ಬೆಂಗಳೂರು: ತನ್ನ ಟ್ರೇಲರ್ ನಿಂದ ಕುತೂಹಲ ಹುಟ್ಟುಹಾಕಿರುವ ಹಾರರ್ ಮತ್ತು ಸಸ್ಪೆನ್ಸ್ ಕಥಾನಕವುಳ್ಳ ವೈರ ಶುಕ್ರವಾರ ಬಿಡುಗಡೆಯಾಗಲಿದೆ.
ಸಿನಿಮಾ ಒಂದು ಕೊಲೆಯ ರಹಸ್ಯವನ್ನು ಬೇಧಿಸುವ ಕಥೆಯನ್ನು ಹೊಂದಿದೆ. ಕೊಲೆಯಾದ ಯುವತಿಯ ರಹಸ್ಯವನ್ನು ಬೆನ್ನತ್ತುವ ನಾಯಕನಿಗೆ ಆಗುವ ವಿಭಿನ್ನ ಅನುಭವಗಳು ಚಿತ್ರದಲ್ಲಿ ತೋರಿಸಲಾಗಿದೆ.
ಈ ಭಯಾನಕ ಅನುಭವಗಳ ಜೊತೆಯಲ್ಲಿ ತಬಲಾ ನಾಣಿಯವರ ಕಾಮಿಡಿ ನಿಮ್ಮನ್ನು ನಗಿಸಲಿದೆ. ನಾಯಕ ನಟರಾಗಿರುವ ನವರಸನ್ ಅವರೇ ಚಿತ್ರಕಥೆ, ಸಂಭಾಷಣೆ, ನಿರ್ದೇಶನ ಮಾಡಿದ್ದಾರೆ. ನವರಸನ್ ಗೆ ನಾಯಕಿಯಾಗಿ ಪ್ರಿಯಾಂಕಾ ಬಲ್ಲಾಳ್ ಜೊತೆಯಾಗಿದ್ದಾರೆ.
ಸಿನಿಮಾದ ಹೆಚ್ಚಿನ ಚಿತ್ರೀಕರಣ ಮಡಿಕೇರಿಯಲ್ಲಿ ನಡೆದಿದೆ. ನಿತಿನ್ ಮಡಿಕೇರಿ ಚಿತ್ರಣವನ್ನು ತಮ್ಮ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ. ರವಿ ಬಸ್ಸೂರ್ ಸಂಗೀತದಲ್ಲಿ ಹಾಡುಗಳು ಮೂಡಿ ಬಂದಿವೆ. ಶರಣ್, ಅಜಯ್, ತಬಲಾನಾಣಿ, ಭರತ್ ಸಿಂಗ್, ಹ್ಯಾರಿ, ಕೃಷ್ಣಶ್ರೀ, ಸುಜಿತ್ ಮುಂತಾದ ತಾರಾಗಣವನ್ನು ಚಿತ್ರತಂಡ ಹೊಂದಿದೆ.
