ಯುರೋಪ್(Europe) ರಾಷ್ಟ್ರಗಳಲ್ಲಿ ಪ್ರಸ್ತುತ ತೀವ್ರತರವಾದ ಬಿಸಿಗಾಳಿ (Heatwave) ಆವರಿಸಿದ್ದುತಾಪಮಾನವು 40 ಡಿಗ್ರಿ ಸೆಲ್ಸಿಯಸ್ ತಲುಪುತ್ತಿದ್ದಂತೆ ರಸ್ತೆಗಳು ಕರಗಲು (Melting) ಆರಂಭಿಸಿವೆ. ಆದರೆ, ಭಾರತದಲ್ಲಿ (India) ಬೇಸಿಗೆಯ ಅವಧಿಯಲ್ಲಿ ತಾಪಮಾನವು 50 ರಿಂದ 55 ಡಿಗ್ರಿ ಸೆಲ್ಸಿಯಸ್ ತಲುಪಿದರೂ ಇಲ್ಲಿನ ಹೆದ್ದಾರಿಗಳು ಯಾವುದೇ ಹಾನಿಯಿಲ್ಲದೆ ಗಟ್ಟಿಯಾಗಿ ಉಳಿಯುತ್ತವೆ. ಬ್ರಿಟನ್ ಮತ್ತು ಭಾರತದ ರಸ್ತೆಗಳ ನಡುವಿನ ಈ ವ್ಯತ್ಯಾಸಕ್ಕೆ ರಸ್ತೆಗಳ (Road) ನಿರ್ಮಾಣ ತಂತ್ರಜ್ಞಾನ ಮತ್ತು ವಿನ್ಯಾಸವೇ ಮುಖ್ಯ ಕಾರಣ ಎಂದು ವರದಿ ತಿಳಿಸಿದೆ.
ರಸ್ತೆಗಳು ಕರಗುತ್ತಿರುವುದು ಯಾಕೆ?
ಹವಾಮಾನಕ್ಕೆ ತಕ್ಕ ವಿನ್ಯಾಸ
ಬ್ರಿಟನ್ನ ಸಾರಿಗೆ ವ್ಯವಸ್ಥೆ ಮತ್ತು ರಸ್ತೆಗಳನ್ನು ಮೂಲತಃ ಅಲ್ಲಿನ ದೀರ್ಘಾವಧಿಯ ಚಳಿ, ಮಳೆ ಮತ್ತು ಹಿಮಪಾತವನ್ನು ತಡೆದುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ. ಬ್ರಿಟನ್ನಲ್ಲಿ ಸಾಮಾನ್ಯವಾಗಿ ಬೇಸಿಗೆಯ ಸರಾಸರಿ ತಾಪಮಾನವು 20 ರಿಂದ 25 ಡಿಗ್ರಿ ಸೆಲ್ಸಿಯಸ್ ಇರುತ್ತದೆ. ಹೀಗಾಗಿ ಅಲ್ಲಿನ ರಸ್ತೆಗಳು 40 ಡಿಗ್ರಿ ತಾಪಮಾನ ತಲುಪಿದಾಗ ಬಿಸಿಯನ್ನು ತಡೆದುಕೊಳ್ಳಲು ಸಾಧ್ಯವಾಗದೆ ಮೃದುವಾಗಿ ಕರಗಲು ಆರಂಭಿಸುತ್ತವೆ.
ಭಾರತದಲ್ಲಿ ಮೊದಲಿನಿಂದಲೂ ರಸ್ತೆಗಳನ್ನು ಸುಡುವ ಬಿಸಿಲಿಗೆ ತಕ್ಕಂತೆ ರೂಪಿಸಲಾಗುತ್ತದೆ. ಭಾರತದ ಹೆದ್ದಾರಿಗಳನ್ನು ದೇಶದ ವಿಪರೀತ ಹವಾಮಾನ ವೈಪರೀತ್ಯಗಳನ್ನು ತಡೆದುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ.
Is this heatwave getting that intense in the UK? 🔥 🇬🇧 😳 pic.twitter.com/MeLE3IvdXh
— Ruffin Perri-Greno (@gyina_yie) June 28, 2026
ಬಿಟುಮೆನ್ ಗ್ರೇಡ್ ವ್ಯತ್ಯಾಸ
ರಸ್ತೆ ನಿರ್ಮಾಣದಲ್ಲಿ ಬಳಸುವ ಡಾಂಬರು ಅಥವಾ ಬಿಟುಮೆನ್ (Bitumen) ಗುಣಮಟ್ಟ ಈ ಎರಡೂ ದೇಶಗಳಲ್ಲಿ ಭಿನ್ನವಾಗಿರುತ್ತದೆ. ಬ್ರಿಟನ್ನಲ್ಲಿ ಚಳಿಗಾಲದಲ್ಲಿ ರಸ್ತೆಗಳು ಬಿರುಕು ಬಿಡದಂತೆ ತಡೆಯಲು ಕಡಿಮೆ ತಾಪಮಾನದಲ್ಲೂ ಮೃದುವಾಗಿರುವ ಬಿಟುಮೆನ್ ಅನ್ನು ಬಳಸಲಾಗುತ್ತದೆ. ವಾತಾವರಣದ ತಾಪಮಾನವು 30°C ನಿಂದ 40°C ಇದ್ದಾಗ, ಕಪ್ಪು ಬಣ್ಣದ ಡಾಂಬರು ರಸ್ತೆಗಳು ಸೂರ್ಯನ ಶಾಖವನ್ನು ತೀವ್ರವಾಗಿ ಹೀರಿಕೊಳ್ಳುತ್ತವೆ. ಸಾಧಾರಣವಾಗಿ ರಸ್ತೆಯ ಮೇಲ್ಮೈ ತಾಪಮಾನವು ವಾತಾವರಣದ ತಾಪಮಾನಕ್ಕಿಂತ 10-15 ಡಿಗ್ರಿ ಹೆಚ್ಚಿರುತ್ತದೆ. ಈ ಕಾರಣದಿಂದ ಈ ಬಿಟುಮೆನ್ ಸುಮಾರು 40 ಡಿಗ್ರಿ ಸೆಲ್ಸಿಯಸ್ ಆಸುಪಾಸಿನಲ್ಲೇ ಕರಗಲು ಆರಂಭಿಸುತ್ತದೆ. ಇದನ್ನೂ ಓದಿ: ದಕ್ಷಿಣ ಆಫ್ರಿಕಾದಲ್ಲಿ ವಲಸಿಗರ ವಿರುದ್ಧ ಬಡಿಗೆ ಹಿಡಿದು ಬೀದಿಗಿಳಿದ ಸಾವಿರಾರು ಜನ
ಭಾರೀ ವಾಹನಗಳ ಸಂಚಾರ
ರಸ್ತೆಗಳು ಹೀಗೆ ಮೃದುವಾದಾಗ ಅವುಗಳ ಮೇಲೆ ಚಲಿಸುವ ಭಾರೀ ವಾಹನಗಳ ಒತ್ತಡದಿಂದಾಗಿ ಡಾಂಬರು ಮೇಲಕ್ಕೆದ್ದು ಬರುತ್ತದೆ. ಇದರಿಂದ ರಸ್ತೆಗಳು ಜಿಗುಟಾಗುತ್ತವೆ ಮತ್ತು ವಾಹನಗಳ ಟೈರ್ಗಳಿಗೆ ಅಂಟಿಕೊಳ್ಳುತ್ತವೆ.
ಸುಧಾರಿತ ತಂತ್ರಜ್ಞಾನ ಮತ್ತು ಪ್ಲಾಸ್ಟಿಕ್ ಬಳಕೆ
ಇತ್ತೀಚಿನ ವರ್ಷಗಳಲ್ಲಿ ಭಾರತದ ಹೆದ್ದಾರಿ ನಿರ್ಮಾಣದಲ್ಲಿ ತಂತ್ರಜ್ಞಾನವು ಸಾಕಷ್ಟು ಸುಧಾರಿಸಿದೆ. ಡಾಂಬರಿನ ಜೊತೆಗೆ ಕರಗಿದ ಪ್ಲಾಸ್ಟಿಕ್ ತ್ಯಾಜ್ಯಗಳು (Modified Bitumen) ಮತ್ತು ರಬ್ಬರ್ ಸಂಯುಕ್ತಗಳನ್ನು ಬಳಸಲಾಗುತ್ತಿದೆ. ಇದು ರಸ್ತೆಗಳ ಕರಗುವ ಬಿಂದುವನ್ನು (Melting Point) ಮತ್ತಷ್ಟು ಹೆಚ್ಚಿಸುತ್ತದೆ ಹಾಗೂ ಭಾರಿ ತೂಕದ ವಾಹನಗಳು ಚಲಿಸಿದರೂ ರಸ್ತೆಗಳು ಕುಸಿಯದಂತೆ ನೋಡಿಕೊಳ್ಳುತ್ತದೆ.
ಟ್ರಾಮ್ ಸಂಚಾರ ಬಂದ್
ಜರ್ಮನಿಯಲ್ಲಿ ತಾಪಮಾನವು 41.7 ಸೆಲ್ಸಿಯಸ್ ದಾಟಿದೆ. ಇದರಿಂದಾಗಿ ಟ್ರಾಮ್ ಹಳಿಗಳ ಸುತ್ತಲೂ ರಸ್ತೆ ಜೋಡಣೆಗೆ ಬಳಸಲಾಗುವ ಬಿಟುಮಿನ್ (Bitumen) ಮತ್ತು ರಬ್ಬರ್ ಮಿಶ್ರಿತ ಸೀಲಾಂಟ್ (ಜಾಯಿಂಟ್ ಸೀಲರ್) ಸಂಪೂರ್ಣವಾಗಿ ಕರಗಿದೆ. ಈ ಕರಗಿದ ಜಿಗುಟಾದ ದ್ರವವು ಟ್ರಾಮ್ ಹಳಿಗಳ (Grooves) ಮತ್ತು ಟ್ರ್ಯಾಕ್ ಸ್ವಿಚ್ಗಳ ಒಳಗೆ ಹರಿದು ಬಂದು ಗಟ್ಟಿಯಾಗಿದೆ. ಇದರಿಂದಾಗಿ ಟ್ರಾಮ್ ಚಕ್ರಗಳು ಹಳಿಗಳ ಮೇಲೆ ಚಲಿಸಲು ಸಾಧ್ಯವಾಗದೆ ಸಾರಿಗೆಯನ್ನು ಸ್ಥಗಿತಗೊಳಿಸಲಾಗಿದೆ. ಇನ್ನು ಕೆಲವು ಕಡೆ ಲೋಹದ ಹಳಿಗಳು ಕರಗದೇ ಇದ್ದರೂ ಅತಿಯಾದ ಶಾಖಕ್ಕೆ ಸಿಕ್ಕಿ ಅವುಗಳು ವಿಸ್ತರಣೆಯಾಗಿ ಉಬ್ಬಿಕೊಂಡಿವೆ.
Extreme heat has caused roads to melt in Nuremberg, Germany. Meanwhile, Europe’s heatwave is intensifying, with wildfires now spreading across southeastern Europe. (Video: Anshul/IG) pic.twitter.com/UTLbfgVm6K
— Weather Monitor (@WeatherMonitors) June 29, 2026
ಯುರೋಪ್ ಎದುರಾಗಿರುವ ಸವಾಲು
ಜಾಗತಿಕ ತಾಪಮಾನ ವೈಪರೀತ್ಯದಿಂದಾಗಿ (Climate Change) ಯುರೋಪ್ನಲ್ಲಿ ಈಗ ಬಿಸಿಲು ಹೆಚ್ಚಾಗುತ್ತಿದೆ. ಈಗಿರುವ ರಸ್ತೆಗಳನ್ನು ಸಂಪೂರ್ಣವಾಗಿ ಭಾರತದ ಮಾದರಿಯಲ್ಲಿ ಬಿಸಿಲು ತಡೆದುಕೊಳ್ಳುವಂತೆ ಮರುನಿರ್ಮಾಣ ಮಾಡಲು ಶತಕೋಟಿ ಯುರೋ ವೆಚ್ಚವಾಗುತ್ತದೆ. ಒಂದು ವೇಳೆ ಹಾಗೆ ಮಾಡಿದರೆ ಚಳಿಗಾಲದಲ್ಲಿ ತೀವ್ರ ಹಿಮಪಾತವಾದಾಗ ರಸ್ತೆಗಳು ಬೇಗನೆ ಬಿರುಕು ಬಿಡುವ ಅಪಾಯವೂ ಇರುತ್ತದೆ. ಹೀಗಾಗಿ ಬ್ರಿಟನ್ ಸೇರಿದಂತೆ ಹಲವು ಯರೋಪ್ ರಾಷ್ಟ್ರಗಳು ಈಗ ಇಕ್ಕಟ್ಟಿಗೆ ಸಿಲುಕಿದೆ.
ಯುರೋಪ್ನಲ್ಲಿ ಈ ಪರಿಸ್ಥಿತಿಯನ್ನು ನಿಭಾಯಿಸಲು ಸ್ಥಳೀಯ ಸಂಸ್ಥೆಗಳು ಹಿಮದ ದಿನಗಳಲ್ಲಿ ಬಳಸುವ ‘ಗ್ರಿಟರ್’ ಲಾರಿಗಳ ಮೂಲಕ ರಸ್ತೆಯ ಮೇಲೆ ಕಲ್ಲಿನ ಪುಡಿ ಅಥವಾ ಮರಳನ್ನು ಉದುರಿಸಿ ರಸ್ತೆಯನ್ನು ಗಟ್ಟಿಗೊಳಿಸುವ ತಾತ್ಕಾಲಿಕ ಕ್ರಮಗಳನ್ನು ಕೈಗೊಳ್ಳುತ್ತಿವೆ.
