ಮಸಾಜ್ ಪಾರ್ಲರ್ ಹೆಸರಲ್ಲಿ ವೇಶ್ಯಾವಾಟಿಕೆ: ನಾಲ್ವರ ಬಂಧನ

ಬೆಂಗಳೂರು: ಮಸಾಜ್ ಪಾರ್ಲರ್ ಹೆಸರಿನಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ನಾಲ್ವರು ಸಿಸಿಬಿ ಪೊಲೀಸರ ದಾಳಿಗೆ ಸಿಕ್ಕಿಬಿದ್ದಿದ್ದು, ಅವರನ್ನು ಬಂಧಿಸಲಾಗಿದೆ.

ಇಂದಿರಾನಗರದ ಆರುಹ್ ಸ್ಪಾ ಮತ್ತು ಸಲೂನ್ ಸೆಂಟರ್ ಹೆಸರಲ್ಲಿ ಈ ದಂಧೆ ನಡೆಸುತ್ತಿದ್ದರು. ಚಂದ್ರಪ್ರಕಾಶ್ (42), ಫಯಾಜ್ (38) ವಿನ್ಸೆಂಟ್ (30) ಹಾಗೂ ವಿಕ್ಟರ್ (28) ಬಂಧಿತ ಆರೋಪಿಗಳು. ಇವರು ಬಾಡಿ ಟು ಬಾಡಿ ಮಸಾಜ್, ಸ್ಯಾಂಡ್ ವಿಚ್, ಹ್ಯಾಪಿ ಎಂಡಿಂಗ್ ಎಂಬ ಹೆಸರಲ್ಲಿ ವೇಶ್ಯಾವಾಟಿಕೆಗೆ ಪ್ರಚೋದನೆ ನೀಡುತ್ತಿದ್ದರು.

ಬಂಧಿತರ ಬಳಿಯಿದ್ದ 4 ಮೊಬೈಲ್ ಫೋನ್, 22 ಸಾವಿರ ರೂ. ನಗದು, 3 ಕಾಂಡೋಮ್ ಹಾಗೂ ಒಂದು ಸ್ವೈಪ್ ಮಾಡುವ ಯಂತ್ರವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಈ ಕುರಿತು ಇಂದಿರಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ.