ಬಿಗ್ ಬಾಸ್ ಮನೆಯಲ್ಲಿರುವ ಜಶ್ವಂತ್ ಗೆ ಖಡಕ್ ಎಚ್ಚರಿಕೆ ಕೊಟ್ಟ ಪ್ರಸಂಗ ನಿನ್ನೆ ಸುದೀಪ್ ಪಂಚಾಯತಿಯಲ್ಲಿ ನಡೆಯಿತು. ವಾರಾಂತ್ಯದಲ್ಲಿ ನಡೆಯುವ ಕಿಚ್ಚನ ಜೊತೆಗಿನ ಮಾತುಕತೆಯಲ್ಲಿ ಸುದೀಪ್, ನೇರವಾಗಿಯೇ ಜಶ್ವಂತ್ ಗೆ ಎಚ್ಚರಿಕೆ ನೀಡಿದರು. ಇದೇ ರೀತಿ ಮುಂದುವರೆದರೆ, ಮನೆಯ ಬಾಗಿಲು ತೋರಿಸಬೇಕಾಗುತ್ತದೆ ಎಂದು ನೇರವಾಗಿಯೇ ಸಂದೇಶ ರವಾನಿಸಿದರು.
ಸ್ಪರ್ಧಿಗಳನ್ನು ನಾಮಿನೇಟ್ ಮಾಡುವಾಗ ಯಾರೂ, ಯಾರೊಂದಿಗೂ ಚರ್ಚೆ ಮಾಡುವಂತಿಲ್ಲ. ತಮ್ಮ ಸ್ವಂತ ನಿರ್ಧಾರದಿಂದ ಆಯ್ಕೆ ಮಾಡಬೇಕು. ಆದರೆ, ಜಶ್ವಂತ್ ತನ್ನ ಲವರ್ ನಂದು ಜೊತೆ ಚರ್ಚೆ ಮಾಡಿ, ನಾಮಿನೇಟ್ ಮಾಡಿದ್ದಾರೆ. ಈ ಮೂಲಕ ಬಿಗ್ ಬಾಸ್ ಮನೆಯ ನಿಯಮವನ್ನು ಅವರು ಮುರಿದಿದ್ದಾರೆ. ಪದೇ ಪದೇ ಜಶ್ವಂತ್ ಹೀಗಿಯೇ ಮಾಡುತ್ತಿರುವುದರಿಂದ ಸುದೀಪ್ ಇಂಥದ್ದೊಂದು ಎಚ್ಚರಿಕೆ ಕೊಟ್ಟಿದ್ದಾರೆ. ಲವರ್ ಅನ್ನುವುದು ಮನೆಯಿಂದ ಆಚೆ, ಮನೆಯೊಳಗೆ ಇಬ್ಬರೂ ಸ್ಪರ್ಧಿ ಎನ್ನುವುದನ್ನು ಮರೆಯಬೇಡಿ ಎಂದಿದ್ದಾರೆ. ಇದನ್ನೂ ಓದಿ: ವಿಜ್ಞಾನ ಮತ್ತು ಪುರಾಣ ಮಿಶ್ರಣದ ಧ್ರುವ 369 ಸಿನಿಮಾದಲ್ಲಿ ರಾಘವೇಂದ್ರ ರಾಜ್ ಕುಮಾರ್ ರಾಜ್ಯಪಾಲ
ಸುದೀಪ್ ಇಂಥದ್ದೊಂದು ಎಚ್ಚರಿಕೆ ಕೊಟ್ಟಾಗ ನಂದು ಮತ್ತು ಜಶ್ವಂತ್ ಇಬ್ಬರೂ ಡಲ್ ಆದಂತೆ ಕಂಡು ಬಂದರು. ಬಿಗ್ ಬಾಸ್ ಮನೆಯಲ್ಲಿ ಯಾವಾಗಲೂ ನಂದು ಪರ ನಿಲ್ಲುವ ಜಶ್ವಂತ್, ಮನೆಯಲ್ಲೂ ಅವರು ಲವರ್ ರೀತಿಯಲ್ಲೇ ಕಾಣುತ್ತಿದ್ದಾರೆ. ಅಲ್ಲದೇ, ಮನೆಯಾಚೆ ನಂದು ಜೊತೆ ಜಶ್ವಂತ್ ಹೇಗಿರುತ್ತಿದ್ದರೊ, ಅದೇ ರೀತಿಯಲ್ಲಿ ಮನೆಯಲ್ಲೂ ಇರುತ್ತಾರೆ. ಮುಂದೆ ಹೀಗೆ ಆಗಬಾರದು ಎನ್ನುವ ಎಚ್ಚರಿಕೆ ಸುದೀಪ್ ಮಾತಿನಲ್ಲಿತ್ತು.
Live Tv
[brid partner=56869869 player=32851 video=960834 autoplay=true]
