ಬೆಂಗಳೂರು: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ರಾಧಾ ರಮಣ ಧಾರಾವಾಹಿಯ ನಟ ಸ್ಕಂದ ಆಶೋಕ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಬಹುದಿನದ ಗೆಳತಿ ಜೊತೆ ಸ್ಕಂದ ಮದುವೆಯಾಗಿದ್ದಾರೆ.
ಸ್ಕಂದ ಅಶೋಕ್ ನಾಲ್ಕು ವರ್ಷಗಳಿಂದ ಪ್ರೀತಿಸುತ್ತಿದ್ದ ತನ್ನ ಪ್ರೇಯಸಿ ಶಿಖಾ ಪ್ರಸಾದ್ ಜೊತೆ ತಮ್ಮ ಪೂರ್ತಿ ಜೀವನವನ್ನು ಕಳೆಯಲು ಆರಂಭಿಸಿದ್ದಾರೆ. ಮೇ 31ರಂದು ಸ್ಕಂದ ಅಶೋಕ್ ಹಾಗೂ ಶಿಖಾ ಪ್ರಸಾದ್ ವಿವಾಹ ಮಹೋತ್ಸವ ಬೆಂಗಳೂರು ಅರಮನೆಯಲ್ಲಿ ಅದ್ಧೂರಿಯಾಗಿ ನೇರವೇರಿತ್ತು. ಕಿರುತೆರೆಯ ಗಣ್ಯರು ಹಾಗೂ ಸ್ಯಾಂಡಲ್ವುಡ್ ನಟ-ನಟಿಯರು ಸ್ಕಂದ ಅಶೋಕ್ ಮದುವೆಯಲ್ಲಿ ಭಾಗವಹಿಸಿದ್ದರು.
ಮದುವೆಯಲ್ಲಿ ಸ್ಕಂದ ಬಿಳಿ ಪಂಚೆ ಶಲ್ಯ ತೊಟ್ಟ ಮಿಂಚಿದರೆ ಶಿಖಾ ಪ್ರಸಾದ್ ಕೆಂಪು ಸೀರೆ ತೊಟ್ಟು ಮಿಂಚಿದ್ದಾರೆ. ಸ್ಕಂದ ಮದುವೆಯಲ್ಲಿ ಅವರು ನಾಯಕನಾಗಿ ನಟಿಸುತ್ತಿರುವ ರಾಧಾ ರಮಣ ಧಾರಾವಾಹಿ ತಂಡ ಭಾಗಿಯಾಗಿತ್ತು. ನಟಿ ಶ್ವೇತಾ ಪ್ರಸಾದ್, ಸುಜಾತ ಸೇರಿದಂತೆ ಹಲವರು ಸ್ಕಂದ ಮದುವೆಗೆ ಆಗಮಿಸಿ, ಶುಭ ಕೋರಿದ್ದರು. ನಿರ್ಮಾಪಕ ರಾಕ್ಲೈನ್ ವೆಂಕಟೇಶ್ ಹಾಗೂ ಹಿರಿಯ ನಟ ದೊಡ್ಡಣ್ಣ ಮೊದಲಾದ ಗಣ್ಯಾತಿಗಣ್ಯರು ಕೂಡ ಸ್ಕಂದ ಮದುವೆಯಲ್ಲಿ ಪಾಲ್ಗೊಂಡಿದ್ದರು.