Bengaluru CityCinemaDistrictsKarnatakaLatestMain PostSandalwoodSouth cinema

`ಕೆಜಿಎಫ್ 2′ ಚಿತ್ರ ನೋಡಿ ಶಭಾಷ್ ಅಂದ್ರು ಸ್ಟೈಲೀಶ್ ಸ್ಟಾರ್:ಯಶ್‌ ಆಕ್ಟಿಂಗ್‌ಗೆ ಅಲ್ಲು ಅರ್ಜುನ್‌ ಫಿದಾ

`ಕೆಜಿಎಫ್ 2′ ಸಿನಿಮಾ ನೋಡಿ ಇಡೀ ಪ್ರಪಂಚವೇ ಕೊಂಡಾಡುತ್ತಿದೆ. ಎಲ್ಲಿ ನೋಡಿದ್ರು ರಾಕಿಭಾಯ್ ಮೇನಿಯಾ ಜೋರಾಗಿದೆ. ಪ್ರಶಾಂತ್ ನೀಲ್ ಮತ್ತು ಯಶ್ ಮಾಡಿರೋ ಮೋಡಿ ಅಂತಹದ್ದು, ವಿಶ್ವಾದ್ಯಂತ ಕೋಟಿ ಕೋಟಿ ಗಳಿಕೆ ಮಾಡ್ತಿದೆ. ಚಿತ್ರದ ನೋಡಿ ಪರಭಾಷೆಯ ಸೂಪರ್ ಸ್ಟಾರ್‌ಗಳು ಸಿನಿಮಾಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಟಾಲಿವುಡ್ ಸ್ಟೈಲೀಶ್ ಸ್ಟಾರ್ ಅಲ್ಲು ಅರ್ಜುನ್ ಕೂಡ ಚಿತ್ರ ನೋಡಿ ಶಭಾಷ್ ಅಂತಾ ಹೊಗಳಿದ್ದಾರೆ. ಯಶ್‌  ಔಟ್‌ಸ್ಟ್ಯಾಂಡಿಂಗ್ ಆಕ್ಟಿಂಗ್‌ಗೆ ಬೋಲ್ಡ್‌ ಆಗಿದ್ದಾರೆ.

ಸೌತ್‌ ಚಿತ್ರಗಳ ಜತೆ ಪರಭಾಷಾ ಸಿನಿಮಾಗಳನ್ನ ನೋಡ್ತಾರೆ. ಚಿತ್ರ ಇಷ್ಟವಾದ್ರೆ ಆ ಚಿತ್ರಕ್ಕೆ ಖುಷಿಯಿಂದಲೇ ಸಾಥ್ ನೀಡ್ತಾರೆ. ಈಗ ಅದೇ ತರಹ `ಕೆಜಿಎಫ್ 2′ ನೋಡಿ ಮೆಚ್ಚಿಕೊಂಡಿದ್ದಾರೆ. ತಮ್ಮ ಟ್ವಿಟರ್‌ನಲ್ಲಿ ಚಿತ್ರದ ಕುರಿತು ಅಲ್ಲು ಅರ್ಜುನ್ ಅಭಿಪ್ರಾಯ ತಿಳಿಸಿದ್ದಾರೆ.

`ಕೆಜಿಎಫ್ 2′ ಟೀಮ್ ಶುಭಹಾರೈಕೆಗಳು. ಯಶ್ ಅವರ ನಟನೆ ಅದ್ಭುತವಾಗಿದೆ. ಸಂಜಯ್ ದತ್, ರವೀನಾ ಟಂಡನ್, ಮತ್ತು ಶ್ರೀನಿಧಿ ಶೆಟ್ಟಿ ಜತೆ ಎಲ್ಲಾ ಕಲಾವಿದರ ನಟನೆ ಉತ್ತಮವಾಗಿದೆ. ರವಿ ಬಸ್ರೂರು ಅವರ ಸಂಗೀತ ಮತ್ತು ಭುವನ್ ಗೌಡ ಅವರ ಛಾಯಾಗ್ರಹಣ ಔಟ್‌ಸ್ಟ್ಯಾಂಡಿಂಗ್ ಆಗಿದೆ. ಎಲ್ಲಾ ತಂತ್ರಜ್ಞರಿಗೆ ನನ್ನ ಗೌರವ ಅಂತಾ ಅಲ್ಲು ಅರ್ಜುನ್ ಟ್ವೀಟ್ ಮಾಡಿದ್ದಾರೆ.

ನಟ ಯಶ್ ಮತ್ತು ತಂಡಕ್ಕೆ ಅಷ್ಟೇ ಅಲ್ಲ. ವಿಶೇಷವಾಗಿ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ನಿರ್ದೇಶನವನ್ನು ಅಲ್ಲು ಅರ್ಜುನ್ ಹೊಗಳಿದ್ದಾರೆ. ಪ್ರಶಾಂತ್ ನೀಲ್ ನಿರ್ದೇಶನ ಚಿತ್ರದ ಮತ್ತೊಂದು ಹೈಲೆಟ್, ಅವರ ಆಲೋಚನೆಗೆ ನನ್ನದೊಂದು ಗೌರವ. ಭಾರತ ಸಿನಿಮಾರಂಗವನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ದಿದ್ದಕ್ಕೆ ಧನ್ಯವಾದಗಳು ಎಂದಿದ್ದಾರೆ. ಇದನ್ನೂ ಓದಿ:`ಆಚಾರ್ಯ’ ಸಿನಿಮಾಗೆ ಮಹೇಶ್ ಬಾಬು ಧ್ವನಿ

ಅಭಿಮಾನಿಗಳಿಂದ ಅಷ್ಟೇ ಅಲ್ಲ. ಸ್ಟಾರ್ಸ್‌ಗಳಿಂದ ಕೂಡ ಮೆಚ್ಚುಗೆ ಪಡೆದುಕೊಳ್ಳತ್ತಿರೋ `ಕೆಜಿಎಫ್ 2′ ಅಬ್ಬರ ಜೋರಾಗಿದೆ. ರಿಲೀಸ್ ಆಗಿ ಒಂದು ವಾರ ಕಳೆದರು ಚಿತ್ರ ನೋಡುವವರ ಸಂಖ್ಯೆ ಕಮ್ಮಿಯಾಗಿಲ್ಲ.

Leave a Reply

Your email address will not be published.

Back to top button