ಹೊಸ ಲುಕ್‍ನಲ್ಲಿ ರಕ್ಷಿತ್ ಶೆಟ್ಟಿ ಮಿಂಚಿಂಗ್

ಬೆಂಗಳೂರು: ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಹೊಸ ಲುಕ್‍ನಲ್ಲಿ ಅಭಿಮಾನಿಗಳ ಮುಂದೆ ಬರಲಿದ್ದಾರೆ. ಸದ್ಯ ಈಗ ಅವರ ಹೊಸ ಸಿನಿಮಾದ ಹೊಸ ಲುಕ್ ರಿವಿಲ್ ಆಗಿದೆ.

ರಕ್ಷಿತ್ ಶೆಟ್ಟಿ ಅವರ ಮುಂದಿನ ಚಿತ್ರಕ್ಕೆ `ತೆನಾಲಿ’ ಅಂತ ಟೈಟಲ್ ಇಡಲಾಗಿದೆ. ಹೇಮಂತ್ ರಾವ್ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಲಿದ್ದು, ಸ್ವತಂತ್ರ ಪೂರ್ವದ ಕಥೆಯನ್ನು ಹೇಳಲು ಚಿತ್ರತಂಡ ಹೊರಟಿದೆ. ರಕ್ಷಿತ್ ಶೆಟ್ಟಿ ಹೊಸ ಲುಕ್ ಅವರ ಅಭಿಮಾನಿಗಳಲ್ಲಿ ಭರವಸೆ ಮೂಡಿಸಿದೆ. ಇಂಚರ ಮತ್ತು ವಿನಯ್ ಸ್ಟೈಲಿಂಗ್ ಮಾಡಿದ್ದು, ಶರತ್ ಕ್ಯಾಮರಾ ಕೈಚಳಕದಲ್ಲಿ ಈ ಫೋಟೋ ಸೆರೆ ಸಿಕ್ಕಿದೆ.

ಹೇಮಂತ್ ರಾವ್ ಈಗಾಗಲೇ ರಕ್ಷಿತ್ ನಟನೆಯ ‘ಗೋಧಿ ಬಣ್ಣ ಸಾಧಾರಣ ಮೈಕಟ್ಟು’ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಅಲ್ಲದೇ ಈ ಚಿತ್ರವನ್ನು ಪುಷ್ಕರ್ ಮಲ್ಲಿಕಾರ್ಜುನ್ ನಿರ್ಮಾಣ ಮಾಡಿದ್ದರು. ಇದೀಗ ಮತ್ತೇ ಈ ಜೋಡಿ ತೆನಾಲಿ ಚಿತ್ರದಲ್ಲಿ ಒಂದಾಗಿ ಜನರಿಗೆ ಮನೋರಂಜನೆ ನೀಡಲಿದ್ದಾರೆ. ಸದ್ಯ ಚಿತ್ರದ ನಿರ್ದೇಶಕ ಹೇಮಂತ್ ರಾವ್ ತಮ್ಮ ಟ್ವಟ್ಟರಿನಲ್ಲಿ ರಕ್ಷಿತ್ ಶೆಟ್ಟಿ ಅವರ ಹೊಸ ಲುಕ್ ಫೋಟೋವನ್ನು ಹಾಕಿ ಟ್ವೀಟ್ ಮಾಡಿದ್ದಾರೆ.

Ive always been a big fan of history and period pieces. I had this idea for a film set during the independence struggle. I discussed the idea and character with Rakshit who really loved it, so we decided to try a few looks for fun.

— Hemanth M Rao (@hemanthrao11) September 13, 2018

ನಾನು ಯಾವಾಗಲೂ ಇತಿಹಾಸಗಳ ದೊಡ್ಡ ಅಭಿಮಾನಿಯಾಗಿದ್ದೇನೆ. ಈ ಚಿತ್ರದಲ್ಲಿ ಸ್ವಾತಂತ್ರ್ಯ ಸಂಗ್ರಾಮದ ಸಂದರ್ಭದಲ್ಲಿ ಆದ ಘಟನೆಯನ್ನು ತೋರಿಸುವ ಐಡಿಯಾವನ್ನು ಹೊಂದಿದ್ದೇನೆ. ನಂತರ ನಾನು ಈ ಐಡಿಯಾ ಹಾಗೂ ಪಾತ್ರವನ್ನು ರಕ್ಷಿತ್ ಅವರೊಂದಿಗೆ ಹಂಚಿಕೊಂಡೆ. ಅವರು ಕೂಡ ಈ ಕತೆಯನ್ನು ಇಷ್ಟಪಟ್ಟಿದ್ದಾರೆ. ಕೆಲವು ಹೊಸ ಲುಕ್‍ಗಳನ್ನು ಪ್ರಯತ್ನಿಸಲು ನಾವು ನಿರ್ಧರಿಸಿದ್ದೇವೆ. ಹಾಗಾಗಿ ಕೆಲವು ಹೊಸ ಲುಕ್‍ಗಳನ್ನು ಮೋಜಿಗಾಗಿ ಟ್ರೈ ಮಾಡೋಣ ಎನ್ನಿಸಿತ್ತು ಎಂದು ಹೇಮಂತ್ ರಾವ್ ಟ್ವೀಟ್ ಮಾಡಿದ್ದಾರೆ.

'Tenali' is still an idea & has a long way to go. I will only start writing once I'm done with @KavaludaariFilm, it's still too early to say when Tenali will begin his adventure but whenever it happens, the film will see the 3 of us @PUSHKARA11 #Rakshit & I work together again pic.twitter.com/DgrPP7sRpK

— Hemanth M Rao (@hemanthrao11) September 13, 2018

ತೆನಾಲಿ ಚಿತ್ರ ನನ್ನದೊಂದು ಐಡಿಯಾ ಅಷ್ಟೇ. ಈ ಚಿತ್ರ ತೆರೆಗೆ ಬರಲು ಇನ್ನೂ ಸಾಕಷ್ಟು ಸಮಯವಿದೆ. ಸದ್ಯ ನಾನು ಈಗ ‘ಕವಲುದಾರಿ’ ಚಿತ್ರದಲ್ಲಿ ಬ್ಯುಸಿ ಇದ್ದೇನೆ. ಕವಲುದಾರಿ ಚಿತ್ರ ಮುಗಿದ ನಂತರ ತೆನಾಲಿ ಚಿತ್ರಕ್ಕೆ ಕತೆ ಬರೆಯಲು ಶುರು ಮಾಡುತ್ತೇನೆ. ಆದರೆ ತೆನಾಲಿ ಚಿತ್ರ ಯಾವಾಗ ಸೆಟ್ಟೇರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಅದು ಶುರುವಾದಾಗ ನನ್ನ, ಪುಷ್ಕರ್ ಹಾಗೂ ರಕ್ಷಿತ್ ಶೆಟ್ಟಿಯನ್ನು ಮತ್ತೇ ತೆರೆ ಮೇಲೆ ನೋಡುತ್ತೀರಿ. ನಾವು ಮೂವರು ಮತ್ತೇ ಒಟ್ಟಿಗೆ ಕೆಲಸ ಮಾಡಲಿದ್ದೇವೆ ಎಂದು ಹೇಮಂತ್ ಟ್ವೀಟ್ ಮಾಡಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv