ನವದೆಹಲಿ: ಭಾರತೀಯ ಕ್ರಿಕೆಟ್ ತಂಡದ ವೇಗಿ ಜಸ್ಪ್ರೀತ್ ಬುಮ್ರಾ ಪ್ರತಿ ದಿನ ತಮ್ಮ ಹೃದಯ ಗೆಲ್ಲುವ ಮಡದಿಗೆ ವಿಶೇಷವಾಗಿ ಹುಟ್ಟು ಹಬ್ಬದ ಶುಭಾಶಯಗಳನ್ನ ತಿಳಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಕಪ್ಪು-ಬಿಳುಪಿನ ರೊಮ್ಯಾಂಟಿಕ್ ಫೋಟೋ ಹಂಚಿಕೊಂಡಿದ್ದಾರೆ.
ಮದುವೆ ಬಳಿಕ ಪತ್ನಿ ಸಂಜನಾ ಗಣೇಶನ್ ಅವರ ಮೊದಲ ಹುಟ್ಟುಹಬ್ಬ ಇದಾಗಿದೆ. ಫೋಟೋ ಹಂಚಿಕೊಂಡಿರುವ ಬುಮ್ರಾ, ಪ್ರತಿ ದಿನ ನನ್ನ ಹೃದಯ ಗೆಲ್ಲುವ ವ್ಯಕ್ತಿಗೆ ಶುಭಾಶಗಳು. ನಾನು ನಿಮ್ಮನ್ನ ಸದಾ ಪ್ರೀತಿಸುತ್ತೇನೆ ಎಂದು ಬರೆದು ಕೊನೆಗೆ ಹಾರ್ಟ್ ಎಮೋಜಿ ಸಹ ಹಾಕಿಕೊಂಡಿದ್ದಾರೆ.
Happy birthday to the person who steals my heart everyday. You’re my person, I love you. ❤ pic.twitter.com/4QuIPUL1kX
— Jasprit Bumrah (@Jaspritbumrah93) May 6, 2021
ಐಪಿಎಲ್ ಪಂದ್ಯದ ಹಿನ್ನೆಲೆ ಬುಮ್ರಾ ತಮ್ಮ ತಂಡದ ಜೊತೆಯಲ್ಲಿದ್ದರು. ಇತ್ತ ಸಂಜನಾ ಮುಂಬೈನಲ್ಲಿ ಐಪಿಎಲ್ ನಿರೂಪಣೆ ಮಾಡುತ್ತಿದ್ದರು. ಕೊರೊನಾದಿಂದ ಪಂದ್ಯ ಸ್ಥಗಿತಗೊಂಡ ಬೆನ್ನಲ್ಲೇ ಬುಮ್ರಾ ಮನೆಗೆ ತೆರಳಿದ್ದಾರೆ. ಪತಿ ಬುಮ್ರಾ ಮನೆಗೆ ಹಿಂದಿರುಗಿದ ಕ್ಷಣಗಳನ್ನ ಸಂಜನಾ ಇನ್‍ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದರು.
ಮಾರ್ಚ್ 15, 2021ರಂದು ಬುಮ್ರಾ ಮತ್ತು ಸಂಜನಾ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದರು. ಗೋವಾದ ಖಾಸಗಿ ರೆಸಾರ್ಟ್ ನಲ್ಲಿ ಆಪ್ತರ ಸಮ್ಮುಖದಲ್ಲಿ ಮದುವೆ ನಡೆದಿತ್ತು.
