ಮುಂಬೈ: ಶುಕ್ರವಾರದಂದು ತೆರೆಕಂಡ ಪರಿ ಚಿತ್ರದ ಎರಡನೆಯ ಟೀಸರ್ ಎಲ್ಲರ ಎದೆ ಝಲ್ ಎನ್ನುವಂತೆ ನಡುಕ ಹುಟ್ಟಿಸಿದೆ. ಮೊದಲನೆಯ ಟೀಸರ್‍ನಲ್ಲಿ ಅನುಷ್ಕಾ ಶರ್ಮಾ ಕೆಂಪನೆಯ ಕಣ್ಣುಗಳಿಂದ ನೋಡುತ್ತಿರುವ ದೃಶ್ಯ ನಿಬ್ಬೆರಗಾಗಿಸಿತ್ತು.
ಚಿತ್ರದ ಟ್ರೇಲರ್ ನಲ್ಲಿ ಕಾರ್ಟೂನ್ ವೀಕ್ಷಿಸುತ್ತಿರುವ ಅನುಷ್ಕಾ ಅವರ ಗಾಯವಾದ ಕೈ-ಕಾಲುಗಳಿಗೆ ಸರಪಳಿಯನ್ನು ಸುತ್ತಿರುತ್ತದೆ. ಅನುಷ್ಕಾ ಕಾಲಿನ ಉಗುರುಗಳು ಇದ್ದಕ್ಕಿದಂತೆ ಉದ್ದವಾಗಿ ಬೆಳೆಯುತ್ತಿರುವ ದೃಶ್ಯ ಎಂತಹವರನ್ನು ಬೆಚ್ಚಿ ಬೀಳುವಂತೆ ಮಾಡುತ್ತಿದೆ. ‘ಅವಳು ನಿನ್ನ ಮೇಲೂ ಬರುತ್ತಾಳೆ’ ಎಂದು ಬರೆದು ಅನುಷ್ಕಾ ಶರ್ಮಾ ತಮ್ಮ ಟ್ವಿಟರ್ ಖಾತೆಯಲ್ಲಿ ಟೀಸರ್ ವಿಡಿಯೋ ಪೋಸ್ಟ್ ಮಾಡಿದ್ದಾರೆ.
ಸದಾ ಹೊಸ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಅನುಷ್ಕಾ ಶರ್ಮಾ ಈ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪರಿ ಮಾರ್ಚ್ 2, ಹೋಳಿ ಹಬ್ಬದಂದು ಬಿಡುಗಡೆಯಾಗಲಿದ್ದು, ಚಿತ್ರದ ಪೋಸ್ಟರ್ ಮತ್ತು ಟೀಸರ್ ಮೂಲಕ ಬಾಲಿವುಡ್‍ನಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ಎನ್‍ಹೆಚ್ 10 ಮತ್ತು ಫಿಲೌರಿ ಸಿನಿಮಾದ ನಂತರ ಅನುಷ್ಕಾ ಶರ್ಮಾರ ಬ್ಯಾನರ್ ಅಡಿಯಲ್ಲಿ ಪರಿ ಚಿತ್ರ ನಿರ್ಮಾಣವಾಗಿದೆ. ಈಗಾಗಲೇ ಶಾರುಖ್ ಖಾನ್ ಮತ್ತು ಕತ್ರಿನಾ ಕೈಫ್ ಜೊತೆ ‘ಝೀರೊ’ ಸಿನಿಮಾ ಮಾಡಿತ್ತಿದ್ದು, ಈ ಚಿತ್ರವು ಡಿಸೆಂಬರ್ ನಲ್ಲಿ ತೆರೆಕಾಣಲಿದೆ. ಮದುವೆಯಾದ ಬಳಿಕ ಅನುಷ್ಕಾ ಶರ್ಮಾ `ಸೂಯಿಧಾಗಾ’ ಸಿನಿಮಾದಲ್ಲಿ ನಟಿಸುತ್ತಿದ್ದು, ಚಿತ್ರದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ವರುಣ್ ಧವನ್ ಸೂಯಿಧಾಗಾ ಚಿತ್ರದಲ್ಲಿ ಅನುಷ್ಕಾಗೆ ಜೊತೆ ಆಗಿದ್ದಾರೆ. ಸೂಯಿ ಧಾಗಾ ಅಕ್ಟೋಬರ್ 02ರಂದು ತೆರೆ ಕಾಣಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.
She will grow on you… #1MonthToPari@paramspeak @OfficialCSFilms @kriarj @poojafilms https://t.co/lj2NxczQfi
— Anushka Sharma (@AnushkaSharma) February 2, 2018
