46 ವರ್ಷದ ವೈದ್ಯೆ ಶಾಹೀನ್ ಸಯೀದ್ 2 ಭಗ್ನ ವಿವಾಹದ ನಂತರ ಮತ್ತೊಬ್ಬನನ್ನು ಪ್ರೀತಿಸಿದ್ದು, ಆ ಮೂಲಕ ಭಯೋತ್ಪಾದನೆಯತ್ತ ಆಕರ್ಷಿತಳಾಗಿದ್ದಳು. ವೈದ್ಯೆ ಶಾಹೀನ್ ಸಯೀದ್ ಮತ್ತು ವೈದ್ಯ ಮುಜಾಮಿಲ್ ಶಕೀಲ್ ಸೆಪ್ಟೆಂಬರ್ 2023ರಲ್ಲಿ ವಿವಾಹವಾಗಿದ್ದರು. ಮೂಲಗಳ ಪ್ರಕಾರ, ಈ ಪ್ರೇಮ ವಿವಾಹದ ಬಾಂಧವ್ಯವೇ ಸಯೀದ್ ಭಯೋತ್ಪಾದನೆಯ ಜಗತ್ತಿಗೆ ಪರಿಚಯವಾಗುವಂತೆ ಮಾಡಿತ್ತು ಮತ್ತು ಆಕೆಯನ್ನು ಭಯೋತ್ಪಾದನೆಯ ಹಾದಿಯನ್ನು ಹಿಡಿಯಲು ಕಾರಣವಾಯಿತು ಎಂಬ ಅಂಶ ಬಹಿರಂಗವಾಗಿದೆ.ಇದನ್ನೂ ಓದಿ: ದೆಹಲಿ ಸ್ಫೋಟ ಪ್ರಕರಣ – ಅಲ್ ಫಲಾಹ್ ವಿವಿಯ ಶಾಹಿನಾ ರೂಮ್ನಲ್ಲಿ 18 ಲಕ್ಷ ನಗದು ಪತ್ತೆ
ಶಾಹೀನ್ ನೇತ್ರಶಾಸ್ತ್ರಜ್ಞ ಡಾ.ಜಾಫರ್ ಹಯಾತ್ ಜೊತೆ 2003ರಲ್ಲಿ ವಿವಾಹವಾಗಿದ್ದರು. ದಂಪತಿಗೆ ಇಬ್ಬರು ಮಕ್ಕಳಿದ್ದರು. ಆದರೆ ಈ ಸಂಬಂಧ ಹೆಚ್ಚು ಕಾಲ ಉಳಿಯಲಿಲ್ಲ. ವಿಚ್ಛೇದನ ಪಡೆದ ಬಳಿಕ ಶಾಹೀನ್ ಒಂಟಿಯಾಗಿದ್ದಳು. 2021ರಲ್ಲಿ ಗಾಜಿಯಾಬಾದ್ನಲ್ಲಿ ಜವಳಿ ವ್ಯವಹಾರವನ್ನು ನಡೆಸುತ್ತಿದ್ದ ವ್ಯಕ್ತಿಯನ್ನು ಮರು ಮದುವೆಯಾದಳು. ಆದ್ರೆ ಆ ಸಂಬಂಧವೂ ಮುರಿದುಬಿದ್ದಿತ್ತು. ಇದಾದ ನಂತರ ಹರಿಯಾಣದ ಫರಿದಾಬಾದ್ನ ಅಲ್-ಫಲಾಹ್ ವಿಶ್ವವಿದ್ಯಾಲಯದಲ್ಲಿ ತಮ್ಮ ಜೂನಿಯರ್ ಆಗಿದ್ದ ಕಾಶ್ಮೀರಿ ವೈದ್ಯ ಮುಜಾಮಿಲ್ ಶಕೀಲ್ ಜೊತೆ ಶಾಹೀನ್ ಸಯೀದ್ ವಿವಾಹವಾಗಿದ್ದಳು. ಸಯೀದ್ ಜೊತೆ ಸೇರಿ ಉಗ್ರ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಳು ಅನ್ನೋದು ಎನ್ಐಎ ತನಿಖೆಯಲ್ಲಿ ಹೊರಬಿದ್ದಿದೆ.
ನ.10ರಂದು ದೆಹಲಿಯ ಕೆಂಪು ಕೋಟೆ ಬಳಿ ಸಂಭವಿಸಿದ ಸ್ಫೋಟದಲ್ಲಿ 15 ಜನರು ಸಾವನ್ನಪ್ಪಿದ್ದು, ಹಲವಾರು ಜನ ಗಾಯಗೊಂಡಿದ್ದರು.ಇದನ್ನೂ ಓದಿ: ಪ್ರವಾಹ ಪೀಡಿತ ಶ್ರೀಲಂಕಾಗೆ ಭಾರತ ನೆರವು – ಆಪರೇಷನ್ ʻಸಾಗರ ಬಂಧುʼ ಕಾರ್ಯಾಚರಣೆ ಶುರು
