ಕೊಪ್ಪಳ: ಎಲ್ಲ ಹುಡುಗರಿಗೂ ಬೈಕ್ ಕ್ರೇಜ್ ಇರುವುದು ಸಾಮಾನ್ಯ. ಆದರೆ ಕೊಪ್ಪಳದ ಈ ವಿದ್ಯಾರ್ಥಿಗೆ ಸ್ವಲ್ಪ ಜಾಸ್ತಿಯೇ ಬೈಕ್ ಕ್ರೇಜ್ ಇದ್ದು, ಬೈಕ್‍ಗೂ ಕೇಕ್ ಕಟ್ ಮಾಡಿಸುವುದಲ್ಲದೇ ಗೆಳೆಯರಿಗೆ ಬಿಂದಾಸ್ ಪಾರ್ಟಿ ಕೊಡಿಸಿದ್ದಾನೆ.
ಯಮಹಾ ಆರ್‌ಎಕ್ಸ್ ಬೈಕ್ ಕ್ರೇಜ್‍ನಿಂದ ವಿದ್ಯಾರ್ಥಿಯೊಬ್ಬ ಬೈಕ್‍ಗೆ ಹುಟ್ಟುಹಬ್ಬ ಆಚರಿಸಿದ್ದಾನೆ. ಬೈಕ್ ಮೂಲಕವೇ ಕೇಕ್ ಕತ್ತರಿ ಸೆಲೆಬ್ರೇಷನ್ ಮಾಡಿರುವ ವೀಡಿಯೋ ಎಲ್ಲೆಡೆ ಹರಿದಾಡುತ್ತಿದೆ. ಕೊಪ್ಪಳ ಜಿಲ್ಲೆ ಗಂಗಾವತಿಯ ವಿದ್ಯಾರ್ಥಿ ವಿರೇಶ್ ವಿಭಿನ್ನವಾಗಿ ಬೈಕ್ ಕ್ರೇಜ್ ಎಂಥದ್ದು ಅನ್ನೋದನ್ನ ತೋರಿಸಿದ್ದಾನೆ. ಇದನ್ನೂ ಓದಿ: ಮೂಢನಂಬಿಕೆಗೆ ಮಗಳು ಬಲಿ – ಹೊಡೆದು ಕೊಂದ ಪೋಷಕರು ಈಗ ಅಂದರ್‌
ವಿರೇಶ್ ಯಮಹ ಆರ್‌ಎಕ್ಸ್ ಬೈಕ್ ಖರೀದಿ ಮಾಡಿ ಶನಿವಾರಕ್ಕೆ ಒಂದು ವರ್ಷ ಆಗಿದ್ದರಿಂದ ಗೆಳೆಯರ ಜೊತೆ ಬಿಂದಾಸ್ ಆಗಿ ಸೆಲೆಬ್ರೇಷನ್ ಮಾಡಿದ್ದಾನೆ. ಒಟ್ಟು 50 ಸಾವಿರ ರೂಪಾಯಿ ಕೊಟ್ಟು ಬೈಕ್ ಖರೀದಿ ಮಾಡಿದ್ದ ವಿರೇಶ್ ಪ್ಯಾರ ಮೆಡಿಕಲ್ ಓದುತ್ತಿದ್ದಾನೆ.
ತನ್ನ ಸೆಕೆಂಡ್ ಹ್ಯಾಂಡ್ ಬೈಕ್‍ಗೆ ಡಾರ್ಲಿಂಗ್ ಅಂತಾ ಹೆಸರಿಟ್ಟಿರೋ ವಿರೇಶ್, ಬೈಕ್ ನಿಂದಲೇ ಕೇಕ್ ಕಟ್ ಮಾಡಿಸಿರುವ ವೀಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾನೆ. ಈ ಬೈಕ್‍ನ್ನು ನಾನು ತೆಗೆದುಕೊಂಡು ಒಂದು ವರ್ಷವಾಗಿದೆ ಎಂದು ಬರೆದುಕೊಂಡಿದ್ದಾನೆ. ಇದನ್ನೂ ಓದಿ: ಮಳೆಗೆ ಕೊಟ್ಟಿಗೆ ಗೋಡೆ ಕುಸಿತ – ಇಬ್ಬರು ಮಕ್ಕಳ ದುರ್ಮರಣ
Live Tv
[brid partner=56869869 player=32851 video=960834 autoplay=true]
