Bollywood
ಪ್ರಿಯಾಂಕಾ ಬರ್ತ್ ಡೇಗೆ ಪ್ರೇಮಕವಿಯಾದ ನಿಕ್
-ರೊಮ್ಯಾಂಟಿಕ್ ಫೋಟೋ ಶೇರ್
ಮುಂಬೈ: ಬಾಲಿವುಡ್ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ವಿದೇಶಿ ಹುಡುಗನನ್ನ ಮದ್ವೆಯಾಗಿ ಸಿನಿಮಾಗಳಿಂದ ದೂರ ಉಳಿದುಕೊಂಡಿದ್ದಾರೆ. ಜುಲೈ 18ರಂದು ಪ್ರಿಯಾಂಕಾ 38ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಅಭಿಮಾನಿಗಳು ಸೇರಿದಂತೆ ಸ್ಟಾರ್ ಕಲಾವಿದರನ್ನು ಪ್ರಿಯಾಂಂಕಾಗೆ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದರು. ಪತಿ ನಿಕ್ ಜೋನಸ್ ಮಡದಿಗಾಗಿ ಪ್ರೇಮ ಕವಿಯಾಗಿ ರೊಮ್ಯಾಂಟಿಕ್ ಸಾಲುಗಳನ್ನು ಪತ್ನಿಗೆ ವಿಶ್ ಮಾಡಿದ್ದಾರೆ.
ಪತ್ನಿ ಜೊತೆಗಿರುವ ರೊಮ್ಯಾಂಟಿಕ್ ಫೋಟೋ ಹಂಚಿಕೊಂಡಿರುವ ನಿಕ್ ಜೋನಸ್, ನಾನು ನಿನ್ನ ಕಣ್ಣುಗಳನ್ನು ಜೀವನಪೂರ್ತಿ ನೋಡಲು ಇಷ್ಟಪಡುತ್ತೇನೆ. ಐ ಲವ್ ಯೂ ಬೇಬಿ. ನಾನು ಇದುವರೆಗೂ ಭೇಟಿಯಾದ ಜನಗಳಲ್ಲಿ ನೀನು ತುಂಬಾ ಸ್ಪೆಷಲ್. ಆ ಜನಗಳಲ್ಲಿ ಅರ್ಥ ಮಾಡಿಕೊಳ್ಳುವ, ಕೇರ್ ಮಾಡುವ ಅದ್ಭುತ ಮಹಿಳೆ. ನಾವಿಬ್ಬರು ಒಂದಾಗಿರೋದಕ್ಕೆ ನಾನು ಅಭಾರಿಯಾಗಿದ್ದೇನೆ. ಹ್ಯಾಪಿ ಬರ್ತ್ ಡೇ ಬ್ಯೂಟಿಫುಲ್ ಎಂದು ಬರೆದುಕೊಂಡಿದ್ದಾರೆ.
ನಿಕ್ ತಂದೆ ಸಹ ಸೊಸೆ ಹುಟ್ಟುಹಬ್ಬಕ್ಕೆ ವಿಶ್ ಮಾಡಿದ್ದಾರೆ. ಇನ್‍ಸ್ಟಾಗ್ರಾಂನಲ್ಲಿ ನಿಶ್ಚಿತಾರ್ಥದ ಫೋಟೋ ಹಂಚಿಕೊಂಡಿರುವ ನಿಕ್ ತಂದೆ, ಹ್ಯಾಪಿ ಬರ್ತ್ ಡೇ ಪ್ರಿಯಾಂಕಾ ಚೋಪ್ರಾ. ನೀನು ನಮ್ಮ ಕುಟುಂಬಕ್ಕೆ ಖುಷಿ ತಂದಿದ್ದೀಯಾ. ಲವ್ ಯೂ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ. ಇತ್ತ ಪ್ರಿಯಾಂಕಾ ಸೋದರ ಸಿದ್ಧಾರ್ಥ ಬಾಲ್ಯದ ಫೋಟೋ ಹಂಚಿಕೊಂಡು ಸೋದರಿಗೆ ಜನ್ಮ ದಿನದ ಶುಭಾಶಯ ತಿಳಿಸಿದ್ದಾರೆ.
