ಮುದ್ದಾಗಿ ಕಾಣುತ್ತಿರುವೆ ರೋಹಿತ್ ಬಾಯ್- ಹಿಟ್‍ಮ್ಯಾನ್ ಕಾಲೆಳೆದ ಚಹಲ್

ನವದೆಹಲಿ: ಟೀಂ ಇಂಡಿಯಾ ಲೆಗ್ ಸ್ಪಿನ್ನರ್ ಯಜುವೇಂದ್ರ ಚಹಲ್ ತಮ್ಮ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಲವಾರು ವಿಡಿಯೋಗಳನ್ನು ಪೋಸ್ಟ್ ಮಾಡುವ ಮೂಲಕ ಅಭಿಮಾನಿಗಳೊಂದಿಗೆ ಸಂಪರ್ಕದಲ್ಲಿದ್ದಾರೆ. ಅದರಲ್ಲೂ ಲಾಕ್‍ಡೌನ್ ಆದಾಗಿನಿಂದ ಚಹಲ್ ಹಲವಾರು ಇನ್‍ಸ್ಟಾಗ್ರಾಮ್ ಲೈವ್ ಚಾಟಿಂಗ್ ಮಾಡಿದ್ದಾರೆ ಹಾಗೂ ಸಂದರ್ಶನ ನೀಡಿದ್ದಾರೆ. ಅಷ್ಟೇ ಅಲ್ಲದೆ ಕಾಮೆಂಟ್‍ಗಳ ಮೂಲಕ ಸಹ ಆಟಗಾರರ ಕಾಲೆಳೆದಿದ್ದಾರೆ.

ಭಾರತೀಯ ತಂಡದ ಡ್ರೆಸ್ಸಿಂಗ್ ಕೋಣೆಯಲ್ಲಿನ ತಮಾಷೆಯ ಕ್ರಿಕೆಟಿಗರಲ್ಲಿ ಒಬ್ಬರಾದ ಚಹಲ್ ಟೀಂ ಇಂಡಿಯಾ ಓಪನರ್ ಬ್ಯಾಟ್ಸ್‌ಮನ್‌ ರೋಹಿತ್ ಶರ್ಮಾ ಅವರೊಂದಿಗೆ ಉತ್ತಮ ಸ್ನೇಹ ಹೊಂದಿದ್ದಾರೆ. ಈ ಇಬ್ಬರೂ ಆಟಗಾರರು ಸಾಮಾಜಿಕ ಜಾಲತಾಣದಲ್ಲಿ ಪರಸ್ಪರರ ಕಾಲು ಎಳೆಯುತ್ತಲೇ ಇರುತ್ತಾರೆ.

Yuzvendra Chahal Rohita Sharma

ಯಜುವೇಂದ್ರ ಚಹಲ್ ಬುಧವಾರ ರೋಹಿತ್ ಶರ್ಮಾ ಹಾಗೂ ಅವರಂತೆ ಕಾಣುವ ಯುವತಿಯ ಫೋಟೋವನ್ನು ಸೇರಿಸಿ ಟ್ವಿಟ್ ಮಾಡಿದ್ದಾರೆ. ಜೊತೆಗೆ “ನೀವು ತುಂಬಾ ಮುದ್ದಾಗಿ ಕಾಣುತ್ತಿದ್ದಿರಾ ರೋಹಿತ್ ಶರ್ಮಾ ಬಾಯ್” ಎಂದು ಬರೆದುಕೊಂಡು ತಮಾಷೆ ಮಾಡಿದ್ದಾರೆ.

ಹಿಟ್‍ಮ್ಯಾನ್ ಈವರೆಗೂ ಚಹಲ್ ಟ್ವೀಟ್‍ಗೆ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಅವರು ಕೂಡ ಚಹಲ್ ಅವರ ಕಾಲು ಎಳೆಯುವ ಅವಕಾಶವನ್ನು ಬಿಡುವುದಿಲ್ಲ. ಹೀಗಾಗಿ ಇಬ್ಬರ ತಮಾಷೆಯನ್ನು ಮುಂದುವರಿಯಲಿದೆ ಎಂದು ನೆಟ್ಟಿಗರು ಕಾಯುತ್ತಿದ್ದಾರೆ.