ಬಾಗಲಕೋಟೆ: ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಅವರಿಗೆ ಮಾಜಿ ಸಿಎಂ, ಬದಾಮಿ ಕ್ಷೇತ್ರದ ಶಾಸಕ ಸಿದ್ದರಾಮಯ್ಯ ಮತ್ತೊಂದು ಪತ್ರ ಬರೆದಿದ್ದಾರೆ. ಇದನ್ನೂ ಓದಿ: ನನ್ನ ಕ್ಷೇತ್ರ ಬದಾಮಿ ಅಭಿವೃದ್ಧಿ ಮಾಡಿ – ಸಿಎಂ ಕುಮಾರಸ್ವಾಮಿಗೆ ಸಿದ್ದರಾಮಯ್ಯ ಪತ್ರ
ಪತ್ರದಲ್ಲಿ ಏನಿದೆ?:
ನನ್ನ ಮತಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುವ ಬಾಗಲಕೋಟೆ ಜಿಲ್ಲೆಯ, ಗುಳೇದಗುಡ್ಡ ನಗರದಲ್ಲಿರುವ ಕುಡಿಯುವ ನೀರು ವ್ಯವಸ್ಥೆ ಝೋನ್-1ಕ್ಕೆ 24 ಗಂಟೆಯೂ ನೀರು ವಿತರಣಾ ವ್ಯವಸ್ಥೆ ಒದಗಿಸಲು ಪ್ರಸ್ತಾವನೆಯನ್ನು ಅಂದಾಜು ಪಟ್ಟಿಯೊಂದಿಗೆ ಈಗಾಗಲೇ ಸಲ್ಲಿಸಲಾಗಿದೆ. 2017-2018ನೇ ಸಾಲಿನ ಅನುಮೋದಿತ ಕ್ರಿಯಾ ಯೋಜನೆಯಲ್ಲಿ ನೀರು ಸರಬರಾಜು ಯೋಜನೆಗಳಿಗೆ ರೂ.2998.32 ಲಕ್ಷಗಳ ಲಮ್ ಸಮ್ ಅವಕಾಶ ಕಲ್ಪಸಿರುವುದಾಗಿ ತಿಳಿದು ಬಂದಿದ್ದು, ಗುಳೇದಗುಡ್ಡ ಪಟ್ಟಣ ಝೋನ್-1ಕ್ಕೆ 24 ಗಂಟೆ ನೀರು ಒದಗಿಸಲು 14.97 ಲಕ್ಷ ರೂಪಾಯಿ ಅನುದಾನವನ್ನು ಕೂಡಲೇ ಬಿಡುಗಡೆ ಮಾಡುವಂತೆ ಪತ್ರದಲ್ಲಿ ಮನವಿ ಮಾಡಿದ್ದಾರೆ.
ಈ ಹಿಂದೆಯೂ ಸಿಎಂ ಕುಮಾರಸ್ವಾಮಿಗೆ ಎರಡು ಪತ್ರವನ್ನು ಸಿದ್ದರಾಮಯ್ಯ ಬರೆದಿದ್ದರು. ಆ ಪತ್ರದಲ್ಲಿ ಕೆರೆ ತುಂಬಿಸಲು, ಜವಳಿ ಪಾರ್ಕ್ ಹಾಗೂ ಗಾರ್ಮೆಂಟ್ಸ್ ಸ್ಥಾಪನೆಗೆ ಮನವಿ ಮಾಡಿಕೊಂಡಿದ್ದರು. ಸದ್ಯ ಸಿದ್ದರಾಮಯ್ಯ ಬದಾಮಿ ಕ್ಷೇತ್ರದ ಶಾಸಕರಾಗಿದ್ದಾರೆ.
