ಜಪಾನ್ ಓಪನ್ ಬ್ಯಾಡ್ಮಿಂಟನ್ ಸೋತ್ರೂ ಸಿಂಧು ಜೀವನ ಶ್ರೇಷ್ಠ ರ‍್ಯಾಂಕಿಂಗ್‌

ಟೋಕಿಯೋ: ಪಿ.ವಿ.ಸಿಂಧು ಜಪಾನ್ ಸೂಪರ್ ಸೀರಿಸ್ ಬ್ಯಾಡ್ಮಿಂಟನ್ ಎರಡನೇ ಸುತ್ತಿನಲ್ಲಿ ಸೋಲುವ ಮೂಲಕ ಟೂರ್ನಿಯಿಂದ ನಿರ್ಗಮಿಸಿದ್ದಾರೆ. ಜಪಾನಿನ ನೊಜೊಮಿ ಒಕುಹಾರ ಅವರು ಸಿಂಧು ಅವರನ್ನು ಸೋಲಿಸುವ ಮೂಲಕ ಸೇಡು ತೀರಿಸಿಕೊಂಡಿದ್ದಾರೆ.

ಒಕುಹಾರ ಅವರು 21-18, 21-08 ನೇರ ಸೆಟ್‍ಗಳಲ್ಲಿ ಸಿಂಧು ಅವರನ್ನು ಸೋಲಿಸಿದ್ದಾರೆ. ಗ್ಲಾಸ್ಗೋ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪಿ.ವಿ.ಸಿಂಧು ಒಕುಹಾರ ವಿರುದ್ಧ ಸೋತಿದ್ದರು. ಇದರ ಪ್ರತಿಕಾರವಾಗಿ ಸಿಂಧು ಕೊರಿಯಾದಲ್ಲಿ ನಡೆದ ಟೂರ್ನಿಯಲ್ಲಿ ಸೇಡು ತೀರಿಸಿಕೊಂಡು ಪ್ರಶಸ್ತಿ ಗೆದ್ದಿದ್ದರು. ಆದರೆ ಗುರುವಾರ ಸಿಂಧು ಅವರನ್ನು ಒಕುಹಾರ ಸೋಲಿಸಿದ್ದಾರೆ.

ಈ ಪಂದ್ಯದಲ್ಲಿ ಸೋತರೂ ಸಿಂಧು ಬ್ಯಾಡ್ಮಿಂಟನ್ ರ‍್ಯಾಂಕಿಂಗ್‌ ನಲ್ಲಿ ಜೀವನ ಶ್ರೇಷ್ಠ ಸಾಧನೆ ಮಾಡಿದ್ದಾರೆ. ಕೊರಿಯಾ ಓಪನ್ ಗೆಲ್ಲುವ ಮೂಲಕ 4ನೇ ಸ್ಥಾನದಲ್ಲಿದ್ದ ಸಿಂಧು ಎರಡನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಒಕುಹಾರ 1 ಸ್ಥಾನ ಜಿಗಿದು 8ನೇ ಸ್ಥಾನ ಪಡೆದುಕೊಂಡಿದ್ದಾರೆ.

#BWFRankingPrediction21Sep17 WS: PV Sindhu is back to World No.2 after winning at Korea! @Pvsindhu1
Okuhara top 8! https://t.co/le93xHLhSH pic.twitter.com/7kemhxx3Ol

— Badminton Talk (@BadmintonTalk) September 17, 2017