ತೆಲುಗಿನ ಅರ್ಜುನ್ ರೆಡ್ಡಿ ಸಿನಿಮಾದ ಮೂಲಕ ಸಿನಿಮಾ ಜಗತ್ತಿಗೆ ಪರಿಚಿತರಾದ ರಾಹುಲ್ ರಾಮಕೃಷ್ಣ ತಮ್ಮ ಮದುವೆ ವಿಚಾರದಲ್ಲಿ ಎಡವಟ್ಟು ಮಾಡಿಕೊಂಡಿದ್ದಾರೆ. ಹುಡುಗಿಯೊಬ್ಬಳಿಗೆ ಮುತ್ತಿಡುವ ಫೋಟೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡು, ‘ಕೊನೆಗೂ ಮದುವೆ ಆಗುತ್ತಿದ್ದೇನೆ. ಶೀಘ್ರದಲ್ಲೇ’ ಎಂದು ಬರೆದುಕೊಂಡಿದ್ದರು. ಈ ಟ್ವಿಟ್ ಮಾಡಿದ ಕೆಲವೇ ನಿಮಿಷಗಳಲ್ಲೇ ಈ ಅಕ್ಷರಗಳನ್ನು ಎಡಿಟ್ ಮಾಡಿ, ಆಗುತ್ತಿದ್ದ ಮುಜಗರವನ್ನು ತಪ್ಪಿಸಿಕೊಂಡಿದ್ದಾರೆ. ಇದನ್ನೂ ಓದಿ : ಬೆಸ್ಟ್ ಆಕ್ಟರ್ ಅವಾರ್ಡ್ ಪಡೆದಿದ್ದ ‘ನಾನು ಮತ್ತು ಗುಂಡ’ ಸಿನಿಮಾದ ಶ್ವಾನ ನಿಧನ
ತೆಲುಗಿನಲ್ಲಿ ಹಲವು ಚಿತ್ರಗಳನ್ನು ಮಾಡಿರುವ ರಾಹುಲ್ ರಾಮಕೃಷ್ಣ, ಮೂಲತಃ ಲೇಖಕರೂ ಹೌದು. ಸೈನ್ಮಾ ಎಂಬ ಕಿರುಚಿತ್ರದ ಮೂಲಕ ಬಣ್ಣದ ಜಗತ್ತಿಗೆ ಕಾಲಿಟ್ಟವರು ಆನಂತರ ಹಲವು ಚಿತ್ರಗಳಲ್ಲಿ ನಟಿಸಿದರು. ಇವರನ್ನು ಹೆಚ್ಚು ಜನಪ್ರಿಯತೆಗೆ ತಂದ ಸಿನಿಮಾ ವಿಜಯ್ ದೇವರಕೊಂಡ ನಾಯಕನಾಗಿ ನಟಿಸಿದ್ದ ಅರ್ಜುನ್ ರೆಡ್ಡಿ. ಇದನ್ನೂ ಓದಿ: ಫಸ್ಟ್ ಟೈಮ್ ಮಗಳ ಫೋಟೋ ಶೇರ್ ಮಾಡಿದ ಪ್ರಿಯಾಂಕಾ ಚೋಪ್ರಾ
ರಾಹುಲ್ ರಾಮಕೃಷ್ಣ ಈ ಹಿಂದೆ ಬಿಂದು ಎಂಬ ಹುಡುಗಿಯೊಂದಿಗೆ ಅಫೇರ್ ಇತ್ತು. ಇಬ್ಬರೂ ಗಾಢವಾಗಿಯೇ ಪ್ರೀತಿಸುತ್ತಿದ್ದರು. ಹಾಗಾಗಿ ರಾಹುಲ್ ಯುವತಿಯೊಬ್ಬಳ ತುಟಿಗೆ ತುಟಿ ಬೆರೆಸಿ ಹಾಕಿದ್ದ ಫೋಟೋವನ್ನು ಬಹುತೇಕರು ಬಿಂದು ಎಂದೇ ನಂಬಿದ್ದರು. ಹೊಸ ಜೋಡಿಗೆ ಶುಭವಾಗಲಿ ಎಂದು ಹಲವು ಸಂದೇಶ ರವಾನಿಸಿದ್ದರು. ಬಿಂದು ಮತ್ತು ನಿಮ್ಮ ಜೀವನ ಸುಖಮಯವಾಗಿರಲಿ ಎಂದೂ ಹಾರೈಸಿದ್ದರು. ಇದನ್ನು ಅರಿತ ರಾಹುಲ್ ತಕ್ಷಣವೇ ಟ್ವಿಟ್ ಅನ್ನು ತಿದ್ದುಪಡೆ ಮಾಡಿ ಸ್ಪಷ್ಟೀಕರಣ ನೀಡಿದ್ದಾರೆ. ಇದನ್ನೂ ಓದಿ : ಜೂನ್ 9ಕ್ಕೆ ನಯನತಾರಾ ಮದುವೆ ಫಿಕ್ಸ್ – ತಿರುಪತಿಯಲ್ಲಿ ವಿವಾಹ
ರಾಹುಲ್ ಮದುವೆ ಆಗುತ್ತಿರುವ ಹುಡುಗಿ ಬಿಂದು ಅಲ್ಲವಂತೆ. ಆಕೆ ಹರಿತ ಎಂದು ಅವರೇ ಸ್ಪಷ್ಟೀಕರಣ ನೀಡಿದ್ದಾರೆ. ‘ಸಣ್ಣ ತಿದ್ದುಪಡೆ ಅಂದರೆ, ನಾನು ಮದುವೆ ಆಗುತ್ತಿರುವ ಹುಡುಗಿಯ ಹೆಸರು ಬಿಂದು ಅಲ್ಲ, ಹರಿತ’ ಎಂದು ಅವರೇ ಬರೆದುಕೊಂಡಿದ್ದಾರೆ.
