ನವದೆಹಲಿ: ಇದೇ ಡಿಸೆಂಬರ್ 11, 12ರಂದು ಪ್ರಧಾನಿ ಮೋದಿ (PM Modi) ಅವರು ವಿದೇಶ ಪ್ರವಾಸ ಕೈಗೊಂಡಿದ್ದು, ಕೆನಾಡಕ್ಕೆ (Canada) ಭೇಟಿ ನೀಡಲಿದ್ದಾರೆ. ಇದು ಕೆನಡಾ ಹಾಗೂ ಭಾರತದ ದ್ವಿಪಕ್ಷೀಯ ಸಂಬಂಧ ಬಲವರ್ಧನೆಗೆ ಮಹತ್ವದ ಹೆಜ್ಜೆಯಾಗಲಿದೆ.
ಈ ಭೇಟಿ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ಕೆನಡಾ ಪ್ರಧಾನಿ ಮಾರ್ಕ್ ಕಾರ್ನಿ (Mark Carney) ಜೊತೆ ಮಾತುಕತೆ ನಡೆಸಲಿದ್ದು, ವ್ಯಾಪಾರ, ಇಂಧನ, ತಂತ್ರಜ್ಞಾನ, ಭದ್ರತೆ ಹಾಗೂ ಸಮಗ್ರ ಆರ್ಥಿಕ ಪಾಲುದಾರಿಕೆ ಒಪ್ಪಂದದ ಕುರಿತು ಚರ್ಚೆ ನಡೆಸುವ ನಿರೀಕ್ಷೆಯಿದೆ. ಇದನ್ನೂ ಓದಿ: ಅಮೆರಿಕದ ವಿರುದ್ಧ ಯುದ್ಧದಲ್ಲಿ ಪಾಕಿಸ್ತಾನ ಬೆಂಬಲಿಸುತ್ತೇವೆ – ನಾಲಿಗೆ ಹರಿಬಿಟ್ಟ ಬಿಜೆಪಿ ರಾಜ್ಯಸಭಾ ಸದಸ್ಯ ಮದನ್ ಹೇಳಿಕೆ
Hon’ble PM Shri Narendra Modi will visit Canada on 11–12 December 2026.
In the recent conversation with Rt. Hon. PM Mark Carney, both the leaders agreed to build on the positive momentum in ties and work towards concrete outcomes in trade, energy, technology, security and people-to-people ties.
@narendramodi @MarkJCarney @PMOIndia @CanadianPM @MEAIndia @CanadaFP @DrSJaishankar @AnitaAnandMP @DineshKPatnaik @CanadainIndia
— India in Canada (@HCI_Ottawa) October 15, 2026
ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತದಲ್ಲಿ ಉಂಟಾದ ಉದ್ವಿಗ್ನತೆಯ ನಡುವೆ ಕೆನಡಾವು ತನ್ನ ಆರ್ಥಿಕ ಪಾಲುದಾರಿಕೆಯನ್ನು ವಿಸ್ತರಿಸಲು ನಿರ್ಧರಿಸಿದೆ. ಇದರ ನಡುವೆ ಪ್ರಧಾನಿ ನರೇಂದ್ರ ಮೋದಿ ಅವರ ಈ ಭೇಟಿಯಲ್ಲಿ ವ್ಯಾಪಾರವು ಪ್ರಮುಖ ಕೇಂದ್ರಬಿಂದುವಾಗುವ ನಿರೀಕ್ಷೆಯಿದೆ.
ಒಟ್ಟಾವಾದಲ್ಲಿರುವ ಭಾರತೀಯ ಹೈಕಮಿಷನ್ ಶುಕ್ರವಾರ (ಅ.16) ಈ ಬಗ್ಗೆ ಪ್ರಕಟಿಸಿದ್ದು, ಉಭಯ ನಾಯಕರ ಭೇಟಿ ಬಗ್ಗೆ ತಿಳಿಸಿದೆ. ಇದಕ್ಕೂ ಮುನ್ನ ಗುರುವಾರ (ಅ.15) ಕ್ಯಾಲ್ಗರಿಯಲ್ಲಿರುವ ರೆಸ್ಟೋರೆಂಟ್ ಒಂದರಲ್ಲಿ ಜನರೊಂದಿಗೆ ಮಾತನಾಡುತ್ತಾ ಕಾರ್ನಿ ಅವರು, ಪ್ರಧಾನಿ ಮೋದಿ ಅವರ ಈ ಭೇಟಿಯ ಬಗ್ಗೆ ಖಚಿತಪಡಿಸಿದ್ದರು. ಇದನ್ನೂ ಓದಿ: ಸಿಜೆಪಿಯಿಂದ ತಿರಂಗಾ ಯಾತ್ರೆ: ದೆಹಲಿಯಲ್ಲಿ ಸಂಚಾರ ದಟ್ಟಣೆ ತಪ್ಪಿಸಲು ಮಾರ್ಗಸೂಚಿ
