ವಿಶ್ವ ತಾಯಂದಿರ ದಿನಕ್ಕೆ ಶುಭಕೋರಿದ ಟಾಪ್ ಕ್ರಿಕೆಟರ್ಸ್- ನಿಮ್ಮ ಶಕ್ತಿಗೆ ಸಾಟಿಯಿಲ್ಲವೆಂದ ಕೊಹ್ಲಿ

ಮುಂಬೈ: ಪ್ರತಿಯೊಬ್ಬರ ಜೀವನಕ್ಕೂ ಅಮ್ಮನೇ ಪ್ರಪಂಚ. ಆಕೆಯ ತ್ಯಾಗ, ಪರಿಶ್ರಮಕ್ಕೆ ಬೆಲೆ ಕಟ್ಟಲಾಗುವುದಿಲ್ಲ. ಆದರೆ ಅಮ್ಮನಿಗಾಗಿ ವಿಶೇಷ ಕಾರ್ಯಕ್ರಮ ಹಮ್ಮಿಕೊಳ್ಳುವುದಕ್ಕೂ ಒಂದು ದಿನವಿದೆ. ಅದಕ್ಕಾಗಿಯೇ ಪ್ರತಿ ವರ್ಷವು ಮೇ ತಿಂಗಳ 2ನೇ ಭಾನುವಾರದಂದು ವಿಶ್ವ ತಾಯಂದಿರ ದಿನವನ್ನು ಆಚರಿಸಲಾಗುತ್ತದೆ. ಈ ಬಾರಿ ಮೇ 8 ರಂದು ಆಚರಿಸಲಾಗುತ್ತಿದೆ.

ಈ ದಿನದಂದು ಪ್ರತಿಯೊಬ್ಬರು ತಮ್ಮ ಅಮ್ಮನಿಗಾಗಿ ವಿಶೇಷ ಉಡುಗೊರೆಗಳನ್ನು ನೀಡಿ, ಶುಭಾಶಯ ಕೋರುತ್ತಾರೆ. ಇಡೀ ಭಾರತವೇ ತಾಯಂದಿರ ದಿನವನ್ನು ಆಚರಿಸುತ್ತಿರುವ ಹೊತ್ತಿನಲ್ಲಿ ಪ್ರಮುಖ ಕ್ರಿಕೆಟಿಗರು ಅಮ್ಮನನ್ನು ನೆನೆದು ಶುಭಕೋರಿದ್ದಾರೆ. ಭಾರತೀಯ ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್, ಮಾಜಿ ನಾಯಕ ವಿರಾಟ್ ಕೊಹ್ಲಿ, ನ್ಯೂಜಿಲೆಂಡ್ ಕ್ರಿಕೆಟಿಗ ಕೇನ್ ವಿಲಿಯಮ್ಸನ್ ಮೊದಲಾದವರು ತಮ್ಮ ತಾಯಂದಿರ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಶುಭಕೋರಿದ್ದಾರೆ.  ಇದನ್ನೂ ಓದಿ: ಹೈದರಾಬಾದ್ ವಿರುದ್ಧ ಸ್ಫೋಟಕ ಆಟ – ಹೌ ಇಸ್ ದಿ ಜೋಶ್ ಎಂದ ವಾರ್ನರ್

A lot of love and happiness to all mother's. Your strength is unmatched and here's wishing you a very Happy Mother's Day. ????

— Virat Kohli (@imVkohli) May 8, 2022

RCB ಆರಂಭಿಕ ಆಟಗಾರರೂ ಆಗಿರುವ ವಿರಾಟ್‌ಕೊಹ್ಲಿ ಟ್ವಿಟ್ಟರ್‌ನಲ್ಲಿ, ಎಲ್ಲಾ ತಾಯಂದಿರಿಗೂ ಬಹಳಷ್ಟು ಪ್ರೀತಿ ಮತ್ತು ಸಂತೋಷ ತರಲಿ. ನಿಮ್ಮ ಶಕ್ತಿಗೆ ಸಾಟಿಯಿಲ್ಲ. ನಿಮೆಲ್ಲರಿಗೂ ತಾಯಂದಿರ ದಿನದ ಶುಭಾಶಯಗಳು ಎಂದು ಟ್ವಿಟ್ಟರ್ ವಾಲ್‌ನಲ್ಲಿ ಬರೆದುಕೊಂಡಿದ್ದಾರೆ. ಇದನ್ನೂ ಓದಿ: ಯಜಮಾನ ಪ್ರೀಮಿಯರ್ ಲೀಗ್ ಶುರು: ಡಾ.ವಿಷ್ಣು ಹೆಸರಿನಲ್ಲಿ ಅಭಿಮಾನಿಗಳ ಅಭಿಮಾನ

ಸಚಿನ್ ತೆಂಡೂಲ್ಕರ್ ಸಹ ತಮ್ಮ ದತ್ತು ಪಡೆದ ಬೆಕ್ಕಿನೊಂದಿಗೆ ಅಮ್ಮನ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ನಮಗೆ ಜಗತ್ತಿನಲ್ಲಿ ಸಾವಿರ ಚಿಂತೆಗಳಿರಬಹುದು. ಆದರೆ ನಾವು ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸಿದ್ದೇವೆಯೇ ಎಂಬುದೇ ನಮ್ಮ ತಾಯಿಯ ಮುಖ್ಯಚಿಂತೆಯಾಗಿ ಉಳಿದಿರುತ್ತದೆ. ಅಂತಹ ತಾಯಿಯ ಪ್ರೀತಿ. ನಮ್ಮ ದತ್ತು ಪಡೆದ ಬೆಕ್ಕಿನೊಂದಿಗೆ ನನ್ನ ಆಕೆ ಇಲ್ಲಿದ್ದಾರೆ ಎಂದು ಬರೆದಿದ್ದಾರೆ.

We may have a thousand worries in the world, but our mother’s main worry will still remain whether we’ve had food on time. Such is a mother’s love!

Here’s my Aai with our adopted cat. They share a special bond – he has his meals only when Aai is having hers ???? #MothersDay pic.twitter.com/2m8jSdm0QD

— Sachin Tendulkar (@sachin_rt) May 8, 2022

ಸನ್‌ರೈಸರ್ಸ್ ಹೈದರಾಬಾದ್ (SRH) ತಂಡವು ತಾಯಂದಿರ ದಿನಕ್ಕೆ ಶುಭಕೋರಿ ವಿಶೇಷ ವಿಡಿಯೋ ಒಂದನ್ನು ಬಿಡುಗಡೆ ಮಾಡಿದೆ. ನಾಯಕ ಕೇನ್ ವಿಲಿಯಮ್ಸನ್, ಗ್ಲೆನ್‌ಫಿಲಿಪ್ಸ್, ಶಶಾಂಕ್ ಸಿಂಗ್ ಮತ್ತು ಉಮ್ರಾನ್ ಮಲಿಕ್ ಮೊದಲಾದವರು ತಾಯಂದಿರ ದಿನದ ಶುಭಾಶಯ ಕೋರಿದ್ದಾರೆ. ಆರ್‌ಸಿಬಿಯ ವಿಕೆಟ್‌ಕೀಪರ್-ಬ್ಯಾಟರ್ ದಿನೇಶ್ ಕಾರ್ತಿಕ್ ಕೂಡ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಶೇಷ ದಿನದಂದು ಎಲ್ಲಾ ತಾಯಿಯರಿಗೆ ಶುಭ ಹಾರೈಸುವ ಚಿತ್ರವನ್ನು ಹಂಚಿಕೊಂಡಿದ್ದಾರೆ.

We celebrate their existence everyday, but even more on this day ????

Happy Mothers’ Day ????#OrangeArmy #ReadyToRise #TATAIPL pic.twitter.com/Pn8ESTTFiJ

— SunRisers Hyderabad (@SunRisers) May 8, 2022

ಗುಜರಾತ್ ಟೈಟಾನ್ಸ್ ತಂಡದ ಸ್ಪಿನ್ನರ್ ರಶೀದ್ ಖಾನ್ ತಮ್ಮ ದಿವಂಗತ ತಾಯಿಗಾಗಿ ಭಾವನಾತ್ಮಕ ಪೋಸ್ಟ್ ಅನ್ನು ಬರೆದಿದ್ದಾರೆ. ಪ್ರಿಯ ಅಮ್ಮ, ನೀವು ಹಿಂತಿರುಗಿ ಸ್ವಲ್ಪ ಸಮಯ ಇರಬಹುದೇ, ನಾನು ನಿಮ್ಮ ಧ್ವನಿಯನ್ನು ಕೇಳಲು ಮತ್ತು ನೀವು ನಗುವುದನ್ನು ನೋಡಲು ಬಯಸುತ್ತೇನೆ. ನಾನು ನಿನ್ನನ್ನು ಬಿಗಿಯಾಗಿ ಹಿಡಿದಿಟ್ಟುಕೊಳ್ಳಲು ಬಯಸುತ್ತೇನೆ. ನಿನ್ನನ್ನು ಎಷ್ಟು ಪ್ರೀತಿಸುತ್ತೇನೆ ಎಂದು ಹೇಳುವುದಿಲ್ಲ. ಆದರೆ, ನಿನ್ನನ್ನು ನೆನಪಿಸಿಕೊಳ್ಳುತ್ತೇನೆ. ಪ್ರತಿದಿನ ನೆನಪಿಸಿಕೊಳ್ಳುತ್ತೇನೆ. ಆದರೆ ನಿನ್ನನ್ನು ಕಳೆದುಕೊಂಡಿರುವುದು ಎಂದಿಗೂ ದೂರವಾಗದ ನೋವು. ಅಮ್ಮಂದಿರ ದಿನದ ಶುಭಾಶಯಗಳು ಎಂದು ಬರೆದುಕೊಂಡಿದ್ದು, ತಮ್ಮ ತಾಯಿಯ ಸಮಾಧಿ ಬಳಿ ಪ್ರಾರ್ಥಿಸುತ್ತಿರುವ ಚಿತ್ರವೊಂದನ್ನು ಪೋಸ್ಟ್ ಮಾಡಿದ್ದಾರೆ.