ಲೈಗರ್ ಸೋಲಿನ ನಂತರ ʻಸಲಾರ್‌ʼ ಚಿತ್ರ ಸೇರಿಕೊಂಡ ವಿಜಯ್ ದೇವರಕೊಂಡ

`ಅರ್ಜುನ್ ರೆಡ್ಡಿ’ ಹೀರೋ ವಿಜಯ್ ದೇವರಕೊಂಡ(Vijay Devarakonda) `ಲೈಗರ್'(Liger Film) ಸೋಲಿನ ನಂತರ ಇದೀಗ ಪ್ರಭಾಸ್ ನಟನೆಯ `ಸಲಾರ್’ (Salar) ಸಿನಿಮಾಗೆ ಎಂಟ್ರಿ ಕೊಟ್ಟಿದ್ದಾರೆ. ಲೈಗರ್ ಸೋಲಿನ ಬಿಸಿಯಲ್ಲಿರುವ ವಿಜಯ್ ಈಗ ಬಾಹುಬಲಿ (Bahubali) ನಟನ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸೌತ್ ಸಿನಿರಂಗದ ಬಹುನಿರೀಕ್ಷಿತ ಚಿತ್ರ ಪ್ರಶಾಂತ್ ನೀಲ್ ನಿರ್ದೇಶನದ `ಸಲಾರ್’ ಚಿತ್ರತಂಡದ ತಾರಾಬಳಗ ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಿದೆ. ಇತ್ತೀಚೆಗಷ್ಟೇ ಪೃಥ್ವಿರಾಜ್ ಸುಕುಮಾರನ್ ಕೂಡ `ಸಲಾರ್’ ತಂಡ ಸೇರಿಕೊಂಡಿದ್ದರು. ಈ ಬೆನ್ನಲ್ಲೇ ವಿಜಯ್ ದೇವರಕೊಂಡ ಕೂಡ ಸಲಾರ್‌ಗೆ ಸೇರಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಇದನ್ನೂ ಓದಿ: ಫ್ಯಾನ್ಸ್‌ಗೆ ಗುಡ್ ನ್ಯೂಸ್ ಕೊಟ್ರು `ಅಗ್ನಿಸಾಕ್ಷಿ’ಯ ವೈಷ್ಣವಿ ಗೌಡ

Nizam King ???? nizam Prince#prabhas & #VijayDeverakonda pic.twitter.com/QhpzhjMD8q

— Vijay Sai (@VijaySa45011843) November 27, 2022

ಸಲಾರ್ ಸೆಟ್‌ನಲ್ಲಿ ವಿಜಯ್ ಕೂಡ ಇದ್ದಾರೆ ಎನ್ನಲಾಗುವಂತಹ ಕೆಲ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಇದು ಜಾಹಿರಾತಿನ ಫೋಟೋಗಳು ಎಂದರೆ, ಇನ್ನೂ ಕೆಲ ನೆಟ್ಟಿಗರು ಇದು ಸಲಾರ್ ಸಿನಿಮಾದ ಫೋಟೋಗಳು ಎಂದು ಸದ್ದಿಯಾಗುತ್ತಿದೆ. ಇದನ್ನೂ ಓದಿ: ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ರು ಅನಿರುದ್ಧ್-ಅನು ಜೋಡಿ

ಅಷ್ಟಕ್ಕೂ ವಿಜಯ್ ದೇವರಕೊಂಡ `ಸಲಾರ್’ ಸಿನಿಮಾ ತಂಡವನ್ನ ಸೇರಿಕೊಂಡಿದ್ದಾರಾ ಅಥವಾ ಇದು ಸುಳ್ಳು ಸುದ್ದಿ ಎಂಬುದನ್ನ ಚಿತ್ರತಂಡವೇ ಸ್ಪಷ್ಟಪಡಿಸಬೇಕಿದೆ. ಇದುವೆರೆಗೂ ಚಿತ್ರತಂಡದಿಂದ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ. ಚಿತ್ರತಂಡ ರಿಯಾಕ್ಷನ್ ಸಿಗುವವೆಗೂ ಕಾದುನೋಡಬೇಕಿದೆ.