Connect with us

International

ವಿಡಿಯೋ: ಸರ್ಕಸ್‍ನಲ್ಲಿ ಪ್ರೇಕ್ಷಕರ ಮುಂದೆಯೇ ತರಬೇತುದಾರನನ್ನ ಕಚ್ಚಿ ಎಳೆದಾಡಿದ ಸಿಂಹ

Published

on

ಪ್ಯಾರಿಸ್: ಸರ್ಕಸ್‍ನಲ್ಲಿ ಸಿಂಹವೊಂದು ತರಬೇತುದಾರನ ಕುತ್ತಿಗೆಯನ್ನ ಬಾಯಲ್ಲಿ ಕಚ್ಚಿ ಎಳೆದಾಡಿದ ಘಟನೆ ಫ್ರಾನ್ಸ್‍ನಲ್ಲಿ ನಡೆದಿದೆ.

ಫ್ರಾನ್ಸ್ ನ ಡೌಲೆನ್ಸ್ ನಲ್ಲಿ ಭಾನುವಾರದಂದು ನಡೆದ ಸರ್ಕಸ್ ಪ್ರದರ್ಶನದ ವೇಳೆ ಈ ಘಟನೆ ನಡೆದಿದೆ. 34 ವರ್ಷದ ತರಬೇತುದಾರನ ಮೇಲೆ ಸಿಂಹ ದಾಳಿ ಮಾಡುತ್ತಿದ್ದಂತೆ ಸರ್ಕಸ್ ನೋಡಲು ಬಂದಿದ್ದ ಪ್ರೇಕ್ಷಕರು ಭಯದಲ್ಲಿ ಕುರ್ಚಿಯಿಂದ ಎದ್ನೋ ಬಿದ್ನೋ ಎಂಬಂತೆ ಓಡಿದ್ದಾರೆ. ಇದನ್ನ ನೋಡ್ತಿದ್ದ ಮಕ್ಕಳು ಜೋರಾಗಿ ಚೀರಿದ್ದಾರೆ. ತಕ್ಷಣ ಸರ್ಕಸ್ ಕಂಪೆನಿಯ ಸಿಬ್ಬಂದಿ ಹೊಗೆ ಹಾಕಿ ಸಿಂಹದ ಕಣ್ಣು ಮಂಜಾಗುವಂತೆ ಮಾಡಿ ತರಬೇತುದಾರನನ್ನ ರಕ್ಷಿಸಿದ್ದಾರೆ.

ಸರ್ಕಸ್ ನೋಡಲು ಮಗಳ ಜೊತೆಗೆ ಹೋಗಿದ್ದ ಮಹಿಳೆಯೊಬ್ಬರು ಈ ವಿಡಿಯೋವನ್ನ ಫೇಸ್‍ಬುಕ್‍ನಲ್ಲಿ ಹಂಚಿಕೊಂಡಿದ್ದಾರೆ. ಸಿಂಹದ ದಾಳಿಗೊಳಗಾಗಿ ಗಂಭೀರವಾಗಿ ಗಾಯಗೊಂಡಿದ್ದ ತರಬೇತುದಾರನನ್ನ ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, 5 ಗಂಟೆಗಳ ಶಸ್ತ್ರಚಿಕಿತ್ಸೆ ನಂತರ ಈಗ ಚೇತರಿಸಿಕೊಳ್ಳುತ್ತಿದ್ದಾರೆಂದು ಕುಟುಂಬಸ್ಥರು ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ.

ತರಬೇತುದಾರ ಒಂದು ವರ್ಷದಿಂದ ಸಿಂಹಕ್ಕೆ ತರಬೇತಿ ನೀಡುತ್ತಿದ್ದು, ಈ ಹಿಂದೆ ಯಾವತ್ತೂ ಈ ರೀತಿಯ ತೊಂದರೆಯಾಗಿರಲಿಲ್ಲ. ತಾನೇ ಸಾಕಿ, ತರಬೇತಿ ನೀಡಿದ ಸಿಂಹ ತನ್ನ ಮೇಲೆಯೇ ದಾಳಿ ಮಾಡಿದ್ದು ನೋಡಿ ತರಬೇತುದಾರ ಶಾಕ್ ಆಗಿದ್ದಾರೆಂದು ಪತ್ರಿಕೆಯೊಂದು ವರದಿ ಮಾಡಿದೆ.

https://www.youtube.com/watch?v=bo3HwmrFQ_Q

Click to comment

Leave a Reply

Your email address will not be published. Required fields are marked *