ಶೂಟಿಂಗ್‍ನಲ್ಲಿ ಪಾಲ್ಗೊಂಡ ಮೇಘನಾ ರಾಜ್
ಬೆಂಗಳೂರು: ಸ್ಯಾಂಡಲ್‍ವುಡ್ ನಟಿ ಮೇಘನಾ ರಾಜ್ ಜಾಹೀರಾತುವೊಂದರ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದಾರೆ.
ಹಲವು ವರ್ಷಗಳ ನಂತರ ಮೇಘನಾ ರಾಜ್ ಜಾಹೀರಾತುವೊಂದರ ಶೂಟಿಂಗ್‍ನಲ್ಲಿ ಭಾಗಿಯಾಗಿದ್ದು, ಈ ಜಾಹೀರಾತುವನ್ನು ಪನ್ನಾಗಭರಣ ನಿರ್ದೇಶಿಸಿದ್ದಾರೆ. ಈ ಜಾಹೀರಾತುವಿನ ಚಿತ್ರೀಕರಣದ ಚಿಕ್ಕ ವೀಡಿಯೋವೊಂದನ್ನು ಪನ್ನಾಗಭರಣ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಈ ವೀಡಿಯೋದಲ್ಲಿ ಮೇಘನಾ ಪಿಂಕ್ ಕಲರ್ ಗೌನ್ ತೊಟ್ಟು ವಾಕ್ ಮಾಡುತ್ತಾ ಆ್ಯಕ್ಟಿಂಗ್ ಮಾಡಿರುವುದನ್ನು ಕಾಣಬಹುದಾಗಿದೆ. ಜೊತೆಗೆ ಪನ್ನಾಗಭರಣ ಸಹ ಹೇಗೆ ಆ್ಯಕ್ಟ್ ಮಾಡಬೇಕೆಂದು ಮೇಘನಾಗೆ ಸಲಹೆ ನೀಡುತ್ತಿರುವುದನ್ನು ನೋಡಬಹುದಾಗಿದೆ. ಇದನ್ನೂ ಓದಿ: ಚಿರು ಹುಟ್ಟುಹಬ್ಬದ ನೆನಪಿನಲ್ಲಿ ಮೇಘನಾ ಹೊಸ ಸಿನಿಮಾ ಘೋಷಣೆ
View this post on Instagram
ವಿಶೇಷವೆಂದರೆ ಈ ವೀಡಿಯೋ ಹಿನ್ನೆಲೆಯಲ್ಲಿ ಕೇಳಿ ಬರುವ ಮ್ಯೂಸಿಕ್ ಸಸ್ಪೆನ್ಸ್ ಥ್ರಿಲರ್ ಫೀಲ್ ನೀಡುತ್ತಿದ್ದು, ಇದೊಂದು ಮರ್ಡರ್ ಮಿಸ್ಟ್ರಿ? ಕ್ರೈಂ ಥ್ರಿಲ್ಲರ್? ಸೈಕೋ ಸ್ಟೋರಿ ಜಾಹೀರಾತು ಇರಬಹುದಾ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.
ಗುರುವಾರ ಮೇಘನಾ ರಾಜ್ ಕೂಡ ಮೊದಲ ದಿನದ ಶೂಟಿಂಗ್‍ನಲ್ಲಿ ಪಾಲ್ಗೊಂಡಿರುವುದಾಗಿ ಗುರುವಾರ ತಮ್ಮ ಇನ್‍ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದುಕೊಂಡಿದ್ದರು. ಆದರೆ ಯಾವ ಶೂಟಿಂಗ್‍ನಲ್ಲಿ ಪಾಲ್ಗೊಂಡಿದ್ದರು ಎಂಬುವುದರ ಬಗ್ಗೆ ಯಾವುದೇ ಮಾಹಿತಿ ನೀಡಿರಲಿಲ್ಲ.
View this post on Instagram
ಮತ್ತೊಂದೆಡೆ ನಿರ್ದೇಶಕ ಪನ್ನಾಗಭರಣ ಅವರು ಆ್ಯಕ್ಷನ್ ಕಟ್ ಹೇಳಿರುವ ಹೊಸ ಸಿನಿಮಾದಲ್ಲಿ ಬಣ್ಣ ಹಚ್ಚುವ ಮೂಲಕ ಸ್ಯಾಂಡಲ್‍ವುಡ್‍ಗೆ ಕಮ್‍ಬ್ಯಾಕ್ ಮಾಡುತ್ತಿರುವ ವಿಚಾರವನ್ನು ಕಳೆದ ವರ್ಷ ಪತಿ ಚಿರಂಜೀವಿ ಸರ್ಜಾ ಹುಟ್ಟುಹಬ್ಬದಂದು ಅಭಿಮಾನಿಗಳಿಗೆ ಮೇಘನಾ ರಾಜ್ ಸಿಹಿ ಸುದ್ದಿ ನೀಡಿದ್ದರು.
