ಲಕ್ನೋ: ಉತ್ತರ ಪ್ರದೇಶದ ಘಾಜಿಪುರ ಸಾಮಾಜಿಕ-ಧಾರ್ಮಿಕ ಸೌಹಾರ್ದತೆಗೆ ಸಾಕ್ಷಿಯಾಗಿದೆ. ಮುಸ್ಲಿಂ ತಂದೆ ತಮ್ಮ ದತ್ತು ಮಗನ ಮದುವೆಯನ್ನ ಅವನ ಇಷ್ಟದಂತೆ ಹಿಂದೂ ಸಂಪ್ರದಾಯದಂತೆ ಮಾಡಿದ್ದಾರೆ.
16 ವರ್ಷದ ಹಿಂದೆ ಮೊಹಮ್ಮದ್ ಶೇರ್ ಖಾನ್ ಎಂಬವರು ಪಪ್ಪು ಅನ್ನೋ ಹುಡುಗನನ್ನು ದತ್ತು ಪಡೆದುಕೊಂಡಿದ್ದರು. ಸೋಮವಾರ ಪಪ್ಪು ಮದುವೆಯನ್ನ ಅದ್ಧೂರಿಯಿಂದ ಮಾಡಿದ್ದಾರೆ. ಸದ್ಯ ಮದುವೆಯ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.
ಮೊಹಮ್ಮದ್ ಶೇರ್ ಖಾನ್ ಗಾಜಿಪುರ ಜಿಲ್ಲೆಯ ಗಹಮಾರಾ ಗ್ರಾಮದ ನಿವಾಸಿ. ಪಪ್ಪು ಬಾಲ್ಯದಲ್ಲಿ ತಂದೆ-ತಾಯಿಯನ್ನ ಕಳೆದುಕೊಂಡು ಅನಾಥನಾಗಿದ್ದನು. ಗ್ರಾಮಸ್ಥರ ಒಪ್ಪಿಗೆ ಪಡೆದು ಪಪ್ಪುನನ್ನ ಶೇರ್ ಖಾನ್ ದತ್ತು ತೆಗೆದುಕೊಂಡು ಸಾಕಿದ್ದಾರೆ. ಪಕ್ಕದೂರಿನ ಉತರೌಲಿ ಗ್ರಾಮದ ಭಗವಾನ ರಾಮ್ ಅವರ ಪುತ್ರಿ ಕಾಶ್ಮೀರಾ ಜೊತೆ ಪಪ್ಪು ಮದುವೆಯನ್ನ ಶೇರ್ ಖಾನ್ ಅದ್ಧೂರಿಯಾಗಿ ಮಾಡಿದ್ದಾರೆ.
