ಹುಬ್ಬಳ್ಳಿ: ನಿವೇನಾದ್ರೂ ಸ್ಲೈಸ್ ಪ್ರಿಯರಾ? ಅದನ್ನು ಕುಡಿಯೋಕೆ ಇಷ್ಟಪಡ್ತೀರಾ. ಹಾಗಾದ್ರೆ ಕುಡಿಯುವ ಮುನ್ನ ಒಮ್ಮೆ ಬಾಟಲಿಯೊಳಗೆ ನೋಡಿ.
ಕುಡಿಯಲೆಂದು ಸ್ಲೈಸ್ ತೊಗೊಂಡ್ರೆ ಅದ್ರಲ್ಲಿ ಪಾಚಿಯಂಥ ಕಸ ಸಿಕ್ಕದೆ. ಇಂಥದ್ದೊಂದು ಘಟನೆಗೆ ವಾಣಿಜ್ಯ ನಗರಿ ಹುಬ್ಬಳ್ಳಿ ಸಾಕ್ಷಿಯಾಗಿದೆ. ಹುಬ್ಬಳ್ಳಿಯ ಗಾಮನಗಟ್ಟಿ ನಿವಾಸಿ ಸುಭಾಶ್ ಎಂಬವರು ಅಂಗಡಿಯೊಂದರಲ್ಲಿ ಎರಡು ಬಾಟಲ್ ಸ್ಲೈಸ್ ತೆಗೆದುಕೊಂಡಿದ್ದರು.
ಬಾಟಲಿನಲ್ಲಿ ಪಾಚಿಯಂಥ ಕಸ ಇರೋದನ್ನ ಗಮನಿಸಿ ನೇರವಾಗಿ ಅಂಗಡಿಗೆ ಹೋಗಿ ಅಲ್ಲಿ ಪರಿಶೀಲಿಸಿದ್ದಾರೆ. ಅಲ್ಲೂ ಕೂಡ ಬಾಟಲಿಗಳಲ್ಲಿ ಕಸ ಇರೋದನ್ನ ಗಮನಿಸಿದ್ದಾರೆ. ಬಳಿಕ ಆರೋಗ್ಯ ಇಲಾಖೆ ಅಧಿಕಾರಿಗಳನ್ನ ಸಂಪರ್ಕಿಸಿದ್ದು, ಯಾವುದೇ ಪ್ರಯೋಜನವಾಗಿಲ್ಲ ಎಂದು ಅವರು ದೂರಿದ್ದಾರೆ.