ಬರ್ಮಿಂಗ್ಹ್ಯಾಮ್: ಕ್ರಿಕೆಟ್ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದ ಐಸಿಸಿ ಮಹಿಳಾ ಟಿ20 ವಿಶ್ವಕಪ್ (ICC Women’s T20 Worldcup) ಇಂದಿನಿಂದ ಆರಂಭವಾಗಲಿದೆ. ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ 12 ತಂಡಗಳು ಟ್ರೋಫಿಗಾಗಿ ಸೆಣಸಾಡಲಿವೆ.
ಇಂಗ್ಲೆಂಡ್ ಹಾಗೂ ವೇಲ್ಸ್ನ ಜಂಟಿ ಆತಿಥ್ಯದಲ್ಲಿ ಟೂರ್ನಿ ಆರಂಭವಾಗಲಿದೆ. 2 ವರ್ಷಗಳಿಗೊಮ್ಮೆ ನಡೆಯುವ ಈ ಟೂರ್ನಿಯು ಈ ಬಾರಿ 2 ದೇಶಗಳ 7 ಕ್ರೀಡಾಂಗಣದಲ್ಲಿ 33 ಪಂದ್ಯಗಳು ನಡೆಯಲಿದ್ದು, ಜು.5ರಂದು ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಫೈನಲ್ ಪಂದ್ಯ ನಡೆಯಲಿದೆ. ಇಂದು ಬರ್ಮಿಂಗ್ಹ್ಯಾಮ್ನ ಎಡ್ಜ್ಬಾಸ್ಟನ್ ಕ್ರೀಡಾಂಗಣದಲ್ಲಿ ಉದ್ಘಾಟನಾ ಪಂದ್ಯ ನಡೆಯಲಿದ್ದು, ಆತಿಥೇಯ ಇಂಗ್ಲೆಂಡ್ ಮತ್ತು ಶ್ರೀಲಂಕಾ ಮಹಿಳಾ ತಂಡಗಳು ಮುಖಾಮುಖಿಯಾಗಲಿವೆ. ಇದನ್ನೂ ಓದಿ: ODI World Cup 2027 | ಏಕದಿನ ವಿಶ್ವಕಪ್ ವೇಳಾಪಟ್ಟಿ ಬಹಿರಂಗ – ಅ.4 ರಿಂದ ಅಭಿಯಾನ ಶುರು
Which team will add their name to Women’s #T20WorldCup folklore this year?
Buy your tickets to watch the tournament here 🎟️ https://t.co/8kyuNOXKdL pic.twitter.com/gpw9AA5GKV
— ICC (@ICC) June 11, 2026
ಇನ್ನೂ ಈ ಬಾರಿ ಇತಿಹಾಸದಲ್ಲೇ ಮೊದಲ ಬಾರಿಗೆ 12 ತಂಡಗಳು ಟೂರ್ನಿಯಲ್ಲಿ ಭಾಗವಹಿಸುತ್ತಿದ್ದು, ತಲಾ 6 ತಂಡಗಳಂತೆ ಎರಡು ಗ್ರೂಪ್ಗಳಾಗಿ ವಿಂಗಡಿಸಲಾಗಿದೆ.
ಭಾರತ ತಂಡಕ್ಕೆ ಮೊದಲ ಸವಾಲಾಗಿ ಬದ್ಧವೈರಿ ಪಾಕಿಸ್ತಾನ ಎದುರಾಗಲಿದೆ. ಕಳೆದ ವರ್ಷವಷ್ಟೇ ಏಕದಿನ ವಿಶ್ವಕಪ್ ಗೆದ್ದ ಹರ್ಮನ್ಪ್ರೀತ್ ಕೌರ್ ಪಡೆ, ಈಗ ಚುಟುಕು ಕ್ರಿಕೆಟ್ನಲ್ಲೂ ಚಾಂಪಿಯನ್ ಪಟ್ಟ ಅಲಂಕರಿಸಲು ಸಜ್ಜಾಗಿದೆ. ಜೂ.14ರಂದು ಬರ್ಮಿಂಗ್ಹ್ಯಾಮ್ನ ಕ್ರೀಡಾಂಗಣದಲ್ಲಿ ಈ ಪಂದ್ಯ ನಡೆಯಲಿದ್ದು, ಭಾರತ ತಂಡವನ್ನು ಮುನ್ನಡೆಸಲು ಹರ್ಮನ್ ಪ್ರೀತ್ ಕೌರ್ ಸಜ್ಜಾಗಿದ್ದಾರೆ. ಇವರಿಗೆ ಸಾಥ್ ನೀಡಲು ಸ್ಮೃತಿ ಮಂಧನಾ, ಶಫಾಲಿ ವರ್ಮಾ, ರಿಚಾ ಘೋಷ್, ಜೆಮಿಮಾ ಹಾಗೂ ಕರ್ನಾಟಕದ ಶ್ರೇಯಾಂಕಾ ಪಾಟೀಲ್ ತಂಡದ ಭಾಗವಾಗಿದ್ದಾರೆ.
ಗೆದ್ದ ತಂಡಕ್ಕೆ 22.4 ಕೋಟಿ ರೂ.:
ಈ ಬಾರಿ ಮಹಿಳಾ ವಿಶ್ವಕಪ್ಗೆ ಐಸಿಸಿ ಬರೋಬ್ಬರಿ ಒಟ್ಟು 83.93 ಕೋಟಿ ರೂ. ಪ್ರಕಟಿಸಿದ್ದು, ಅದರಲ್ಲಿ ಗೆದ್ದ ತಂಡಕ್ಕೆ 22.4 ಕೋಟಿ ರೂ. ಸಿಗಲಿದೆ. ರನ್ನರ್ ಅಪ್ ಆದ ತಂಡಕ್ಕೆ 11.2 ಕೋಟಿ ರೂ. ಹಾಗೂ ಸೆಮಿಫೈನಲ್ನಲ್ಲಿ ಸೋಲುವ 2 ತಂಡಗಳಿಗೆ ತಲಾ 6.46 ಕೋಟಿ ರೂ. ಸಿಗಲಿದೆ. ಗುಂಪು ಹಂತದ ಪಂದ್ಯದಲ್ಲಿ ಗೆಲ್ಲುವ ತಂಡಗಳಿಗೆ ತಲಾ 29 ಲಕ್ಷ ರೂ. ಸಿಗಲಿದೆ.ಇದನ್ನೂ ಓದಿ: ಇಂದಿನಿಂದ 23ನೇ ಆವೃತ್ತಿಯ FIFA ವಿಶ್ವಕಪ್ ಮಹಾಸಮರ ಆರಂಭ
