ಹಾಸನ: ಅರಸೀಕೆರೆ (Araseikere) ಕ್ಷೇತ್ರದಲ್ಲಿ ಏನಾಗುತ್ತೊ ನೋಡೇ ಬಿಡೋಣ, ನಾವು ಸುಮ್ಮನೆ ಕೂರೋದಿಲ್ಲ. ಅರಸೀಕೆರೆಯಲ್ಲಿ ಮತ್ತೆ ಜೆಡಿಎಸ್ (JDS) ಗೆಲ್ಲುವವರೆಗೂ ನಾನು ನಿದ್ರೆ ಮಾಡಲ್ಲ ಎಂದು ಸಂಸದ ಪ್ರಜ್ವಲ್ ರೇವಣ್ಣ (Prajwal Revanna) ಗುಡುಗಿದ್ದಾರೆ.
ಅರಸೀಕೆರೆಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕುಮಾರಸ್ವಾಮಿ (HD Kumaraswamy) ಅವರ ಪಂಚರತ್ನ ಯಾತ್ರೆ ಬಂದಾಗ ನಾವು ಹೆಚ್ಚಿನ ಜನರನ್ನು ಸೇರಿಸಬೇಕು. ನಾವು ಟೊಂಕಕಟ್ಟಿ ನಿಂತು ಲಕ್ಷ ಲಕ್ಷ ಜನರನ್ನು ಸೇರಿಸಿ ಕೆಲಸ ಮಾಡಬೇಕು. ಫೆಬ್ರವರಿ 12 ಕ್ಕೆ ಅರಸೀಕೆರೆಯಲ್ಲಿ ಕಾರ್ಯಕರ್ತರ ಸ್ವಾಭಿಮಾನದ ಸಭೆ ನಡೆಯಬೇಕು ಎಂದು ಕರೆ ನೀಡಿದರು.
ಕನಿಷ್ಠ 30 ಸಾವಿರ ಜನ ಸೇರಬೇಕು. ನಮ್ಮ ಕಾರ್ಯಕರ್ತರಿಗೆ ಯಾವ ರೀತಿ ಆಮಿಷ, ಒತ್ತಡ ಹೇರಿ ಹೆದರಿಸುತ್ತಿದ್ದಾರೆ ಎಂಬುದು ನನಗೆ ಗೊತ್ತಿದೆ. ಯಾರೂ ಧೈರ್ಯಗೆಡುವ ಅಗತ್ಯ ಇಲ್ಲ. ಅರಸೀಕೆರೆಯಲ್ಲಿ ಮತ್ತೆ ಜೆಡಿಎಸ್ ಶಾಸಕರು ಗೆಲ್ಲುವವರೆಗೂ ನಾನು ನಿದ್ರೆ ಮಾಡಲ್ಲ ಎಂದು ಶಪಥ ಮಾಡಿದರು.
ನಾನು ಸಂಸದನಾಗಿ ಕ್ಷೇತ್ರದ ಎಲ್ಲಾ ಹಳ್ಳಿಗಳಿಗೆ ಹೋಗಲು ಸಾಧ್ಯವಿಲ್ಲ. ಹಳ್ಳಿಗಳಿಗೆ ಬರಲು ನನಗೆ ಮುಜುಗರ ಇಲ್ಲ, ಖಂಡಿತಾ ಬರಬೇಕು ಎನ್ನುವ ಆಸೆ ಇದೆ. ನಾನು 28ನೇ ವಯಸ್ಸಿಗೇ ಸಂಸದನಾದೆ. ದೇವೇಗೌಡರು ಅವರ ಸ್ಥಾನ ನನಗೆ ಬಿಟ್ಟು ಕೊಟ್ಟು ಅವಕಾಶ ನೀಡಿದರು ಎಂದರು.
ಶಿವಲಿಂಗೇಗೌಡರ (Shivalinge Gowda) ಬಳಿ ಮಾತನಾಡಿ ತಪ್ಪು ನಿರ್ಧಾರ ಮಾಡಬೇಡಿ, ಯಾರೋ ನಾಲ್ಕು ಜನ ಹೇಳಿದ ಮಾತು ಕೇಳಬೇಡಿ ಎಂದಿದ್ದೆ. ಪಾಪ ಅವರಿಗೂ ಗೊಂದಲ ಇದೆ. ನೀವು ವಾಪಸ್ ಬರುವುದಾದರೆ ಖಂಡಿತಾ ನಾವು ನಿಮ್ಮ ಜೊತೆ ಇದ್ದೀವಿ. ದೇಹ ಮಾತ್ರ ಬರೋದಲ್ಲ, ಮಾನಸಿಕವಾಗಿ ಬರಬೇಕು. ಅವರು ಜಾತಿವಾರು ಮತ ಆಗುತ್ತದೆ, ಅಶೋಕ್ ಆ ಕಡೆ ಇದ್ದಾರೆ ಎಂದರು. ಅವರ ಮಾತಿನಂತೆ ಅಶೋಕ್ ಅವರನ್ನೇ ಪಕ್ಷಕ್ಕೆ ಸೇರಿಸಿಕೊಂಡೆವು. ನಾವು ಪಕ್ಷ ಉಳಿಸಲು ಕೆಲಸ ಮಾಡಿದ್ದೇವೆ. ಅದನ್ನು ಬಿಟ್ಟು ಶಿವಲಿಂಗೇಗೌಡರ ವಿರುದ್ಧ ಏನೂ ಮಾಡಿಲ್ಲ ಎಂದರು. ಇದನ್ನೂ ಓದಿ: ಮೊದಲ ಬಾರಿ ರಾಜ್ಯಸಭಾ ಕಲಾಪದ ಅಧ್ಯಕ್ಷತೆ ವಹಿಸಿದ ಪಿ.ಟಿ ಉಷಾ
ಶಿವಲಿಂಗೇಗೌಡರಿಗೆ ಈಗಲೂ ಮನವಿ ಮಾಡುತ್ತೇವೆ. ನಮ್ಮ ಕಾರ್ಯಕರ್ತರು ಈಗಲೂ ಗಟ್ಟಿಯಾಗಿ ಇದ್ದಾರೆ, ನಿಮ್ಮನ್ನು ಗೆಲ್ಲಿಸಿಕೊಂಡು ಬರುತ್ತೇವೆ. ಅರಸೀಕೆರೆಯಲ್ಲಿ ನಿಷ್ಠಾವಂತ ಕಾರ್ಯಕರ್ತರಿದ್ದಾರೆ. ಶಿವಲಿಂಗೇಗೌಡರು ಕೆಲವೇ ಮತಗಳ ಅಂತರದಲ್ಲಿ ಸೋತಾಗ ರೇವಣ್ಣ ಅವರು ಅವರ ಬೆನ್ನಿಗೆ ನಿಂತರು. ಅವರು ಹೇಳಿದ ಎಲ್ಲಾ ಕೆಲಸ ಮಾಡಿಕೊಟ್ಟರು. ಹೇಳಿದವರಿಗೆ ಕೆಲಸ ಕೊಡಿಸಿದರು. ನಾವು ಸುಮ್ಮನೆ ಕೂರಲ್ಲ, ಖಂಡಿತಾ ಮನೆ ಮನೆಗೆ ಹೋಗುತ್ತೇವೆ. ವಾರದಲ್ಲಿ 2 ದಿನ ಕ್ಷೇತ್ರಕ್ಕೆ ಮೀಸಲು ಇಡುತ್ತೇನೆ ಎಂದು ಪ್ರಜ್ವಲ್ ರೇವಣ್ಣ ತಿಳಿಸಿದರು. ಇದನ್ನೂ ಓದಿ: ಆಪರೇಷನ್ ನ್ಯೂ ಫೇಸ್, ಕರಾವಳಿ ಫೋಕಸ್ – ಏನಿದು ಶಾ ತಂತ್ರ?
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
