ನವದೆಹಲಿ: ಓಲಾ ಹಾಗೂ ಉಬರ್ ಕಂಪನಿಗಳು ವಿಲೀನಗೊಳ್ಳುತ್ತವೆ ಎಂಬ ಬಗ್ಗೆ ಇತ್ತೀಚೆಗೆ ಭಾರೀ ಚರ್ಚೆಯಾಗುತ್ತಿದ್ದು, ಇದೀಗ ಈ ಬಗ್ಗೆ ಓಲಾ ಸಿಇಒ ಸ್ಪಷ್ಟನೆ ನೀಡಿದ್ದಾರೆ. ಓಲಾ ಹಾಗೂ ಉಬರ್ ಎರಡೂ ವಿಲೀನವಾಗುತ್ತಾ ಎಂಬ ಊಹಾಪೋಹಗಳಿಗೆ ಓಲಾ ಸಿಇಒ ಭವಿಷ್ ಅಗರ್ವಾಲ್ ಇದೀಗ ತೆರೆ ಎಳೆದಿದ್ದಾರೆ.
ಎರಡೂ ಕಂಪನಿಗಳು ವಿಲೀನಗೊಳ್ಳುತ್ತವೆ ಎಂಬ ಚರ್ಚೆಯ ನಡುವೆ ಮಾತನಾಡಿರುವ ಓಲಾ ಸಿಇಒ ಭವಿಷ್ ಅಗರ್ವಾಲ್, ಈ ಚರ್ಚೆ ಸಂಪೂರ್ಣ ಅರ್ಥಹೀನ. ನಾವು ತುಂಬಾ ಲಾಭದಾಯಕವಾಗಿ ಹಾಗೂ ಉತ್ತಮವಾಗಿ ಬೆಳೆಯುತ್ತಿದ್ದೇವೆ. ಕೆಲವು ಇತರ ಕಂಪನಿಗಳು ತಮ್ಮ ವ್ಯವಹಾರವನ್ನು ಭಾರತದಲ್ಲಿ ಸ್ಥಗಿತಗೊಳಿಸಲು ಬಯಸಿದರೆ ನಾವು ಈ ವಿಚಾರವನ್ನು ಸ್ವಾಗತಿಸುತ್ತೇವೆ. ಆದರೆ ಎಂದಿಗೂ ವಿಲೀನಗೊಳ್ಳುವುದಿಲ್ಲ ಎಂದಿದ್ದಾರೆ. ಇದನ್ನೂ ಓದಿ: ಕಾಮನ್ವೆಲ್ತ್ನಲ್ಲಿ ಕರ್ನಾಟಕದ ಗುರುರಾಜ್ಗೆ ಕಂಚು – ಭಾರತಕ್ಕೆ 2ನೇ ಪದಕ
ಓಲಾ ಜೊತೆಗಿನ ವಿಲೀನದ ವಿಚಾರವನ್ನು ಉಬರ್ ಕೂಡ ನಿರಾಕರಿಸಿದೆ. ಈ ವರದಿ ತಪ್ಪಾಗಿದೆ, ನಾವು ಓಲಾ ಜೊತೆಗೆ ವಿಲೀನದ ಬಗ್ಗೆ ಮಾತುಕತೆ ನಡೆಸಿಲ್ಲ ಎಂದು ಉಬರ್ ಕಂಪನಿ ತಿಳಿಸಿದೆ. ಇದನ್ನೂ ಓದಿ: ದೇಶದ ಮೊದಲ ಮಂಕಿಪಾಕ್ಸ್ ರೋಗಿ ಸಂಪೂರ್ಣ ಗುಣಮುಖ
ಒಂದಕ್ಕೊಂದು ಪೈಪೋಟಿ ನಡೆಸುತ್ತಿರು ಓಲಾ ಹಾಗೂ ಉಬರ್ ಕಂಪನಿಗಳಲ್ಲಿ ಹೂಡಿಕೆದಾರರಾಗಿರುವ ಅಮೆರಿಕ ಮೂಲದ ಮಸಯೋಶಿ ಸನ್ ನೇತೃತ್ವದ ಸಾಫ್ಟ್ಬ್ಯಾಂಕ್ ಅವೆರಡರ ವಿಲೀನಕ್ಕೆ ಒತ್ತಾಯಿಸಿತ್ತು. ಈ ಹಿನ್ನೆಲೆ ಪರಸ್ಪರ ತೀವ್ರವಾದ ಸ್ಪರ್ಧೆಯಲ್ಲಿರುವ ಕಂಪನಿಗಳು ಇತ್ತೀಚೆಗೆ ವಿಲೀನದ ಬಗ್ಗೆ ಮಾತುಕತೆ ನಡೆಸಿವೆ ಎಂದು ವರದಿಯಾಗಿದೆ. ಆದರೆ ಅವೆರಡರ ಒಪ್ಪಂದ ಕಾರ್ಯರೂಪಕ್ಕೆ ಬಂದಿಲ್ಲ ಎನ್ನಲಾಗಿದೆ.
