ಬೆಳಗಾವಿ: ಗ್ರಾಮೀಣ ಕ್ಷೇತ್ರದಲ್ಲಿ ಗಿಫ್ಟ್ ಪಾಲಿಟಿಕ್ಸ್ (Gift Politics) ಮುಂದುವರಿದಿದ್ದು, ನಾನು ಯಾರಿಗೂ ಕಮ್ಮಿ‌ ಇಲ್ಲ ಎಂದು ರಮೇಶ್ ಜಾರಕಿಹೊಳಿ ಆಪ್ತ‌ ನಾಗೇಶ್‌ ಮನ್ನೋಳಕರ್ ಹಾಟ್ ಬಾಕ್ಸ್ ನೀಡಿದ್ದಾರೆ.

ತಾಲೂಕಿನ ಹಿಂಡಲಗಾ ಗ್ರಾಮದಲ್ಲಿ ಮಾಜಿ ಸಚಿವ ರಮೇಶ್‌ ಜಾರಕಿಹೊಳಿ‌ (Ramesh Jarkiholi) ಆಪ್ತ, ಗ್ರಾಮೀಣ ಕ್ಷೇತ್ರದ ಬಿಜೆಪಿ (BJP) ಅಭ್ಯರ್ಥಿ ನಾಗೇಶ್‌ ಮನ್ನೋಳಕರ್ ಅವರು ಹಳದಿ, ಕುಂಕುಮ ಕಾರ್ಯಕ್ರಮ ಆಯೋಜಿಸಿದ್ದರು. ಈ ವೇಳೆ ಮಹಿಳೆಯರಿಗೆ (Woman) ಸೀರೆ ಹಾಗೂ ಹಾಟ್‌ ಬಾಕ್ಸ್ ಗಿಫ್ಟ್ ನೀಡಿದರು.

ಸದ್ಯ ಬೆಳಗಾವಿ (Belagavi) ಗ್ರಾಮೀಣ ಕ್ಷೇತ್ರದಲ್ಲಿ ಶಾಸಕಿ ಲಕ್ಷ್ಮಿ ಹೆಬ್ಬಾಳ್ಕರ್ ಟಿಫಿನ್ ಬಾಕ್ಸ್, ಮಿಕ್ಸರ್ ಗ್ರೈಂಡರ್ ಕೊಟ್ಟಿದ್ದಾಗಿದೆ. ಬಿಜೆಪಿ ಮಾಜಿ ಶಾಸಕ ಸಂಜಯ್ ಪಾಟೀಲ್ ತಟ್ಟೆ, ಲೋಟ ನೀಡಿದ್ದಾಗಿದೆ. ಇದೀಗ ನಾಗೇಶ್ ಮನ್ನೋಳಕರ್‌ರಿಂದ ಸೀರೆ ಹಾಗೂ ಹಾಟ್‌ಬಾಕ್ಸ್ ವಿತರಣೆ ಮಾಡಲಾಗುತ್ತಿದೆ. ಇಂದು ನಾಗೇಶ್‌ ಮನ್ನೋಳಕರ್ ಹಿಂಡಲಗಾ ಗೋಕುಲ್ ನಗರದ ಯಲ್ಲಮ್ಮ ದೇವಿ ದೇವಸ್ಥಾನ ಬಳಿ ನಡೆದ ಹಳದಿ ಕುಂಕುಮ ಕಾರ್ಯಕ್ರಮದಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಪಾಲ್ಗೋಂಡಿದ್ದ ಮಹಿಳೆಯರಿಗೆ ಗಿಫ್ಟ್ ವಿತರಿಸಲಾಗಿದೆ. ಈ ವೇಳೆ ಗಿಫ್ಟ್ ಪಡೆಯಲು ಸಾವಿರಾರು ಮಹಿಳೆಯರು ಮುಗಿಬಿದ್ದರು. ಇದನ್ನೂ ಓದಿ: ಮಲಮಗಳ ಮೇಲೆ ಅತ್ಯಾಚಾರ – 40 ವರ್ಷ ಜೈಲು ಶಿಕ್ಷೆ

ಮತ್ತೊಂದೆಡೆ ಲಕ್ಷ್ಮಿ ಹೆಬ್ಬಾಳ್ಕರ್ ಒಡೆತನದ ಹರ್ಷ ಶುಗರ್ಸ್ ವತಿಯಿಂದ ಗ್ರಾಮೀಣ ಉತ್ಸವ ಕಾರ್ಯಕ್ರಮ, ರಂಗೋಲಿ ಸ್ಪರ್ಧೆಯಲ್ಲಿ ಭಾಗಿಯಾದವರಿಗೆ ಮೊದಗಾ ಗ್ರಾಮದ ಹೊರವಲಯದಲ್ಲಿ ಶೆಡ್ ನಿರ್ಮಿಸಿ ಮಿಕ್ಸರ್ ಸೇರಿ ಅಡುಗೆ ಪಾತ್ರೆಗಳು ಗಿಫ್ಟ್ ನೀಡಲಾಗುತ್ತಿದೆ. ಸದ್ಯ ಬೆಳಗಾವಿ ಗ್ರಾಮೀಣ ಕ್ಷೇತ್ರದಲ್ಲಿ ಚುನಾವಣೆ ಮುನ್ನವೇ ಬಹಿರಂಗವಾಗಿಯೇ ಜನರಿಗೆ ಗಿಫ್ಟ್ ವಿತರಣೆ ಮಾಡಲಾಗುತ್ತಿದೆ. ಇದನ್ನೂ ಓದಿ: ಕೆರೆಯಲ್ಲಿ ಅಪರಿಚಿತ ವ್ಯಕ್ತಿಯ ಶವ ಪತ್ತೆ – ಕೈ ಮೇಲಿನ ಹಚ್ಚೆಯಿಂದ ಅಸಲಿ ಸತ್ಯ ಬಯಲು