CinemaDistrictsKarnatakaLatestMain PostSandalwood

ಪ್ರಗ್ನೆನ್ಸಿ ಫೋಟೋ ಮೂಲಕ ಸಿಹಿ ಸುದ್ದಿ ಕೊಟ್ಟ ರವಿಚಂದ್ರನ್ ‘ಹೂ’ ಹುಡುಗಿ ನಮಿತಾ

ಕ್ರೇಜಿಸ್ಟಾರ್ ರವಿಚಂದ್ರನ್ ನಟನೆಯ ಹಲವು ಸಿನಿಮಾಗಳಲ್ಲಿ ನಟಿಸಿರುವ ನಮಿತಾ, ತಾಯಂದಿರ ದಿನದಂದು ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ. ಆರು ವರ್ಷಗಳಿಂದ ಮಗುವಿಗಾಗಿ ಕಾಯುತ್ತಿದ್ದ ನಮಿತಾ, ಇದೀಗ ತಾಯಿ ಆಗುತ್ತಿರುವ ವಿಷಯವನ್ನು ಸೋಷಿಯಲ್ ಮೀಡಿಯಾ ಮೂಲಕ ಹಂಚಿಕೊಂಡಿದ್ದಾರೆ. ಪ್ರಗ್ನೆನ್ಸಿ ಫೋಟೋವನ್ನು ಹಂಚಿಕೊಂಡಿದ್ದು, ಅಷ್ಟು ದಿನಗಳ ಕಾಯುವಿಕೆಗೆ ಫಲ ಸಿಕ್ಕಿದೆ ಎಂದು ಬರೆದುಕೊಂಡಿದ್ದಾರೆ. ಇದನ್ನೂ ಓದಿ : ಬೆಸ್ಟ್ ಆಕ್ಟರ್ ಅವಾರ್ಡ್ ಪಡೆದಿದ್ದ ‘ನಾನು ಮತ್ತು ಗುಂಡ’ ಸಿನಿಮಾದ ‌ಶ್ವಾನ ನಿಧನ

ರವಿಚಂದ್ರನ್ ಜೊತೆ ನೀಲಕಂಡ, ಹೂ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಮಿತಾ ನಟಿಸಿದ್ದರು. ಅಲ್ಲದೇ, ಕನ್ನಡದ ಇಂದ್ರ ಚಿತ್ರದಲ್ಲೂ ನಾಯಕಿಯಾಗಿ ನಟಿಸಿದ್ದರು. 2917ರಲ್ಲಿ ವೀರೇಂದ್ರ ಅವರ ಜೊತೆ ತಿರುಪತಿಯ ಇಸ್ಕಾನ್ ಲೋಟಸ್ ದೇಗುಲದಲ್ಲಿ ಹೊಸ ಜೀವನಕ್ಕೆ ಕಾಲಿಟ್ಟಿದ್ದರು. ತಮಿಳು ಸಿನಿಮಾದಲ್ಲಿ ನಟಿಸುವಾಗ ವೀರೇಂದ್ರ ಮತ್ತು ನಮಿತಾ ಸ್ನೇಹಿತರಾಗಿ, ಸ್ನೇಹ ಪ್ರೇಮವಾಗಿ ಆನಂತರ ಮನೆಯವರ ಒಪ್ಪಿಗೆ ಪಡೆದುಕೊಂಡು ವಿವಾಹವಾಗಿದ್ದರು. ಇದನ್ನೂ ಓದಿ: ಫಸ್ಟ್ ಟೈಮ್ ಮಗಳ ಫೋಟೋ ಶೇರ್ ಮಾಡಿದ ಪ್ರಿಯಾಂಕಾ ಚೋಪ್ರಾ

ತಮಿಳು, ತೆಲುಗು, ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ನಟಿಸಿರುವ ನಮಿತಾ, ಆಯಾ ಸಿನಿಮಾಗಳನ್ನು ಮಾಡುವಾಗ ಅಲ್ಲಿನ ನಟರ ಜೊತೆ ಇವರ ಹೆಸರು ತಳಕು ಹಾಕಿಕೊಳ್ಳುತ್ತಿದ್ದವು. ಹೀಗಾಗಿ ಅನೇಕ ಬಾರಿ ಗಾಸಿಪ್ ಗಳಿಗೂ ನಮಿತಾ ಕಾರಣರಾಗಿದ್ದಾರೆ. ವೀರೇಂದ್ರ ಅವರನ್ನು ಮದುವೆ ಆಗುವ ಮೂಲಕ ಎಲ್ಲ ಗಾಸಿಪ್ ಗಳಿಗೂ ಅವರು ತೆರೆ ಎಳೆದಿದ್ದರು. ಇದನ್ನೂ ಓದಿ : ಜೂನ್ 9ಕ್ಕೆ ನಯನತಾರಾ ಮದುವೆ ಫಿಕ್ಸ್ – ತಿರುಪತಿಯಲ್ಲಿ ವಿವಾಹ

ನಮಿತಾ ಕೇವಲ ಸಿನಿಮಾ ರಂಗದಲ್ಲಿ ಮಾತ್ರವಲ್ಲ, ಬಿಜೆಪಿ ಪಕ್ಷದ ರಾಜ್ಯ ಕಾರ್ಯಕಾರಿಣಿಯಲ್ಲೂ ಅವರು ಸದಸ್ಯೆಯಾಗಿ ಕೆಲಸ ಮಾಡುತ್ತಿದ್ದಾರೆ. ಇದರ ಜತೆ ತಮಿಳಿನ ಬಿಗ್ ಬಾಸ್ ಗೂ ಹೋಗಿ ಬಂದರು. ಕೆಲ ರಿಯಾಲಿಟಿ ಶೋಗಳಿಗೂ ಅವರು ಜಡ್ಜ್ ಆಗಿ ಕೆಲಸ ಮಾಡಿದ್ದಾರೆ. ಕನ್ನಡದಲ್ಲಿ ಇವರ ನಟನೆಯ ಕೊನೆಯ ಸಿನಿಮಾ ‘ಬೆಂಕಿ ಬಿರುಗಾಳಿ’ ಆನಂತರ ಅವರು ಸಿನಿಮಾ ಮಾಡುವುದನ್ನೇ ಕಡಿಮೆ ಮಾಡಿದರು.

Leave a Reply

Your email address will not be published.

Back to top button