ಹೋಟೆಲ್ ಅಥವಾ ರೆಸ್ಟೋರೆಂಟ್‍ಗಳಲ್ಲಿ ಸಿಗುವ ರುಚಿ ಮನೆಯಲ್ಲಿ ಮಾಡಿದಾಗ ಸಿಗಲ್ಲ ಅಂತಾರೆ. ಈ ಬಗ್ಗೆ ಚಿಂತೆ ಬೇಡ. ನಾವು ತಿಳಿಸಿದ ಸಾಮಾಗ್ರಿಗಳನ್ನು ಬಳಸಿ ಬಿರಿಯಾನಿ ಮಾಡಿದರೆ ಸಿಗುವ ರುಚಿ ಯಾವ ರೆಸ್ಟೋರೆಂಟ್‍ಗಳಿಗೂ ಕಡಿಮೆ ಇರಲ್ಲ. ನಿಮಗೆ ಪ್ರತಿನಿತ್ಯ ಒಂದೇ ತರಹದ ರೈಸ್ ಬಾತ್ ತಿಂದು ಬೇಸರವಾಗಿರುತ್ತದೆ. ಇಂದು ಸ್ವಲ್ಪ ಭಿನ್ನವಾಗಿ ಈ ಟೊಮೆಟೊ ಬಿರಿಯಾನಿ ಮಾಡಿ ನೋಡಿ.
Advertisement
ಬೇಕಾಗುವ ಸಾಮಾಗ್ರಿಗಳು:
* 1 ಟೇಸ್ಪೂನ್ ತುಪ್ಪ
* 5 ಲವಂಗ
* 1 ಇಂಚು ದಾಲ್ಚಿನ್ನಿ
* 2 ಪಾಡ್ಗಳು ಏಲಕ್ಕಿ
* 1 ಟೀಸ್ಪೂನ್ ಜೀರಿಗೆ
* 1/2 ಟೀಸ್ಪೂನ್ ಸೋಂಪು
* 1 ಈರುಳ್ಳಿ
* 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
* 1/4 ಟೀಸ್ಪೂನ್ ಅರಿಶಿನ
* 1 ಹಸಿರು ಮೆಣಸಿನಕಾಯಿ
* 1 ಕಪ್ ಟೊಮೆಟೊ ಪ್ಯೂರಿ
* 1/4 ಟೀಸ್ಪೂನ್ ಕಾಶ್ಮೀರಿ ಕೆಂಪು ಮೆಣಸಿನ ಪುಡಿ
* 1 ಟೀಸ್ಪೂನ್ ಬಿರಿಯಾನಿ ಮಸಾಲಾ
* 1 ಟೀಸ್ಪೂನ್ ಉಪ್ಪು
* 1/2 ಕ್ಯಾರೆಟ್
* 2 ಟೇಬಲ್ಸ್ಪೂನ್ ಬಟಾಣಿ
* 1 ಟೇಬಲ್ಸ್ಪೂನ್ ಕೊತ್ತಂಬರಿ ಸೊಪ್ಪು
* 1 ಕಪ್ ತೆಂಗಿನ ಹಾಲು
* 2 ಟೇಬಲ್ ಸ್ಪೂನ್ ಪುದಿನಾ
* 1 ಕಪ್ ನೀರು
* 1 ಕಪ್ ಬಾಸ್ಮತಿ ಅಕ್ಕಿ
Advertisement
Advertisement
ಮಾಡುವ ವಿಧಾನ:
Advertisement
* ಮೊದಲಿಗೆ, ಪ್ರೆಶರ್ ಕುಕ್ಕರ್‍ನಲ್ಲಿ ತುಪ್ಪ ಬಿಸಿ ಮಾಡಿ ಮತ್ತು ಅದರಲ್ಲಿ 1-ಇಂಚಿನ ದಾಲ್ಚಿನ್ನಿ, 5 ಲವಂಗ, 2 ಪಾಡ್ಗಳು ಏಲಕ್ಕಿ, 1 ಟೀಸ್ಪೂನ್ ಜೀರಿಗೆ ಮತ್ತು 1/2 ಟೀಸ್ಪೂನ್ ಸೋಂಪು ಹಾಕಿ ಹುರಿಯಿರಿ.
* ಅದಕ್ಕೆ 1 ಈರುಳ್ಳಿಯನ್ನು ಸೇರಿಸಿ ಚೆನ್ನಾಗಿ ಹುರಿಯಿರಿ, ನಂತರ 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಮತ್ತು 1 ಹಸಿರು ಮೆಣಸಿನಕಾಯಿಯನ್ನು ಸೇರಿಸಿ.
* ನಂತರ 1ಕಪ್ ಟೊಮೆಟೊ ಪ್ಯೂರಿಯನ್ನು ಸೇರಿಸಿ (3ದೊಡ್ಡ ಟೊಮೆಟೊಗಳನ್ನು ನಯವಾದ ಪೇಸ್ಟ್ ಗೆ ಬ್ಲೆಂಡ್ ಮಾಡುವ ಮೂಲಕ ಟೊಮೆಟೊ ಪ್ಯೂರಿಯನ್ನು ತಯಾರಿಸಲಾಗುತ್ತದೆ). ನಂತರ ಟೊಮೆಟೊ ಪೇಸ್ಟ್ ದಪ್ಪವಾಗುವವರೆಗೆ ಬೇಯಿಸಿ.
* ಇದಕ್ಕೆ 1/4 ಟೀಸ್ಪೂನ್ ಅರಿಶಿನ, 1/2 ಟೀಸ್ಪೂನ್ ಮೆಣಸಿನ ಪುಡಿ, 1 ಟೀಸ್ಪೂನ್ ಬಿರಿಯಾನಿ ಮಸಾಲಾ ಮತ್ತು 1 ಟೀಸ್ಪೂನ್ ಉಪ್ಪು ಸೇರಿಸಿ ಅದೆಲ್ಲವನ್ನು ಚೆನ್ನಾಗಿ ಹುರಿಯಿರಿ. ಇದನ್ನೂ ಓದಿ: ಸಿಹಿ ಪ್ರಿಯರು ಸುಲಭವಾಗಿ ಮಾಡಿ ‘ಹಾಲು ಬರ್ಫಿ’
* ಅದಕ್ಕೆ 1/2 ಕ್ಯಾರೆಟ್, 2 ಟೇಬಲ್ಸ್ಪೂನ್ ಬಟಾಣಿ, 2 ಟೇಬಲ್ಸ್ಪೂನ್ ಪುದಿನಾ ಮತ್ತು 1 ಟೇಬಲ್ಸ್ಪೂನ್ ಕೊತ್ತಂಬರಿ ಸೊಪ್ಪು ಸೇರಿಸಿ. ಒಂದು ನಿಮಿಷ ಹುರಿಯಿರಿ.
* ನಂತರ 1 ಕಪ್ ತೆಂಗಿನ ಹಾಲು ಮತ್ತು 1 ಕಪ್ ನೀರನ್ನು ಸೇರಿಸಿ. ಚೆನ್ನಾಗಿ ಬೆರೆಸಿ. ಇದಾ ಬಳಿಕ 20ನಿಮಿಷ ನೆನೆಸಿಟ್ಟ ಅಕ್ಕಿಯನ್ನು ಯನ್ನುನ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನೂ ಓದಿ: ತುಪ್ಪದಲ್ಲಿ ಮಾಡಿ ಸವಿಯಿರಿ ರವೆ ಉಂಡೆ
* ನಂತರ ಅಕ್ಕಿ ಸಂಪೂರ್ಣವಾಗಿ ಬೇಯುವವರೆಗೆ ಮುಚ್ಚಿ ಮತ್ತು ಪ್ರೆಶರ್ ಕುಕ್ ಮಾಡಿದರೆ ಟೊಮೆಟೊ ಬಿರಿಯಾನಿ ಸವಿಯಲು ಸಿದ್ಧ.
