ಮುಂಬೈ: ಬಾಲಿವುಡ್ ಹಾಟ್ ಬೆಡಗಿ ದಿಶಾ ಪಠಾಣಿ ನನ್ನ ಗ್ಲಾಮರಸ್ ಫೋಟೋ ನೋಡಿ ನನ್ನ ತಂದೆಗೆ ವಿಚಿತ್ರವಾಗಿ ಭಾವಿಸುತ್ತಾರೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ಇತೀಚೆಗೆ ಪ್ರತಿಕೆಯೊಂದಕ್ಕೆ ನಟಿ ದಿಶಾ ಪಠಾಣಿ ಸಂದರ್ಶನ ನೀಡಿದ್ದರು. ಈ ವೇಳೆ ಸಂದರ್ಶಕ ನೀವು ಇನ್ಸ್ಟಾಗ್ರಾಂನಲ್ಲಿ ಗ್ಲಾಮರಸ್ ಫೋಟೋಗಳನ್ನು ಹಾಕುತ್ತೀರಾ. ಈ ಫೋಟೋಗಳನ್ನು ನೋಡಿ ನಿಮ್ಮ ಪೋಷಕರ ಪ್ರತಿಕ್ರಿಯೆ ಏನು ಎಂದು ಕೇಳಿದ್ದಾರೆ.
ಸಂದರ್ಶಕನ ಪ್ರಶ್ನೆಗೆ ದಿಶಾ, “ನನ್ನ ಪೋಷಕರು ತುಂಬಾನೇ ಕೂಲ್ ಎಂದು ನಾನು ಅಂದುಕೊಂಡಿದ್ದೇನೆ. ಏಕೆಂದರೆ ಅವರು ನನಗೆ ತುಂಬಾನೇ ಸಪೋರ್ಟ್ ಮಾಡಿದ್ದಾರೆ. ನಾನು ಫೋಟೋಶೂಟ್ ಮಾಡಿಸಿದ ಫೋಟೋಗಳನೆಲ್ಲಾ ನನ್ನ ಫ್ಯಾಮಿಲಿ ಗ್ರೂಪ್ಗೆ ಕಳುಹಿಸುತೇನೆ. ನನ್ನ ತಾಯಿ ಕೂಡ ಈಗ ಇನ್ಸ್ಟಾಗ್ರಾಂನಲ್ಲಿ ಇದ್ದಾರೆ. ಹಾಗಾಗಿ ನಾನು ಅವರಿಗೆ ಹೆಚ್ಚು ಫೋಟೋಗಳನ್ನು ಕಳುಹಿಸುವುದಿಲ್ಲ” ಎಂದು ನಗುತ್ತಾ ಉತ್ತರಿಸಿದ್ದಾರೆ.
ನಾನು ಯಾವುದೇ ತಪ್ಪು ಕೆಲಸ ಮಾಡುತ್ತಿಲ್ಲ. ನನ್ನ ಗ್ಲಾಮರಸ್ ಫೋಟೋ ನೋಡಿ ನನ್ನ ತಂದೆಗೆ ವಿಚಿತ್ರ ಎನಿಸಿತ್ತು. ನನ್ನ ಪೋಷಕರು ನನ್ನನ್ನು ನೋಡುತ್ತಿರುತ್ತಾರೆ ಎಂಬುದು ನನಗೆ ಗೊತ್ತು. ನಾನು ಯಾವುದೇ ತಪ್ಪು ಮಾಡುತ್ತಿಲ್ಲ. ನಾನು ನನ್ನ ಕೆಲಸಕ್ಕಾಗಿ ಮಾಡುತ್ತಿದ್ದೇನೆ ಎಂಬುದು ಅವರಿಗೆ ಗೊತ್ತು. ನನಗೆ ನನ್ನ ಪೋಷಕರ ಮೇಲೆ ಹೆಮ್ಮೆ ಇದೆ. ಆದರೆ ನಾನು ಫ್ಯಾಮಿಲಿ ಗ್ರೂಪ್ನಲ್ಲಿ ಫೋಟೋ ಕಳುಹಿಸಿದ್ದಾಗ ಅವರಿಗೆ ವಿಚಿತ್ರ ಎನಿಸುತ್ತದೆ. ಏಕೆಂದರೆ ಅವರು ಒಬ್ಬ ತಂದೆ. ಅವರಿಗೆ ಹಾಗೆ ಅನಿಸುವುದು ಸಹಜ ಎಂದರು.
ದಿಶಾ ಪಠಾಣಿ ‘ಭಾಗಿ-2’ ಚಿತ್ರದಲ್ಲಿ ಕೊನೆಯದಾಗಿ ನಟಿಸಿದ್ದು, ಈಗ ಅವರು ಬಾಲಿವುಡ್ ಭಾಯ್ಜಾನ್ ಸಲ್ಮಾನ್ ಖಾನ್ ಅವರ ಜೊತೆ ನಟಿಸಿದ ‘ಭಾರತ್’ ಚಿತ್ರದಲ್ಲಿ ಟ್ರಾಪಿಜಿ ಕಲಾವಿದೆ (trapeze artist) ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ಕತ್ರಿನಾ ಕೈಫ್, ಜಾಕಿ ಶ್ರಾಫ್, ಸುನಿಲ್ ಗ್ರೋವರ್, ತಬು ಮುಖ್ಯಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಜೂನ್ 5ರಂದು ಬಿಡುಗಡೆ ಆಗಲಿದೆ.