ಚಿಕ್ಕಬಳ್ಳಾಪುರ: ನಾಡಿನೆಲ್ಲೆಡೆ ನಾಗರಪಂಚಮಿಯ ಸಂಭ್ರಮ ಮನೆ ಮಾಡಿದ್ದು, ನಾಗರಕಲ್ಲುಗಳಿಗೆ ಭಕ್ತರು ವಿಶೇಷ ಪೂಜೆ ಪುನಸ್ಕಾರ ನೇರವೇರಿಸುತ್ತಿದ್ದಾರೆ. ಚಿಕ್ಕಬಳ್ಳಾಪುರ ತಾಲೂಕಿನ ಆದಿಯೋಗಿ ಇಶಾ ಕೇಂದ್ರದಲ್ಲೂ ನಾಗರಪಂಚಮಿಯ ವಿಶೇಷ ಪೂಜೆ ಪುನಸ್ಕಾರಗಳು ನಡೆಯುತ್ತಿವೆ. ಇದೀಗ ಸದ್ಗುರು ಸನ್ನಿಧಿಯಲ್ಲಿ ‘ಕೆಜಿಎಫ್’ (KGF) ನಟಿ ಶ್ರೀನಿಧಿ ಶೆಟ್ಟಿ (Srinidhi Shetty) ಅವರು ಭೇಟಿ ನೀಡಿ ನಾಗರಪಂಚಮಿ ಹಬ್ಬವನ್ನು (Nagapanchami Festival) ವಿಶೇಷವಾಗಿ ಆಚರಿಸಿದ್ದಾರೆ.
Advertisement
ನಾಗರಪಂಚಮಿ ಅಂಗವಾಗಿ ಸದ್ಗುರು ಸನ್ನಿಧಿಯಲ್ಲಿನ ನಾಗಮಂಟಪದ ನಾಗನಾಥನಿಗೆ ಶ್ರೀನಿಧಿ ಶೆಟ್ಟಿ ಬೆಣ್ಣೆ ಸೇವೆ ಮಾಡುವ ಮೂಲಕ ನಾಗರಪಂಚಮಿ ಆಚರಿಸಿಕೊಂಡಿದ್ದಾರೆ. ತಂದೆಯೊಂದಿಗೆ ಇಶಾ ಆದಿಯೋಗಿ ಕೇಂದ್ರಕ್ಕೆ ಆಗಮಿಸಿರುವ ನಟಿ ಶ್ರೀನಿಧಿ ಶೆಟ್ಟಿ ಬೆಣ್ಣೆ ಸೇವೆ ಮಾಡಿ ಗಮನ ಸೆಳೆದರು. ಇದನ್ನೂ ಓದಿ:ಮುತ್ತಿನ ಉಡುಗೆಯಲ್ಲಿ ಕಂಗೊಳಿಸಿದ ರಶ್ಮಿಕಾ ಮಂದಣ್ಣ ಲುಕ್‌ಗೆ ಫ್ಯಾನ್ಸ್ ಫಿದಾ
Advertisement
Advertisement
ಪೂಜೆಯ ಬಳಿಕ ಮಾತನಾಡಿದ ಶ್ರೀನಿಧಿ ಶೆಟ್ಟಿ, ನಾಗರಪಂಚಮಿಯ ಶುಭಾಶಯಗಳನ್ನು ಕೋರಿದರು. ನಮ್ಮ ಮನೆಯಲ್ಲಿ ಸಹ ನಾಗರಪಂಚಮಿ ಹಬ್ಬ ಆಚರಣೆ ಮಾಡುತ್ತೇವೆ. ಈ ಬಾರಿ ಸದ್ಗುರು ಸನ್ನಿಧಿಯಲ್ಲಿ ನಾಗರಪಂಚಮಿ ಆಚರಣೆ ಮಾಡುವ ಅವಕಾಶ ದೊರೆತಿದ್ದು, ನನ್ನ ಪುಣ್ಯ. ಇಶಾ ಆದಿಯೋಗಿ ಕೇಂದ್ರದಲ್ಲಿ ಯಾವುದೇ ಕಾರ್ಯಕ್ರಮ ಇದ್ರೂ ಭಾಗವಹಿಸಲು ಇಷ್ಟಪಡುತ್ತೇನೆ. ನಾಗರಪಂಚಮಿಯಂದು ಇಲ್ಲಿಗೆ ಬಂದು ಸೇವೆ ಮಾಡುವ ಅವಕಾಶದಕ್ಕಿದ್ದು, ಬಹಳ ಸಂತೋಷವಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ಇದನ್ನೂ ಓದಿ:ರಾಜ್‌ಕುಮಾರ್ ರಾವ್‌ಗೆ ಮಾನುಷಿ ಚಿಲ್ಲರ್ ನಾಯಕಿ
Advertisement
ಅಂದಹಾಗೆ, ‘ಕೆಜಿಎಫ್ 2’ (KGF 2) ಸಕ್ಸಸ್ ಬಳಿಕ ಕಿಚ್ಚ ಸುದೀಪ್ (Sudeep) ನಟನೆಯ 47ನೇ ಸಿನಿಮಾ ಶ್ರೀನಿಧಿ ಶೆಟ್ಟಿ ಹೀರೋಯಿನ್ ಆಗಿದ್ದಾರೆ. ‘ಡಿಜೆ ಟಿಲ್ಲು’ (DJ Tillu) ಹೀರೋ ಸಿದ್ದು ನಟನೆಯ ಸಿನಿಮಾಗೂ ನಾಯಕಿಯಾಗಿದ್ದಾರೆ. ಕನ್ನಡದ ಜೊತೆ ಪರಭಾಷೆಯಲ್ಲೂ ನಟಿ ಬ್ಯುಸಿಯಾಗಿದ್ದಾರೆ.
