ಚೆನ್ನೈ: ಶುಕ್ರವಾರ ಚೆಪಾಕ್‌ನಲ್ಲಿ ನಡೆದ ಐಪಿಎಲ್‌ ಪಂದ್ಯದಲ್ಲಿ ಸಿಎಸ್‌ಕೆಯನ್ನು (CSK) ಆರ್ಸಿಬಿ (RCB) ಮಣಿಸಿತು. ಈ ವೇಳೆ ವಿರಾಟ್ ಕೊಹ್ಲಿಯನ್ನು (Virat Kohli) ಟ್ರೋಲ್‌ ಮಾಡಿದ ಸಿಎಸ್ಕೆ ಅಭಿಮಾನಿಗಳಿಗೆ ನಟಿ ವರ್ಷಾ ಬೊಳ್ಳಮ್ಮ ಬಿಸಿಮುಟ್ಟಿಸಿದ್ದಾರೆ.
ಬೆಂಗಳೂರಿನ ಯುವ ನಟಿ ವರ್ಷಾ ಬೊಳ್ಳಮ್ಮ (Varsha Bollamma) ಅವರು ಆರ್‌ಸಿಬಿಯ ಅಪ್ಪಟ ಅಭಿಮಾನಿ. ಶನಿವಾರ ಬೆಳಗ್ಗೆ ಎಕ್ಸ್‌ನಲ್ಲಿ ಪೋಸ್ಟ್‌ ಹಾಕಿದ ಅವರು, ಸಿಎಸ್ಕೆ ದಂತಕಥೆ ಎಂಎಸ್ ಧೋನಿಯನ್ನು ಹೊಗಳುತ್ತಾ ವಿರಾಟ್ ವಿರುದ್ಧದ ಕೆಟ್ಟ ಟ್ರೋಲ್‌ಗಳನ್ನು ಖಂಡಿಸಿದ್ದಾರೆ. ‘ನಾವು ಒಬ್ಬ ಆಟಗಾರನನ್ನು ಹೊಗಳಲು ಇನ್ನೊಬ್ಬ ಆಟಗಾರನನ್ನು ಅವಮಾನಿಸಬಾರದು’ ಎಂದು ಸಿಎಸ್ಕೆ ಅಭಿಮಾನಿಗಳಿಗೆ ನಟಿ ಖಡಕ್‌ ಆಗಿ ಟಾಂಗ್‌ ಕೊಟ್ಟಿದ್ದಾರೆ. ಇದನ್ನೂ ಓದಿ: ಸಿಎಸ್ಕೆ ವಿರುದ್ಧ ಭರ್ಜರಿ ಜಯಗಳಿಸಿದ ಆರ್ಸಿಬಿ ಹಾಡಿಹೊಗಳಿದ ಡಿವಿಲಿಯರ್ಸ್‌
We shouldn’t insult one player to praise another. Yes, the competition is fun. Yes, there’s a lot of funny banter and rivalry, but NO, we shouldn’t insult players who represent our country. Don’t forget—they are MEN IN BLUE! Not red, yellow, orange or purple.#IPL2025 #RCBvsCSK
— Varsha Bollamma (@VarshaBollamma) March 29, 2025
ಕ್ರೀಡೆಗಳು ಮನರಂಜನೆಯದ್ದಾಗಿವೆ. ಬಹಳಷ್ಟು ತಮಾಷೆಯ ಹಾಸ್ಯ ಮತ್ತು ಪೈಪೋಟಿ ಕೂಡ ಇರುತ್ತದೆ. ಆದರೆ, ನಮ್ಮ ದೇಶವನ್ನು ಪ್ರತಿನಿಧಿಸುವ ಆಟಗಾರರನ್ನು ನಾವು ಅವಮಾನಿಸಬಾರದು. ಅವರು ಮೆನ್‌ ಇನ್‌ ಬ್ಲೂ (ಟೀಂ ಇಂಡಿಯಾ ಜೆರ್ಸಿ ಬಣ್ಣ) ಎಂಬುದನ್ನು ಮರೆಯಬೇಡಿ. ಅವರು ಕೆಂಪು, ಹಳದಿ, ಕಿತ್ತಳೆ ಅಥವಾ ನೇರಳೆ ಜೆರ್ಸಿಯವರು ಎಂದು ನೋಡಬೇಡಿ ಎಂದು ನಟಿ ಫ್ಯಾನ್ಸ್‌ಗೆ ತಿಳಿಸಿದ್ದಾರೆ.
ನಿನ್ನೆ ಚೆನ್ನೈ ನೆಲದಲ್ಲೇ ಸಿಎಸ್ಕೆ ವಿರುದ್ಧ ಆರ್ಸಿಬಿ 50 ರನ್‌ಗಳ ಭರ್ಜರಿ ಜಯ ಸಾಧಿಸಿತು. ಬರೋಬ್ಬರಿ 17 ವರ್ಷಗಳ ಬಳಿಕ ಚೆನ್ನೈಗೆ ತವರು ನೆಲದಲ್ಲೇ ಆರ್ಸಿಬಿ ಸೋಲುಣಿಸಿದೆ. ಇದನ್ನೂ ಓದಿ: ಸಿಎಸ್ಕೆ ಸೋಲಿಸಿ ಬೆಂಗಳೂರಿಗೆ ಆರ್ಸಿಬಿ ಟೀಂ ಗ್ರ್ಯಾಂಡ್‌ ಎಂಟ್ರಿ – ಏರ್‌ಪೋರ್ಟ್‌ನಲ್ಲಿ ಫ್ಯಾನ್ಸ್ ಜಯಘೋಷ
