Bollywood

1960ರಲ್ಲಿ ಧರ್ಮೇಂದ್ರ ಖರೀದಿಸಿದ ಮೊದಲ ಕಾರಿನ ಬೆಲೆ ಎಷ್ಟು ಗೊತ್ತಾ?

Published

on

dharmendra
Share this

ಮುಂಬೈ: ಬಾಲಿವುಡ್ ಹಿರಿಯ ನಟ ಧರ್ಮೇಂದ್ರ ಅವರು ಮೊದಲ ಬಾರಿಗೆ ಖರೀದಿಸಿದ ಕಾರಿನ ವೀಡಿಯೋವೊಂದನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೇ ಕಾರಿನ ಬೆಲೆಯನ್ನು ರಿವೀಲ್ ಮಾಡಿ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ.

 dharmendra

ಧರ್ಮೇಂದ್ರ ಅವರು ಒಂದಾನೊಂದು ಕಾಲದಲ್ಲಿ ಬಾಲಿವುಡ್‍ನ ಬಹು ಬೇಡಿಕೆಯ ನಟರಾಗಿ ಮಿಂಚಿದ್ದವರು. ತಮ್ಮ ಅಭಿನಯದ ಮೂಲಕವೇ ಅಪಾರ ಅಭಿಮಾನಿ ಬಳಗ ಹೊಂದಿದ್ದ ಧರ್ಮೇಂದ್ರ ಅವರಿಗೆ ಇಂದಿಗೂ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿಯೇ ಇದೆ. ಅದರಲ್ಲಿಯೂ ಅಮಿತಾಭ್ ಬಚ್ಚನ್ ಹಾಗೂ ಧರ್ಮೇಂದ್ರ ಅವರು ಒಟ್ಟಾಗಿ ಅಭಿನಯಿಸಿದ್ದ ಶೋಲೆ ಸಿನಿಮಾವನ್ನು ಜನ ಇಂದಿಗೂ ಮರೆತಿಲ್ಲ. ಇದನ್ನೂ ಓದಿ: ವಿಜಯ್ ದೇವರಕೊಂಡ ಫ್ಯಾಮಿಲಿ ಟ್ರಿಪ್ – ಟೆಕ್ ಆಫ್ ವೇಳೆ ವಿಜಯ್ ತಾಯಿ ಗಲಿಬಿಲಿ

shole

ಸದ್ಯ ಧರ್ಮೇಂದ್ರ ಅವರು 1960ರಲ್ಲಿ ಮೊದಲ ಬಾರಿಗೆ ಖರೀದಿಸಿದ ಕಾರಿನ ವೀಡಿಯೋವನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೋದಲ್ಲಿ ಧರ್ಮೇಂದ್ರ ಅವರು ಕಾರಿನ ಪಕ್ಕದಲ್ಲಿ ನಿಂತುಕೊಂಡು, ಹಾಯ್ ಫ್ರೆಂಡ್ಸ್. ಇದು ನನ್ನ ಮೊದಲ ಕಾರು ಫಿಯೆಟ್. ನಾನು ಇದನ್ನು 18,000 ರೂಪಾಯಿಗೆ ಮಾತ್ರ ಖರೀದಿಸಿದ್ದೆ. ಆ ದಿನಗಳಲ್ಲಿ 18,000 ರೂಪಾಯಿ ಬಹಳ ದೊಡ್ಡ ಮೊತ್ತವಾಗಿತ್ತು. ನಾನು ಈ ಕಾರನ್ನು ಬಹಳ ಚೆನ್ನಾಗಿ ನೋಡಿಕೊಂಡಿದ್ದೇನೆ. ಚೆನ್ನಾಗಿ ಕಾಣಿಸುತ್ತಿದ್ಯಾ? ಎಂದು ಕೇಳುತ್ತಾ, ಇದು ನನ್ನ ಜೊತೆ ಯಾವಾಗಲೂ ಇರಬೇಕು ಎಂದು ಪ್ರಾರ್ಥಿಸುತ್ತೇನೆ ಎಂದಿದ್ದಾರೆ. ಇದನ್ನೂ ಓದಿ: ಸಮಂತಾ ಜೊತೆ ಸ್ಟೈಲಿಸ್ಟ್ ಪ್ರೀತಂ ಸಂಬಂಧ ವದಂತಿ

 

View this post on Instagram

 

A post shared by Dharmendra Deol (@aapkadharam)

ವೀಡಿಯೋ ಜೊತೆಗೆ ಕ್ಯಾಪ್ಷನ್‍ನಲ್ಲಿ ಸ್ನೇಹಿತರೇ, ಫಿಯೆಟ್ ನನ್ನ ಮೊದಲ ಕಾರು. ಇದು ನನ್ನ ಪ್ರೀತಿಯ ಮಗುವಿದ್ದಂತೆ.. ಸಮಸ್ಯೆಗಳ ಮಧ್ಯೆ ದೇವರ ದಯೆಯಿಂದ 1960ರಲ್ಲಿ ಖರೀದಿಸಿದೆ ಎಂದು ಬರೆಯುವ ಮೂಲಕ ಹಾರ್ಟ್ ಮತ್ತು ಬೆಂಕಿ ಎಮೋಜಿಗಳನ್ನು ಹಾಕಿದ್ದಾರೆ. ಇದೀಗ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಧರ್ಮೇಂದ್ರ ಅವರ ಪುತ್ರ ನಟ ಬಾಬಿ ಡಿಯೋಲ್ ಕಾಮೆಂಟ್ ಸೆಕ್ಷನ್‍ನಲ್ಲಿ ಹಾರ್ಟ್ ಎಮೋಜಿಯನ್ನು ಕಳುಹಿಸಿದ್ದಾರೆ. ಪ್ರಸ್ತುತ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಚಿತ್ರದಲ್ಲಿ ಧರ್ಮೇಂದ್ರ ಅವರು ಅಭಿನಯಿಸುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *

Advertisement
Advertisement
Public TV We would like to show you notifications for the latest news and updates.
Dismiss
Allow Notifications