ಕೆಲವು ರಾಜಕೀಯ ಪಕ್ಷಗಳು, ಕೆಲವು ಸಂಸದರು (MPs) ಮತ್ತು ಅವರ ನಿಯೋಗಗಳು, ಆಯೋಗವನ್ನು ಭೇಟಿ ಮಾಡಲು ಬಯಸಿವೆ ಎಂಬ ವಿಷಯವು ಇಂದು ಮಾಧ್ಯಮ ವರದಿಗಳ ಮೂಲಕ ಚುನಾವಣಾ ಆಯೋಗದ ಗಮನಕ್ಕೆ ಬಂದಿತು. ಆದರೆ, ಇಂದು (ಮಂಗಳವಾರ) ಸಾಯಂಕಾಲ 4 ಗಂಟೆಯವರೆಗೆ ಯಾವುದೇ ರಾಜಕೀಯ ಪಕ್ಷವು ನಮ್ಮ ಪ್ರತಿನಿಧಿಗಳ ಮೂಲಕ ಚುನಾವಣಾ ಆಯೋಗದೊಂದಿಗೆ ಭೇಟಿಗೆ ಅಧಿಕೃತವಾಗಿ ಮನವಿ ಮಾಡಿರಲಿಲ್ಲ ಎಂದು ಆಯೋಗ ತಿಳಿಸಿದೆ. ಇದನ್ನೂ ಓದಿ: ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ಆಗ್ರಹಿಸಿ ಧರಣಿ; ರಾಹುಲ್, ಪ್ರಿಯಾಂಕಾ ಗಾಂಧಿ ಸೇರಿ ‘ಕೈ’ ನಾಯಕರು ವಶಕ್ಕೆ
ಸಂಜೆ 4 ಗಂಟೆ ಸುಮಾರಿಗೆ, ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರ ನೇತೃತ್ವದ ಸಂಸದರ ನಿಯೋಗವೊಂದು ಮನವಿ ಪತ್ರವನ್ನು ಸಲ್ಲಿಸಲು ಆಯೋಗವನ್ನು ಭೇಟಿ ಮಾಡಲು ಬಯಸಿದೆ ಎಂಬ ಮಾಹಿತಿಯು ದೆಹಲಿ ಪೊಲೀಸರಿಂದ ಲಭ್ಯವಾಯಿತು ಎಂದು ಆಯೋಗ ಸ್ಪಷ್ಟಪಡಿಸಿದೆ.
Earlier today, it came to the Election Commission’s attention through media reports that certain political parties—specifically, some Members of Parliament (MPs) along with their delegations—wished to meet the Commission. The Commission wishes to clarify that, as of 4:00 PM today, no political party had formally requested a meeting with the Election Commission through its representatives. Subsequently, around 4:00 PM, information was received from the Delhi Police that a delegation of MPs, led by the Leader of the Opposition, Rahul Gandhi, wished to meet the Commission to submit a memorandum: Election Commission of India
— ANI (@ANI) October 6, 2026
ಇಂದು ಸಂಜೆ 4 ಗಂಟೆಯ ನಂತರ ಚುನಾವಣಾ ಆಯೋಗವು ಸಂಸದರ ಸಭೆಯ ಪ್ರಸ್ತಾವನೆಯನ್ನು ಪರಿಗಣಿಸುತ್ತಿದ್ದಾಗ, ದೆಹಲಿ ಪೊಲೀಸ್ ಡಿಸಿಪಿ ಮೂಲಕ, 240 ಸಂಸದರ ಗುಂಪಿನೊಂದಿಗೆ ಸಂಸತ್ ಭವನದ ಅನೆಕ್ಸ್ ಬಿಲ್ಡಿಂಗ್‌ನಲ್ಲಿ ಭೇಟಿಯ ಪ್ರಸ್ತಾವನೆ ಮುಂದಿಟ್ಟರು. ಚುನಾವಣಾ ಆಯೋಗವು ಈ ವಿನಂತಿಯನ್ನು ಅಸಾಮಾನ್ಯವೆಂದು ಪರಿಗಣಿಸಿದೆ. ಅಂತಹ ಸಭೆಗಳು ಭಾರತೀಯ ಚುನಾವಣಾ ಆಯೋಗದ ಆವರಣದೊಳಗೆ ನಡೆಯಬೇಕೆಂದು ಶಿಷ್ಟಾಚಾರವಿರುವುದರಿಂದ ಇದನ್ನು ಸ್ವೀಕರಿಸಲಾಗುವುದಿಲ್ಲ ಎಂದು ಆಯೋಗ ಹೇಳಿದೆ. ಇದನ್ನೂ ಓದಿ: ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ವೋಟ್ ಬಚಾವ್, ದೇಶ ಬಚಾವ್ ಹೆಸರಿನಲ್ಲಿ ಹೋರಾಟ: ಬಿ.ಕೆ.ಹರಿಪ್ರಸಾದ್
ಆಯೋಗದ ಅತ್ಯಂತ ಹಿರಿಯ ಅಧಿಕಾರಿಯನ್ನು ಪ್ರತಿಭಟನಾ ಸ್ಥಳಕ್ಕೆ ಕಳುಹಿಸುವುದಾಗಿ ಚುನಾವಣಾ ಆಯೋಗ ಪ್ರಸ್ತಾಪಿಸಿತು. ಇದು ಅಭೂತಪೂರ್ವ ಹೆಜ್ಜೆಯಾಗುತ್ತಿತ್ತು. ಆದರೆ, ಈ ವಿನಂತಿಯನ್ನು ಸಂಸದರು ತಿರಸ್ಕರಿಸಿದರು.
ಚುನಾವಣಾ ಆಯೋಗವು ದೇಶದ ಸಂಸದೀಯ ಮತ್ತು ಪ್ರಜಾಪ್ರಭುತ್ವ ಪ್ರಕ್ರಿಯೆಗಳನ್ನು ಗೌರವಿಸುತ್ತದೆ. ಆಯೋಗ ತನ್ನದೇ ಆದ ಶಿಷ್ಟಾಚಾರಗಳು ಮತ್ತು ಸಂಪ್ರದಾಯಗಳನ್ನು ಸಹ ಗೌರವಿಸುತ್ತದೆ, ಇವು ಅತ್ಯಂತ ಮಹತ್ವದ್ದಾಗಿವೆ. ಯಾವುದೇ ರಾಜಕೀಯ ಪಕ್ಷವು ಯಾವುದೇ ಸಮಯದಲ್ಲಿ ಚುನಾವಣಾ ಆಯೋಗದೊಂದಿಗೆ ಸಭೆಯನ್ನು ಕೋರಬಹುದು ಮತ್ತು ಆಯೋಗವು ಲಾಜಿಸ್ಟಿಕಲ್ ಅನುಕೂಲಗಳ ಆಧಾರದ ಮೇಲೆ ಸಭೆಯನ್ನು ನಿಗದಿಪಡಿಸಬಹುದು. ಇದು ಸಹಜ ಪ್ರಕ್ರಿಯೆ ಎಂದು ಪ್ರಕಟಣೆ ಮೂಲಕ ಆಯೋಗ ತಿಳಿಸಿದೆ.
