ಅಳಿಯನಿಗೆ ದುಬಾರಿ ಬೆಲೆಯ ಫ್ಲ್ಯಾಟ್ ಗಿಫ್ಟ್ ಕೊಟ್ಟ ಸುನೀಲ್ ಶೆಟ್ಟಿ

ಮೂರು ದಿನಗಳ ಹಿಂದೆಯಷ್ಟೇ ತಮ್ಮ ಪುತ್ರಿ ಅಥಿಯಾ ಶೆಟ್ಟಿಯನ್ನು (Athiya Shetty), ಕ್ರಿಕೆಟಿಗ ಕೆ.ಎಲ್ ರಾಹುಲ್ (K.L Rahul) ಅವರಿಗೆ ಮದುವೆ (Marriage) ಮಾಡಿಕೊಟ್ಟಿದ್ದಾರೆ ಬಾಲಿವುಡ್ ಖ್ಯಾತ ನಟ ಸುನೀಲ್ ಶೆಟ್ಟಿ (Sunil Shetty). ಈ ಅದ್ಧೂರಿ ಮದುವೆಯಲ್ಲಿ ಅಳಿಯನಿಗೆ ದುಬಾರಿ ಬೆಲೆಯ ಫ್ಲ್ಯಾಟ್ ಅನ್ನು ಸುನೀಲ್ ಶೆಟ್ಟಿ ಉಡುಗೊರೆಯಾಗಿ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಬಿಟೌನ್ ನಲ್ಲಿ ಈ ಉಡುಗೊರೆ ಬಗ್ಗೆಯೇ ಸಾಕಷ್ಟು ಚರ್ಚೆ ಕೂಡ ಆಗುತ್ತಿದೆ.

athiya shetty

ಈ ಮದುವೆಯಲ್ಲಿ ಬಾಲಿವುಡ್ ತಾರೆಯರು ಮಾತ್ರವಲ್ಲ, ಕ್ರಿಕೆಟ್ ಆಟಗಾರರೂ ಕೂಡ ಭಾಗಿಯಾಗಿದ್ದರು. ಧೋನಿ, ವಿರಾಟ್ ಕೊಹ್ಲಿ ಸೇರಿದಂತೆ ಹಲವು ಕ್ರಿಕೆಟ್ ತಾರೆಯರು ಕೂಡ ರಾಹುಲ್ ಗೆ ದುಬಾರಿ ಉಡುಗೊರೆಯನ್ನು ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಒಂದೊಂದು ಉಡುಗೊರೆ ಕೂಡ ಕೋಟಿ ಲೆಕ್ಕದಲ್ಲಿ ಇವೆ ಎಂದು ಹೇಳಲಾಗುತ್ತಿದೆ. ವಿರಾಟ್ ಕೊಹ್ಲಿ ಕಾಸ್ಟ್ಲಿ ಕಾರನ್ನು ನೀಡಿದ್ದಾರೆ ಎನ್ನುವ ಸುದ್ದಿಯಿದೆ. ಇದನ್ನೂ ಓದಿ: ದುಶ್ಚಟಗಳಿಗೆ ದಾಸನಾಗಿದ್ದ ನನ್ನನ್ನು ಸರಿದಾರಿಗೆ ತಂದಿದ್ದು ನನ್ನ ಪತ್ನಿ: ರಜನಿಕಾಂತ್

athiya shetty 2

ಸುನೀಲ್ ಶೆಟ್ಟಿ ಅಳಿಯನಿಗಾಗಿ ಮುಂಬೈನಲ್ಲಿ ಐವತ್ತು ಕೋಟಿಗೂ ಅಧಿಕ ಬಾಳುವಂತಹ ಫ್ಲ್ಯಾಟ್ ಅನ್ನು ಮದುವೆಯ ಗಿಫ್ಟ್ ಆಗಿ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಪ್ರತಿಷ್ಠಿತ ಬಡಾವಣೆಯಲ್ಲೇ ಆ ಫ್ಲ್ಯಾಟ್ ಇದ್ದು, ಮದುವೆಯ ನಂತರ ರಾಹುಲ್ ಮತ್ತು ಅಥಿಯಾ ಅದೇ ಮನೆಯಲ್ಲೇ ವಾಸ ಇರಲಿದ್ದಾರಂತೆ. ಈ ದುಬಾರಿ ಗಿಫ್ಟ್ ಬಗ್ಗೆ ಸುನೀಲ್ ಅವರನ್ನು ಮಾಧ್ಯಮಗಳು ಕೂಡ ಪ್ರಶ್ನೆ ಮಾಡಿವೆ. ಆದರೆ, ಈ ಕುರಿತು ಅವರು ಮಾತನಾಡಲು ನಿರಾಕರಿಸಿದ್ದಾರೆ.