ನವದೆಹಲಿ: ಹಬ್ಬದ ವೇಳೆ ಆಹಾರ ಕಲಬೆರಕೆಗೆ ಬ್ರೇಕ್‌ ಹಾಕಲು ಕ್ರಮಕೈಗೊಳ್ಳುವಂತೆ ಎಲ್ಲಾ ರಾಜ್ಯಗಳಿಗೆ ಆಹಾರ ಸುರಕ್ಷತಾ ಗುಣಮಟ್ಟ ಪ್ರಾಧಿಕಾರ (FSSAI) ಸೂಚನೆ ನೀಡಿದೆ.
ಆಹಾರ ಕಲಬೆರಕೆ ತಡೆಗಟ್ಟಲು ಎಫ್ಎಸ್ಎಸ್ಎಐ ಮುಂದಾಗಿದೆ. ಹಬ್ಬದ ವೇಳೆ, ಸಿಹಿತಿಂಡಿ, ಹಾಲಿನ ಉತ್ಪನ, ಪಾನೀಯ, ಖಾದ್ಯ ತೈಲ ಸೇರಿ ಹಲವು ಉತ್ಪನಗಳ ಮೇಲೆ ನಿಗಾ ವಹಿಸಲು ಸೂಚಿಸಿದೆ. ಇದನ್ನೂ ಓದಿ: ಹಿಂದೂ ಧಾರ್ಮಿಕ ದತ್ತಿ ಇಲಾಖೆಯ ಕೈತಪ್ಪಿದ ಅಂಜನಾದ್ರಿ ಬೆಟ್ಟ
ಹಬ್ಬದ ಸಮಯದಲ್ಲಿ ತಪಾಸಣೆ ಹೆಚ್ಚು ಮಾಡಬೇಕು. ಮಾದರಿಗಳ ಸಂಗ್ರಹ ಹೆಚ್ಚಿಸಬೇಕು. ಫುಡ್ ಸೇಫ್ಟಿ ಆನ್ ವೀಲ್ಸ್‌ನಲ್ಲಿ ನಿಯೋಜನೆ ಮಾಡಬೇಕು. ಸ್ಥಳದಲ್ಲೇ ಆಹಾರ ಪರೀಕ್ಷೆ ಮಾಡಬೇಕು ಎಂದು ತಿಳಿಸಿದೆ.
ಕಲಬೆರಕೆ ಆಹಾರದ ಬಗ್ಗೆ ಜನರಿಗೆ ಅರಿವು ಮೂಡಿಸಬೇಕು. ಹೀಗೆ ಹಲವು ಅಗತ್ಯ ಕ್ರಮ ವಹಿಸುವಂತೆ ರಾಜ್ಯಗಳ ಎಫ್‌ಡಿಎ ಅಧಿಕಾರಿಗಳಿಗೆ ಪ್ರಾಧಿಕಾರ ಸೂಚನೆ ನೀಡಿದೆ. ಇದನ್ನೂ ಓದಿ: ಚೆನ್ನೈಯಲ್ಲಿ 12 ಕೋಟಿ ಮೌಲ್ಯದ ಚೈನೀಸ್ ಪಟಾಕಿ ವಶ
ಯಾವೆಲ್ಲ ಮಾರ್ಗಸೂಚಿ ಹೊರಡಿಸಿದೆ….?
– ನವರಾತ್ರಿ ಹಾಗೂ ದೀಪಾವಳಿ ಹಬ್ಬ ಹಿನ್ನೆಲೆ ಸಿಹಿತಿಂಡಿ, ಖಾರ, ಪಾನೀಯ, ಅಡುಗೆ ಎಣ್ಣೆ, ಹಾಲು ಮತ್ತು ಹಾಲಿನ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಾಗಲಿದೆ.
– ಈ ಸಂದರ್ಭದಲ್ಲಿ ಕಲಬೆರಕೆ, ನಕಲಿ ಹಾಗೂ ಅಸುರಕ್ಷಿತ ಆಹಾರ ಉತ್ಪನ್ನಗಳ ಮಾರಾಟ ತಡೆಯಲು ಸೂಚನೆ
– ವಿಶೇಷವಾಗಿ ಹಾಲು ಮತ್ತು ಹಾಲಿನ ಉತ್ಪನ್ನಗಳು, ಸಿಹಿತಿಂಡಿ, ನಮ್ಕೀನ್, ಪಾಪಡ್/ಫ್ರೈಮ್ಸ್, ಎಣ್ಣೆ, ಪಾನೀಯ ಹಾಗೂ ತುಪ್ಪಗಳ ಮೇಲೆ ನಿಗಾ.
– ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಅಧಿಕಾರಿಗಳು ಹಬ್ಬದ ಅವಧಿಯಲ್ಲಿ ತಪಾಸಣೆ ಹಾಗೂ ಆಹಾರ ಮಾದರಿ ಸಂಗ್ರಹಣೆ ನಡೆಸಬೇಕು.
– ಹಾಟ್‌ಸ್ಪಾಟ್‌ಗಳು ಮತ್ತು ಸೂಕ್ಷ್ಮ ಪ್ರದೇಶಗಳಲ್ಲಿ ವಿಶೇಷ ತಪಾಸಣೆಗೆ ಒತ್ತು ನೀಡಬೇಕು.
– ಲಭ್ಯವಿರುವ ಕಡೆ ಫುಡ್ ಸೆಫ್ಟಿ ಆನ್ ವೀಲ್ಸ್ ವಾಹನಗಳನ್ನು ಪ್ರಮುಖ ಮಾರುಕಟ್ಟೆಗಳಲ್ಲಿ ನಿಯೋಜಿಸಿ, ಸ್ಥಳದಲ್ಲೇ ಆಹಾರ ಪರೀಕ್ಷೆ ನಡೆಸಬೇಕು.
– ಆಹಾರ ತಪಾಸಣೆ, ಸ್ಯಾಂಪಲ್ ಸಂಗ್ರಹಣೆ ಮತ್ತು ಅದರ ಫಲಿತಾಂಶದ ಮಾಹಿತಿಯನ್ನು FoSCoS/FoSCoRISನಲ್ಲಿ ರಿಯಲ್‌ಟೈಮ್‌ನಲ್ಲಿ ಕಡ್ಡಾಯ ದಾಖಲೆ.
– ಹಬ್ಬದ ಸಂದರ್ಭದಲ್ಲಿ ಜನರಿಗೆ ಸುರಕ್ಷಿತ ಮತ್ತು ಗುಣಮಟ್ಟದ ಆಹಾರ ದೊರೆಯುವಂತೆ ಕ್ರಮ.
– ಸೂಚನೆಯನ್ನು ಮೋಸ್ಟ್ ಇಂಪಾರ್ಟೆಂಟ್ ಎಂದು ಪರಿಗಣಿಸುವಂತೆ ಸೂಚನೆ.
