ಓಟ್ಸ್ ಹೆಲ್ತಿ ಪದಾರ್ಥಗಳಲ್ಲಿ ಒಂದು. ಆರೋಗ್ಯವನ್ನು ಚೆನ್ನಾಗಿ ಕಾಪಾಡಲು ಬಯಸುವವರು ಇತ್ತೀಚಿನ ದಿನಗಳಲ್ಲಿ ಓಟ್ಸ್ ಅನ್ನು ಹೆಚ್ಚು ಹೆಚ್ಚು ಸೇವಿಸುತ್ತಾರೆ. ಇದೇ ಓಟ್ಸ್ ಬಳಸಿ ನಾವಿಂದು ನಿಮಗೆ ಒಂದು ಸಿಂಪಲ್ ಆದ ಸ್ನ್ಯಾಕ್ಸ್ ಅಥವಾ ಎನರ್ಜಿ ಬಾರ್ ಮಾಡೋದು ಹೇಗೆಂದು ಹೇಳಿಕೊಡುತ್ತೇವೆ. ಇದಕ್ಕೆ ಕೇವಲ ಮೂರೇ ಪದಾರ್ಥಗಳು ಸಾಕು. ಹೆಲ್ತಿ ಹಾಗೂ ಟೇಸ್ಟಿ ಓಟ್ಸ್ ಬಾರ್ ಮಾಡೋದು ಹೇಗೆಂದು ನೋಡೋಣ.
ಬೇಕಾಗುವ ಪದಾರ್ಥಗಳು:
ಓಟ್ಸ್ – 2 ಕಪ್
ಪೀನಟ್ ಬಟರ್ – 1 ಕಪ್
ಜೇನು ತುಪ್ಪ – ಕಾಲು ಕಪ್ ಇದನ್ನೂ ಓದಿ: ಹೀಗೆ ಮಾಡಿ ಇನ್ಸ್ಟೆಂಟ್ ಮಗ್ ಬ್ರೌನಿ
ಮಾಡುವ ವಿಧಾನ:
* ಮೊದಲಿಗೆ ಓವನ್ ಅನ್ನು 350 ಡಿಗ್ರಿ ಪ್ಯಾರಾಹೀಟ್‌ಗೆ ಪೂರ್ವಭಾವಿಯಾಗಿ ಕಾಯಿಸಿಕೊಳ್ಳಿ.
* ಒಂದು ಬಟ್ಟಲಿನಲ್ಲಿ ಓಟ್ಸ್, ಪೀನಟ್ ಬಟರ್ ಹಾಗೂ ಜೇನುತುಪ್ಪವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
* ಇದನ್ನು ಬೇಕಿಂಗ್ ಟ್ರೇಗೆ ವರ್ಗಾಯಿಸಿ, ಸಮಾನವಾಗಿ ಹರಡಿಕೊಳ್ಳಿ.
* ಬಳಿಕ ಅದನ್ನು ಓವನ್‌ನಲ್ಲಿ ಇಟ್ಟು ಸುಮಾರು 15 ನಿಮಿಷಗಳ ಕಾಲ ಬೇಯಿಸಿಕೊಳ್ಳಿ.
* ಈಗ ಮಿಶ್ರಣ ತಿಳಿ ಗೋಲ್ಡನ್ ಬ್ರೌನ್ ಬಣ್ಣ ಬಂದಿರುತ್ತದೆ. ಅದನ್ನು ಓವನ್‌ನಿಂದ ತೆಗೆದು ತಣ್ಣಗಾಗಲು ಬಿಡಿ.
* ನಂತರ ಅದನ್ನು ಬಾರ್‌ಗಳಾಗಿ ಕತ್ತರಿಸಿಕೊಳ್ಳಿ.
* ಇದೀಗ ಹೆಲ್ತಿ ಓಟ್ಸ್ ಬಾರ್ ತಯಾರಾಗಿದ್ದು, ಸವಿಯಲು ಸಿದ್ಧವಾಗಿದೆ. ಇದನ್ನು ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿ ಇಡಬಹುದು. ಇದನ್ನೂ ಓದಿ: ಮಕ್ಕಳಿಗೆ ಇಷ್ಟವಾಗೋ ಟೇಸ್ಟಿ ಕ್ಯಾರೆಟ್ ಕೇಕ್ ಮಾಡಿ
Web Stories
