Connect with us

Districts

ಹರಕು ಮುರುಕು ಗುಡಿಸಲಿನಲ್ಲೇ ವಾಸ- ಕೇಳೋರಿಲ್ಲ ಅಜ್ಜನ ಗೋಳು

Published

on

Share this

ಗದಗ: ಜಿಲ್ಲೆಯ ರೋಣ ಪಟ್ಟಣದಲ್ಲಿ 80ರ ಆಸುಪಾಸಿನ ವೃದ್ಧರೊಬ್ಬರು ವಾಸಿಸಲು ನೆಲೆಯಿಲ್ಲದೇ ಹರಕು ಮುರುಕು ಗುಡಿಸಲಿನಲ್ಲಿ ನಾಯಿ-ಹಂದಿಗಳ ನಡುವೆ ವಾಸವಾಗಿದ್ದಾರೆ.

ಸೋಮಪ್ಪ ಟಪಾಲಿ ಎಂಬವರೇ ಸೂರಿಲ್ಲದೇ ಬೀದಿಗೆ ಬಂದಿರೋ ವೃದ್ಧ. ಸೋಮಪ್ಪರಿಗೆ ಬಂಧು-ಬಳಗ ಎಂದು ಯಾರೂ ಇಲ್ಲ. ಸ್ಥಳೀಯರು ಯಾರಾದ್ರೂ ಊಟ ಕೊಟ್ಟರೆ ಮಾಡುತ್ತಾರೆ. ಒಂದು ವೇಳೆ ಯಾರೂ ಊಟ ಕೊಡದೇ ಇದ್ದಲ್ಲಿ ಅಲ್ಲೇ ಒದ್ದಾಡುತ್ತಾರೆ. ಸೋಮಪ್ಪ 15 ವರ್ಷಗಳಿಂದ ಸಣ್ಣದೊಂದು ಸೂರಿಗಾಗಿ ಪುರಸಭೆ ಕಚೇರಿಗೆ ಅಲೆದಾಡಿದರೂ ಅಧಿಕಾರಿಗಳ ಮನಸ್ಸು ಮಾತ್ರ ಕರಗಿಲ್ಲ.

ಸೋಮಪ್ಪ ಅವರ ಪತ್ನಿ ಸುಮಾರು 20 ವರ್ಷಗಳ ಹಿಂದೆಯೇ ಸಾವನ್ನಪ್ಪಿದ್ದಾರೆ. ಇರುವ ಮೂವರು ಮಕ್ಕಳಲ್ಲಿ ಇಬ್ಬರು ಸಾವನ್ನಪ್ಪಿದ್ದು, ಒಬ್ಬ ಮಾನಸಿಕ ಅಸ್ವಸ್ಥನಾಗಿದ್ದಾನೆ. ಚಳಿ, ಮಳೆ, ಬಿಸಿಲು ಎನ್ನದೇ ಸೋಮಪ್ಪ ಅಲ್ಲಿಯೇ ವಾಸವಾಗಿದ್ದಾರೆ. ಸಂಬಂಧಪಟ್ಟ ಅಧಿಕಾರಿಗಳು ಸೋಮಪ್ಪರಿಗೆ ಮನೆ ವ್ಯವಸ್ಥೆಯನ್ನು ಮಾಡಬೇಕಾಗಿದೆ ಎಂದು ಸ್ಥಳೀಯರು ಹೇಳುತ್ತಾರೆ.

Click to comment

Leave a Reply

Your email address will not be published. Required fields are marked *

Advertisement