ಕ್ಯಾನ್ಬೆರಾ: ಬಾಲಿವುಡ್ ನಟಿ ಎವೆಲಿನ್ ಶರ್ಮಾ ಚುಂಬನದ ಫೋಟೋ ಹಂಚಿಕೊಳ್ಳುವ ಮೂಲಕ ತಾವು ಎಂಗೇಜ್ ಆಗಿರುವ ವಿಷಯವನ್ನು ಹಂಚಿಕೊಂಡಿದ್ದಾರೆ.
ಎವೆಲಿನ್ ಶರ್ಮಾ ಹಲವು ದಿನಗಳಿಂದ ಆಸ್ಟ್ರೇಲಿಯಾದ ದಂತ ವೈದ್ಯ ತುಷಾನ್ ಭಿಂದಿ ಅವರೊಂದಿಗೆ ಡೇಟ್ ಮಾಡುತ್ತಿದ್ದರು. ಆದರೆ ಶನಿವಾರ ಎವೆಲಿನ್ ಹಾಗೂ ತುಷಾನ್ ಇಬ್ಬರು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ವಿಷಯವನ್ನು ಎವೆಲಿನ್ ಗೆಳೆಯನಿಗೆ ಕಿಸ್ ಮಾಡುತ್ತಿರುವ ಫೋಟೋ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ.
ತುಷಾನ್ ಸಿಡ್ನಿಯ ಪ್ರಸಿದ್ಧ ಹಾರ್ಬರ್ ಸೇತುವೆಯಲ್ಲಿ ಎವೆಲಿನ್ ಅವರನ್ನು ಪ್ರಪೋಸ್ ಮಾಡಿದ್ದರು. ಅಲ್ಲದೆ ಪ್ರಪೋಸ್ ಮಾಡುವ ಸಂದರ್ಭದಲ್ಲಿ ಎವೆಲಿನ್ ಅವರ ನೆಚ್ಚಿನ ಹಾಡನ್ನು ಬ್ಯಾಕ್‍ಗ್ರೌಂಡ್‍ನಲ್ಲಿ ಪ್ಲೇ ಮಾಡಲು ತುಷಾನ್ ಗಿಟಾರಿಷ್ಟ್ ನಲ್ಲಿ ನೇಮಿಸಿಕೊಂಡಿದ್ದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಎವೆಲಿನ್, ತುಷಾನ್ ನನಗೆ ಪ್ರಪೋಸ್ ಮಾಡುವ ಮೊದಲು ಒಂದು ಕವಿತೆಯನ್ನು ಓದಿದ್ದರು. ಈ ಕನಸು ನನಸಾಗುವಂತಿದೆ. ತುಷಾನ್ ನನಗೆ ಚೆನ್ನಾಗಿ ಅರ್ಥ ಮಾಡಿಕೊಂಡಿದ್ದಾರೆ. ಅವರು ಪರ್ಫೆಕ್ಟ್ ಆಗಿ ಪ್ರಪೋಸ್ ಮಾಡಿದ್ದರು ಎಂದು ತಿಳಿಸಿದ್ದಾರೆ.
ನನ್ನ ಸ್ನೇಹಿತರೊಬ್ಬರು ಕಳೆದ ವರ್ಷ ಆಯೋಜಿಸಿದ ಬ್ಲೈಂಡ್ ಡೇಟ್‍ನಲ್ಲಿ ನಾನು ತುಷಾನ್ ಅವರನ್ನು ಭೇಟಿ ಮಾಡಿದೆ. ತುಷಾನ್ ತುಂಬಾನೇ ರೊಮ್ಯಾಂಟಿಕ್ ಹಾಗೂ ನನ್ನಗಿಂತ ಹೆಚ್ಚಾಗಿ ಸಿನಿಮಾಗಳನ್ನು ನೋಡುತ್ತಾರೆ. ನನ್ನ ಹಾಗೂ ತುಷಾನ್ ಸ್ನೇಹಿತರು ನಾವಿಬ್ಬರು ನಿಶ್ಚಿತಾರ್ಥ ಮಾಡಿಕೊಂಡಿದ್ದೇವೆ ಎಂದುಕೊಂಡಿದ್ದರು. ಆದರೆ ನಾವು ನಮ್ಮಿಬ್ಬರ ಕುಟುಂಬವನ್ನು ಪರಸ್ಪರ ಪರಿಚಯ ಮಾಡಿಸಿದ್ದೆವು. ಬಳಿಕ ನವರಾತ್ರಿಯ ಸಮಯದಲ್ಲಿ ನಿಶ್ಚಿತಾರ್ಥ ಮಾಡಲು ನಮ್ಮಿಬ್ಬರ ಕುಟುಂಬ ನಿರ್ಧರಿಸಿದ್ದರು ಎಂದರು.
ಮದುವೆ ದಿನಾಂಕದ ಬಗ್ಗೆ ಎವೆಲಿನ್‍ರನ್ನು ಪ್ರಶ್ನಿಸಿದಾಗ ಅವರು, ಮದುವೆ ದಿನಾಂಕವನ್ನು ನಿಗದಿಪಡಿಸಿದಾಗ ಎಲ್ಲರಿಗೂ ತಿಳಿಸುತ್ತೇನೆ. ಈಗ ನಾವಿಬ್ಬರು ಜೊತೆಯಲ್ಲಿ ತುಂಬಾ ಎಂಜಾಯ್ ಮಾಡುತ್ತಿದ್ದೇವೆ. ಸಿಡ್ನಿ ನನ್ನ ಇಷ್ಟವಾದ ನಗರಗಳಲ್ಲಿ ಒಂದಾಗಿದ್ದು, ಮದುವೆ ನಂತರ ನಾನು ಆಸ್ಟ್ರೇಲಿಯಾಗೆ ಶಿಫ್ಟ್ ಆಗಲು ಇಷ್ಟಪಡುತ್ತೇನೆ. ಆದರೆ ಭಾರತದಲ್ಲೂ ನನ್ನ ಒಂದು ಮನೆ ಇರುತ್ತದೆ. ಏಕೆಂದರೆ ಇದೇ ನಮ್ಮ ಮನೆ ಎಂದು ಎವೆಲಿನ್ ಪ್ರತಿಕೆಯೊಂದರಲ್ಲಿ ಸಂದರ್ಶನ ನೀಡಿದ್ದರು.
ಎವೆಲಿನ್ 2012ರಲ್ಲಿ ‘ಫ್ರಂ ಸಿಡ್ನಿ ವಿತ್ ಲವ್’ ಚಿತ್ರದ ಮೂಲಕ ಬಾಲಿವುಡ್‍ಗೆ ಎಂಟ್ರಿ ಕೊಟ್ಟಿದ್ದರು. ಇದಾದ ಬಳಿಕ ಅವರು ‘ಹೇ ಜವಾನಿ ಹೇ ದಿವಾನಿ’, ‘ನೌಟಂಕಿಸಾಲಾ’, ‘ಮೈ ತೇರಾ ಹೀರೋ’, ಯಾರಿಯನ್ ಚಿತ್ರದಲ್ಲಿ ನಟಿಸಿದ್ದಾರೆ. ಅಲ್ಲದೆ ಇತ್ತೀಚೆಗೆ ಬಿಡುಗಡೆಯಾದ ಬಾಹುಬಲಿ ಪ್ರಭಾಸ್ ನಟನೆಯ ‘ಸಹೋ’ ಚಿತ್ರದಲ್ಲೂ ಎವೆಲಿನ್ ಅಭಿನಯಿಸಿದ್ದರು.
