Connect with us

Bengaluru City

ಅಕ್ಕನನ್ನು ಬೈದಿದಕ್ಕೆ ಬಾವನ ಕೈ ಬೆರಳು ಕಟ್ ಮಾಡಿದ ಬಾಮೈದ

Published

on

ಬೆಂಗಳೂರು: ಅಕ್ಕನನ್ನು ಬೈದಿದಕ್ಕೆ ಬಾಮೈದನೊಬ್ಬ ತನ್ನ ಬಾವನ ಕೈ ಬೆರಳು ಕಟ್ ಮಾಡಿದ ಘಟನೆ ಕಳೆದ 28ರ ಸಂಜೆ ಬೆಂಗಳೂರಿನ ಡಿಜೆ ಹಳ್ಳಿಯಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ಅಮ್ಜದ್ ಬಾವನ ಕೈ ಬೆರಳು ಕಟ್ ಮಾಡಿದ ವ್ಯಕ್ತಿ. ತನ್ನ ಸಹೋದರಿಯನ್ನು ನಿಂದಿಸಿದಕ್ಕೆ ಅಮ್ಜದ್ ತನ್ನ ಬಾವ ಶಫೀ ಎಂಬವರ ಬಲಗೈ ಬೆರಳುಗಳನ್ನ ಕಟ್ ಮಾಡಿದ್ದಾನೆ. ಶಫೀ ವೃತ್ತಿಯಲ್ಲಿ ಕಾರ್ಪೇಂಟರ್ ಆಗಿದ್ದು, ಕಳೆದೊಂದು ವಾರದಿಂದ ಹೊಟ್ಟೆ ನೋವಿನಿಂದ ಕೆಲಸಕ್ಕೆ ತೆರಳದೇ ಮನೆಯಲ್ಲಿದ್ದನು.

ಶಫೀ ಅನಾರೋಗ್ಯಕ್ಕೆ ತುತ್ತಾಗಿ ವಾರ ಕಳೆದರು ಆತನ ಪತ್ನಿ ನೀಲೂಫರ್ ತನ್ನ ಪತಿಯ ಆರೋಗ್ಯವನ್ನು ವಿಚಾರಿಸಲಿಲ್ಲ. ಈ ವೇಳೆ ನನಗೆ ಆರೋಗ್ಯ ಸರಿಯಿಲ್ಲ. ನೀನು ಒಮ್ಮೆಯಾದರು ಕೇಳಿದ್ದೀಯಾ ಎಂದು ಶಫೀ ತನ್ನ ಪತ್ನಿಯನ್ನು ಪ್ರಶ್ನಿಸಿದ್ದಾನೆ. ಇದೇ ವಿಚಾರವಾಗಿ ಶಫೀ ಹಾಗೂ ನೀಲೂಫರ್ ಮಧ್ಯೆ ಜಗಳವಾಗಿತ್ತು.

ಜಗಳವಾದ ಬಳಿಕ ಸಂಜೆ ನೀಲೂಫರ್ ಸಹೋದರ ಅಶೂ ತನ್ನ ಮಾವಂದಿರ ಜೊತೆ ಬಂದು ಹಲ್ಲೆ ಮಾಡಿಸಿದ್ದಾರೆ. ಆರೋಪಿಗಳು ಚಾಕುವಿನಿಂದ ಶಫೀಯ ಎದೆ ಭಾಗಕ್ಕೆ ಚುಚ್ಚಿ, ಬಲಗೈನ ಕೈ ಬೆರಳುಗಳನ್ನ ಕಟ್ ಮಾಡಿದ್ದಾರೆ. ಅಶೂ, ಅಮ್ಜದ್ ಹಾಗೂ ಮಜರ್ ಜೊತೆ ಬಂದು ಹಲ್ಲೆ ನಡೆಸಿದ್ದಾನೆ. ಆರೋಪಿಗಳಾದ ಅಮ್ಜದ್, ಮಜರ್, ಗಾಯಾಳು ಶಫೀ ಪತ್ನಿ ನೀಲೂಫರ್ ನ ಮಾವಂದಿರು ಆಗಿದ್ದಾರೆ.

ಗಾಯಾಳು ಶಫೀಯನ್ನು ಹೆಚ್ಚಿನ ಚಿಕಿತ್ಸೆಗೆ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಬಗ್ಗೆ ಡಿಜೆ ಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Click to comment

Leave a Reply

Your email address will not be published. Required fields are marked *