ಗದಗ: ಜಿಲ್ಲೆಯ ಮುಂಡರಗಿ ತಾಲೂಕಿನ ಕಲಕೇರಿ ಗ್ರಾಮದಲ್ಲಿ ಇಂದು ರಾತ್ರಿ 8:25 ರ ಸುಮಾರಿಗೆ ಲಘು ಭೂಕಂಪನವಾಗಿದೆ.
ಭೂಮಿ 2 ಕ್ಷಣ ಕಂಪಿಸಿದಾಗ ಗ್ರಾಮಸ್ಥರು ಭಯದಿಂದ ಹೊರಗಡೆ ಓಡಿ ಬಂದಿದ್ದಾರೆ. ಸುಮಾರು 5 ರಿಂದ 10 ಸೆಕೆಂಡ್ ಭೂಮಿ ಕಂಪಿಸಿದ ಅನುಭವವಾಗಿದೆ. ಇದನ್ನೂ ಓದಿ: ಜನರು ಮಾತೃಭಾಷೆಯೊಂದಿಗೆ ಹಿಂದಿಯನ್ನೂ ಕಲಿಯಬೇಕು: ಅಮಿತ್ ಶಾ
ಮನೆಯ ಪಾತ್ರೆ ಕೆಲವು ವಸ್ತುಗಳು ಕೆಳಗೆ ಬಿದ್ದಿವೆ. ಜನತೆ ಮೊದಲು ಗಣಪತಿ ವಿಸರ್ಜನೆಯ ಪಟಾಕಿಯ ಸದ್ದು ಎಂದು ತಿಳಿದಿದ್ದರು. ಆದರೆ ಗ್ರಾಮದ ಬಹುತೇಕ ಕಡೆಗಿನ ಜನರು ಹೊರಗಡೆ ಬಂದು ಅನುಭವ ಹಂಚಿಕೊಂಡಾಗಲೆ ಇದು ಭೂಕಂಪನ ಎಂದು ತಿಳಿದಿದೆ. ಇದರಿಂದ ಗ್ರಾಮಸ್ಥರು ಭಯ ಭೀತಗೊಂಡಿದ್ದಾರೆ.
