ಬೆಂಗಳೂರು: ಈಗ ಎಲ್ಲಿ ನೋಡಿದ್ರೂ ಟಿ20 ಕ್ರಿಕೆಟ್ನದ್ದೇ ಹಂಗಾಮ. ಇದೀಗ ಕಿರುತೆರೆಯ ಕಲಾವಿದರು ಕೂಡ ಬ್ಯಾಟ್, ಬಾಲ್ ಹಿಡಿದು ಕ್ರಿಕೆಟ್ ಅಖಾಡಕ್ಕೆ ಧುಮುಕಲು ಸಜ್ಜಾಗಿದ್ದಾರೆ.
ವಾಸವಿ ವೆಂಚರ್ಸ್ ಸಂಸ್ಥೆ ವತಿಯಿಂದ ದೀಪಕ್ ಹಾಗೂ ಮಂಜೇಶ್ ಪ್ರಯತ್ನದ ಟೆಲಿವಿಷನ್ ಕ್ರಿಕೆಟ್ ಲೀಗ್ ಈಗಾಗಲೇ ಯಶಸ್ವಿಯಾಗಿ 2 ಸೀಸನ್ಗಳನ್ನು ಪೂರೈಸಿ ಮೂರನೇ ಸೀಸನ್ಗೆ ಸಿದ್ಧವಾಗಿದೆ. ಈ TCLನಲ್ಲಿ ಕಿರುತೆರೆ ಕಲಾವಿದರ ದಂಡೇ ಭಾಗಿಯಾಗಲಿದೆ. ಬರುವ ಡಿಸೆಂಬರ್ ಎರಡನೇ ವಾರದಿಂದ ಟಿಸಿಎಲ್ ಗೆ ಕಿಕ್ ಸ್ಟಾರ್ಟ್ ಸಿಗಲಿದೆ. ಇದನ್ನೂ ಓದಿ: ಅಪ್ಪು ಸಣ್ಣ ವಯಸ್ಸಿನಲ್ಲಿ ನಮ್ಮನ್ನು ಬಿಟ್ಟು ಹೋದ್ರು: ಜಯಪ್ರದಾ
ಈ ಬಗ್ಗೆ ಟಿಸಿಎಲ್ ಟೀಮ್ ಸುದ್ದಿಗೋಷ್ಠಿ ನಡೆದಿದ್ದು, ಸೀಸನ್ 3ರ ಲೋಗೋ ಅದ್ಧೂರಿಯಾಗಿ ಲಾಂಚ್ ಮಾಡಿದೆ. ಒಟ್ಟು 6 ತಂಡಗಳ ನಾಯಕರು ಹಾಗೂ ಆಯಾ ತಂಡದ ಸ್ಪರ್ಧಿಗಳು ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿದ್ದರು. ಇದರ ಜೊತೆಗೆ ಪ್ರತಿ ಟೀಂನ ಅಂಬಾಸಿಡರ್ಸ್ ಆಗಿರುವ ಕಿರುತೆರೆ ನಟಿಯರಾದ ಸುಕೃತಾ ನಾಗ್, ರಶ್ಮಿ ಪ್ರಭಾಕರ್, ಪಲ್ಲವಿ ಗೌಡ, ಶೃತಿ ಸೇರಿದಂತೆ ಕೆಲ ನಟಿಯರು ಪಾಲ್ಗೊಂಡಿದ್ದರು.
ಈ ಬಾರಿಯ ಟೆಲಿವಿಷನ್ ಕ್ರಿಕೆಟ್ ಲೀಗ್ 3ನಲ್ಲಿ ಬರೋಬ್ಬರಿ 102 ಸೆಲೆಬ್ರಿಟಿಗಳು ಭಾಗಿಯಾಗಲಿದ್ದು, ಈ ಪೈಕಿ ಮಾಸ್ಟರ್ ಆನಂದ್, ಬಿಗ್ ಬಾಸ್ ಮಂಜು ಪಾವಗಡ, ರಾಜೀವ್, ಚಂದು ಗೌಡ, ದಿಯಾ ಖ್ಯಾತಿಯ ದೀಕ್ಷಿತ್ ಸೇರಿದಂತೆ ಪ್ರಮುಖ ಕಿರುತೆರೆ ಕಲಾವಿದರು ಈ ಬಾರಿಯ ಟಿಸಿಎಲ್ಗೆ ಸಾಥ್ ನೀಡಲಿದ್ದಾರೆ. ಇದನ್ನೂ ಓದಿ: ಅಪ್ಪು ಸಮಾಧಿ ಬಳಿಯೇ ಮದುವೆಯಾಗಲು ಆಗಮಿಸಿದ ಪ್ರೇಮಿಗಳು
ಟಿಸಿಎಲ್ನಲ್ಲಿ ಒಟ್ಟು ಆರು ತಂಡಗಳು ಭಾಗಿಯಾಗಲಿವೆ. ಕ್ರೇಜ್ ಕಿಲ್ಲರ್, ಗ್ಯಾಂಗ್ ಗರುಡಸ್, ಗ್ರೌಂಡ್ ಹಂಟರ್, ಜಟಾಯು ಜೈಂಟ್ಸ್, ಕಿಂಗ್ ಕೇಸರಿಸ್ ಮತ್ತು ಶಾರ್ಪ್ ಸ್ಟ್ರೈಕರ್ಸ್ ಪಾಲ್ಗೊಳ್ಳಲಿದ್ದು, ಕಳೆದ ಎರಡು ವರ್ಷಗಳಿಂದ ರೋಚಕ ಹಣಾಹಣಿ ನೀಡಿರುವ ತಂಡಗಳು ಈ ಬಾರಿ ಮತ್ತಷ್ಟು ತಯಾರಿಯೊಂದಿಗೆ ರಗಡ್ ಆಗಿ ಎಂಟ್ರಿ ಕೊಡಲಿದ್ದಾರೆ. ಇದನ್ನೂ ಓದಿ: ಅಪ್ಪು ಸಾವಿಗೆ ಜಿಮ್, ವರ್ಕೌಟ್ ಕಾರಣ ಅಲ್ಲ: ನಟ ಪ್ರೇಮ್
ಎಲ್ಲಾ ಕಿರುತೆರೆ ಕಲಾವಿದರನ್ನು ಒಂದು ಕಡೆ ಸೇರಿಸುವುದು ಒಂದು ದೊಡ್ಡ ಚಾಲೆಂಜ್ ಸರಿ. ಈ ಚಾಲೆಂಜ್ ಈಗಾಗಲೇ ಎರಡು ಬಾರಿ ಗೆದ್ದಿರುವ ದೀಪಕ್-ಮಂಜೇಶ್ ಈ ಬಾರಿ ಕೂಡ ಸಕ್ಸಸ್ ಕಾಣುವ ನಿರೀಕ್ಷೆಯಲಿದ್ದಾರೆ. ಒಟ್ನಲ್ಲಿ ಅದ್ಧೂರಿಯಾಗಿ ನಡೆಯಲಿರುವ ಟಿಸಿಎಲ್ ಸೀಸನ್-3 ಮನರಂಜನೆಯ ಜೊತೆಗೆ ಎಲ್ಲ ಕಿರುತೆರೆಯ ಕಲಾವಿದರ ನಡುವೆ ಸ್ನೇಹ ಸಂಬಂಧ ಬೆಳೆಯುವುದಕ್ಕೆ ವೇದಿಕೆಯಾಗಲಿದೆ.
