ಹಾವೇರಿ: ಕಬ್ಬಿಗೆ ಬೆಳಗಾವಿಯಲ್ಲಿ ದರ ನಿಗದಿ ಮಾಡಿದಂತೆ ಟನ್‌ಗೆ 3,600 ರೂ. ದರ ನೀಡುವಂತೆ ಹಾವೇರಿ (Haveri) ಕಬ್ಬು (Sugarcane) ಬೆಳೆಗಾರರು (Farmers) ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ. ಈ ಸಂಬಂಧ ಹಾವೇರಿ ಡಿಸಿ ನೇತೃತ್ವದಲ್ಲಿ ಇಂದು ಮಹತ್ವದ ಸಭೆ ನಡೆಯಲಿದೆ. ಚೂನಪ್ಪ ಪೂಜೇರಿ, ಶಶಿಕಾಂತ ಗುರೂಜಿ ಸಭೆಯಲ್ಲಿ ಭಾಗಿಯಾಗಲಿದ್ದಾರೆ.
ಜಿಲ್ಲೆಯ ಜಿಎಂ ಶುಗರ್ಸ್ ಹಾಗೂ ವಿಎನ್‌ಪಿ ಸಕ್ಕರೆ ಕಾರ್ಖಾನೆ ಮಾಲೀಕರು ಟನ್‌ಗೆ ಕೇವಲ 3000 ರೂ. ಕೊಡುವುದಾಗಿ ಹೇಳಿದ್ದಾರೆ. 3600 ರೂ. ಬೆಲೆ ನೀಡದಿದ್ದರೆ ಜಿಲ್ಲೆಯಲ್ಲಿರೋ ಸಕ್ಕರೆ ಕಾರ್ಖಾನೆಗಳಿಗೆ ಕಬ್ಬು ಕಳಿಸಲ್ಲ. ಸೂಕ್ತ ಬೆಲೆ ನೀಡುವ ಕಾರ್ಖಾನೆಗಳಿಗೆ ಕಬ್ಬು ಕಳಿಸುತ್ತೇವೆ. ನಮ್ಮ ಬೇಡಿಕೆ ಈಡೇರದಿದ್ದರೆ ಹೋರಾಟ ನಡೆಸುತ್ತೇವೆ ಎಂದು ರೈತರು ಎಚ್ಚರಿಕೆ ನೀಡಿದ್ದಾರೆ. ಇದನ್ನೂ ಓದಿ: ಬೆಳಗಾವಿಯಲ್ಲಿ ರೈತರ ‘ಜೈಲ್ ಭರೋ’ ಹೈಡ್ರಾಮಾ: ಮುಖಂಡರ ಸಾಮೂಹಿಕ ವಶ, ಪೊಲೀಸರ ಕಸ್ಟಡಿಯಲ್ಲೇ ರೈತ ಅಸ್ವಸ್ಥ!
ಬೆಳಗಾವಿಯಲ್ಲಿ ಟನ್ ಕಬ್ಬಿಗೆ 3600 ರೂ.ಗೂ ಹೆಚ್ಚಿನ ಬೆಲೆ ನೀಡುತ್ತಿದ್ದಾರೆ. ಬೆಳಗಾವಿ ಮಾದರಿಯಲ್ಲೇ ದರ ನಿಗದಿ ಮಾಡುವಂತೆ ಹಾವೇರಿ ರೈತರು ಒತ್ತಾಯಿಸಿದ್ದಾರೆ. ಈ ಸಂಬಂಧ ಹಾವೇರಿ ಡಿಸಿ ಕಚೇರಿಯಲ್ಲಿ ಇಂದು ಮದ್ಯಾಹ್ನ 3 ಗಂಟೆಗೆ ಸಭೆ ನಡೆಯಲಿದೆ. ಸಕ್ಕರೆ ಕಾರ್ಖಾನೆ ಮಾಲೀಕರು ಸಹ ಸಭೆಗೆ ಬರುವಂತೆ ಆಹ್ವಾನ ನೀಡಲಾಗಿದೆ.
ಪ್ರತಿ ಸಲ ಕಾರ್ಖಾನೆ ಮಾಲೀಕರದ ಬದಲಿಗೆ ಅವರ ಕಾರ್ಖಾನೆ ಸಿಬ್ಬಂದಿ ಸಭೆಗೆ ಬರುತ್ತಾರೆ. ಹೀಗಾಗಿ ಕಾರ್ಖಾನೆ ಮಾಲೀಕರೇ ಖುದ್ದು ಸಭೆಗೆ ಬರುವಂತೆ ರೈತರು ಆಗ್ರಹಿದ್ದಾರೆ. ಜಿಲ್ಲಾಡಳಿತ, ಕಾರ್ಖಾನೆ ಮಾಲೀಕರು, ಹಾಗೂ ರೈತರ ಎದುರೇ ಬೆಲೆ ನಿಗದಿ ಆಗಬೇಕೆಂದು ರೈತರು ಪಟ್ಟು ಹಿಡಿದಿದ್ದಾರೆ. ಇದನ್ನೂ ಓದಿ: ಪ್ರತಿ ಟನ್ ಕಬ್ಬಿಗೆ 3,600 ರೂ. ದರ ಘೋಷಣೆ
