Connect with us

Bollywood

ಮುಂದೆ ಕೃಷ್ಣ ಮೃಗ ಸಂರಕ್ಷಣೆನಾ?- ಡ್ರೈವಿಂಗ್ ಸ್ಕೂಲ್ ಉದ್ಘಾಟಿಸಿದ್ದಕ್ಕೆ ಸಲ್ಮಾನ್ ಕಾಲೆಳೆದ ಟ್ವಿಟ್ಟರಿಗರು

Published

on

ಮುಂಬೈ: ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ದುಬೈನಲ್ಲಿ ಕಾರ್ ಡ್ರೈವಿಂಗ್ ಸ್ಕೂಲ್‍ವೊಂದನ್ನ ಉದ್ಘಾಟನೆ ಮಾಡಿದ್ದು, ಟ್ವಿಟ್ಟರಿಗರು ಸಲ್ಲು ಕಾಲೆಳೆದಿದ್ದಾರೆ.

2002ರ ಸೆಪ್ಟೆಂಬರ್‍ನಲ್ಲಿ ಮುಂಬೈನಲ್ಲಿ ರಸ್ತೆ ಬದಿ ಮಲಗಿದ್ದವರ ಮೇಲೆ ಕಾರು ಹರಿಸಿ ಓರ್ವ ವ್ಯಕ್ತಿಯ ಸಾವಿಗೆ ಕಾರಣವಾದ ಆರೋಪ ಸಲ್ಮಾನ್ ಖಾನ್ ಮೇಲಿತ್ತು. ಇದನ್ನ ಟ್ವಿಟ್ಟರಿಗರು ನೆನಪಿಸಿ ಸಲ್ಮಾನ್ ಖಾನ್‍ರನ್ನ ವ್ಯಂಗ್ಯ ಟ್ವೀಟ್‍ಗಳ ಮೂಲಕ ಅಣಕಿಸಿದ್ದಾರೆ.

ಓ ಸಲ್ಮಾನ್ ಖಾನ್ ಡ್ರೈವಿಂಗ್ ಸ್ಕೂಲ್ ಉದ್ಘಾಟನೆ ಮಾಡಿದ್ದಾರೆ! ಮುಂದೆ ಕೃಷ್ಣ ಮೃಗ ಸಂರಕ್ಷಣೆನಾ? ಎಂದು ಒಬ್ಬರು ಟ್ವೀಟ್ ಮಾಡಿದ್ದಾರೆ. ಬ್ಲೂವೇಲ್ ಅಡ್ಮಿನ್ ಆತ್ಮಹತ್ಯೆ ನಿಯಂತ್ರಣ ಕೇಂದ್ರ ಉದ್ಘಾಟಿಸುತ್ತಾರಂತೆ…., ಗುರುಮೀತ್ ರಾಮ್ ರಹೀಮ್ ಮಹಿಳಾ ಸುರಕ್ಷತಾ ಕೇಂದ್ರ ಉದ್ಘಾಟಿಸುತ್ತಾರಂತೆ…ಇನ್ಮುಂದೆ ಡಿಂಚಕ್ ಪೂಜಾ ಲಂಡನ್‍ನಲ್ಲಿ ಸಂಗೀತ ಶಾಲೆ ತೆರೆಯಬಹುದು…. ಹೀಗೆ ವಿವಿಧ ಟ್ವೀಟ್‍ಗಳ ಮೂಲಕ ವ್ಯಂಗ್ಯವಾಡಿದ್ದಾರೆ.

ದುಬೈನ ಅಲ್ ಕುವೋಝ್‍ನಲ್ಲಿ ಬೆಲ್ಹಾಸಾ ಡ್ರೈವಿಂಗ್ ಸೆಂಟರ್‍ನ ಶಾಖೆ ಉದ್ಘಾಟನೆ ಮಾಡಲು ಸಲ್ಮಾನ್ ಖಾನ್‍ರನ್ನ ಆಮಂತ್ರಿಸಲಾಗಿತ್ತು. ಸಲ್ಮಾನ್ ಜೊತೆ ಯುಎಇ ಮೂಲದ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಪ್ರಸಿದ್ಧನಾಗಿರೋ ರಶೀದ್ ಬೆಲ್ಹಾಸಾ(ಮ್ಯಾನೇಜಿಂಗ್ ಡೈರೆಕ್ಟರ್ ಸೈಫ್ ಅಹ್ಮದ್ ಬೆಲ್ಹಾಸಾ ಪುತ್ರ) ಹಾಗೂ ಅನೇಕ ಗಣ್ಯರು ಈ ಸಮಾರಂಭದಲ್ಲಿ ಭಾಗಿಯಾಗಿದ್ರು.

15 ವರ್ಷದ ರಶೀದ್ ಇನ್ಸ್ ಟಾಗ್ರಾಮ್‍ನ ಅತ್ಯಂತ ಶ್ರೀಮಂತ ಮಕ್ಕಳಲ್ಲೊಬ್ಬ ಹಾಗೂ ಸಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯನಾಗಿರೋ ಅತ್ಯಂತ ಕಿರಿಯ ಕೋಟ್ಯಾಧೀಶ್ವರ. ಸಲ್ಮಾನ್ ಖಾನ್‍ಗೆ ಕಾರ್‍ಗಳನ್ನು ಸಂಗ್ರಹಿಸುವ ಕ್ರೇಜ್ ಇದೆ. ಇನ್ನು ರಶೀದ್ ಬಳಿ ಲೂಯಿಸ್ ವಿಟ್ಟನ್ ಫೆರಾರಿ ಕಾರು ಸೇರಿದಂತೆ ಸಾಕಷ್ಟು ಐಶಾರಾಮಿ ಕಾರ್‍ಗಳಿವೆ. ಸಲ್ಮಾನ್ ಜೊತೆಗಿನ ಫೋಟೋವನ್ನ ರಶೀದ್ ಇನ್ಸ್ ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾನೆ.

 

ಹಿಟ್ ಅಂಡ್ ರನ್ ಪ್ರಕರಣದಲ್ಲಿ ಬಾಂಬೇ ಹೈಕೋರ್ಟ್ ಸಲ್ಮಾನ್ ಖಾನ್‍ರನ್ನ ಖುಲಾಸೆಗೊಳಿಸಿತ್ತು.

Click to comment

Leave a Reply

Your email address will not be published. Required fields are marked *

www.publictv.in