ಪುನೀತ್ ರಾಜ್‍ಕುಮಾರ್ ಅವರಿಂದ ಹ್ಯಾಂಡ್ ಶೇಕ್ ಚಾಲೆಂಜ್

ಬೆಂಗಳೂರು: ಇತ್ತೀಚೆಗೆ ಚಾಲೆಂಜ್ ಗಳ ಹಾವಳಿ ಹೆಚ್ಚಾಗುತ್ತಿದೆ. ಅದರಲ್ಲೂ ಸಿನಿಮಾರಂಗದಲ್ಲಿ ನಟ-ನಟಿ ಮತ್ತು ನಿರ್ದೇಶಕರಿಗೆ ಹೆಚ್ಚಾಗಿ ಚಾಲೆಂಜ್ ಹಾಕುತ್ತಿದ್ದಾರೆ. ಈಗ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರು ನೂತನವಾಗಿ `ಹ್ಯಾಂಡ್ ಶೇಕ್’ ಚಾಲೆಂಜ್ ಹಾಕಿದ್ದಾರೆ.

ನಟ ಪುನೀತ್ ನೂತನವಾಗಿ ಹ್ಯಾಂಡ್ ಶೇಕ್ ಚಾಲೆಂಜ್ ಹಾಕಿದ್ದಾರೆ. ಈ ಬಗ್ಗೆ ಅವರು ತಮ್ಮ ಫೇಸ್ ಬುಕ್ ನಲ್ಲಿ ಶೇಕ್ ಹ್ಯಾಂಡ್ ಮಾಡುತ್ತಿರುವ ಫೋಟೋವನ್ನು ಹಾಕಿ ಚಾಲೆಂಜ್ ಹಾಕಿದ್ದಾರೆ. ನೀವು ನಿಮ್ಮ ಸ್ನೇಹಿತರಿಗೆ ವಿಶ್ವಾಸದಿಂದ ಹ್ಯಾಂಡ್ ಶೇಕ್ ಕೊಟ್ಟ ಫೋಟೋವೊಂದನ್ನು ಫೇಸ್‍ಬುಕ್ ನಲ್ಲಿ ಪೋಸ್ಟ್ ಮಾಡಿ ಎಂದು ಬರೆದು ಈ ಚಾಲೆಂಜ್ ನನ್ನು ನಟ ರಕ್ಷಿತ್ ಶೆಟ್ಟಿ, ರಾಜಕುಮಾರ ಸಿನಿಮಾ ನಿರ್ದೇಶಕರಾದ ಸಂತೋಷ್ ಆನಂದ್ ರಾಮ್ ಮತ್ತು ನಟ ಡ್ಯಾನಿಶ್ ಸೇಠ್ ಅವರಿಗೆ ಟ್ಯಾಗ್ ಮಾಡಿದ್ದಾರೆ.

ಪ್ರತಿದಿನ ಸಿಗುವ ಜನರಿಗೆ ಮತ್ತು ತಮ್ಮ ಸ್ನೇಹಿತರಿಗೆ ಹ್ಯಾಂಡ್ ಶೇಕ್ ಮಾಡುವುದು ಸಾಮಾನ್ಯವಾಗಿದೆ. ಆದರೆ ನಾವು ಎಷ್ಟು ವಿಶ್ವಾಸದಿಂದ ಹ್ಯಾಂಡ್ ಶೇಕ್ ಮಾಡುತ್ತೇವೆ ಅನ್ನೋದು ಈ ಚಾಲೆಂಜ್ ನ ಉದ್ದೇಶವಾಗಿದೆ.

ಹ್ಯಾಂಡ್ ಶೇಕ್ ಚಾಲೆಂಜ್:
ಈ ಚಾಲೆಂಜ್ ನನ್ನು ಯಾರು ಬೇಕಾದರೂ ಸ್ವೀಕರಿಸಬಹುದು. ಪರಿಚಯವಿಲ್ಲದವರು, ಆತ್ಮೀಯರನ್ನು ಪರಿಚಯ ಮಾಡಿಕೊಳ್ಳುವಾಗ ಕೈ ಕುಲುಕುವ ಒಂದು ಫೋಟೋ ತೆಗೆದು ಅದಕ್ಕೆ #handshakechallenge (ಹ್ಯಾಂಡ್ ಶೇಕ್ ಚಾಲೆಂಜ್ ಹ್ಯಾಷ್ ಟ್ಯಾಗ್) ಹಾಕಿ ಫೇಸ್‍ಬುಕ್ ಗೆ ಅಪ್ಲೋಡ್ ಮಾಡುವುದು.

ಈ ಹಿಂದೆ ಭಾರತವನ್ನು ಫಿಟ್ ಮಾಡಲು `ಹಮ್ ಫಿಟ್ ತೋ ಇಂಡಿಯಾ ಫಿಟ್ ಹೇ’ ಚಾಲೆಂಜ್ ಟ್ರೆಂಡ್ ಆಗಿದ್ದು, ಅನೇಕ ನಟ-ನಟಿಯರು ಈ ಚಾಲೆಂಜ್ ಸ್ವೀಕರಿಸಿ ಪೂರೈಸಿದ್ದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews