– ಎರಡು ತಿಂಗಳ ಹಿಂದೆ ಪ್ರೀತಿಸಿ ಮದ್ವೆಯಾಗಿದ್ದ ಜೋಡಿ
– ಕೆಲಕಾಲ ಶವದ ಬಳಿಯೇ ಕುಳಿತು ನಂತ್ರ ತಂದೆಗೆ ಫೋನ್
ಭೋಪಾಲ್: ನಾಯಿ ಚೈನ್ ನಿಂದ ಕತ್ತು ಹಿಸುಕಿ ನಂತ್ರ ಚಾಕುವಿನಿಂದ ಇರಿದು ಪತ್ನಿಯನ್ನ ಕೊಲೆಗೈದಿರುವ ಘಟನೆ ಮಧ್ಯಪ್ರದೇಶದ ಇಂದೋರ್ ನಲ್ಲಿ ನಡೆದಿದೆ. ಕೊಲೆಯ ಬಳಿಕ ಪತ್ನಿಯ ಶವ ಬಳಿಯೇ ಕೆಲ ಸಮಯ ಕುಳಿತ ಆರೋಪಿ ತದನಂತರ ತನ್ನ ತಂದೆಗೆ ಫೋನ್ ಮಾಡಿ ವಿಷಯ ತಿಳಿಸಿದ್ದಾನೆ.
22 ವರ್ಷದ ಅಂಶು ಶರ್ಮಾ ಪತಿ ಹರ್ಷನಿಂದ ಕೊಲೆಯಾದ ಪತ್ನಿ. ಆಗಸ್ಟ್ 8ರಂದು ದೇವಸ್ಥಾನದಲ್ಲಿ ಕುಟುಂಬಸ್ಥರ ಒಪ್ಪಿಗೆ ಮೇರೆಗೆ ಅಂಶು ಮತ್ತು ಹರ್ಷ ಪ್ರೇಮ ವಿವಾಹವಾಗಿದ್ದರು. ಮದುವೆ ಬಳಿಕ ಅಂಶು ಮತ್ತು ಹರ್ಷ ಜಾವರಾ ಕಾಂಪೌಂಡ್ ನಲ್ಲಿರುವ ಫ್ಲ್ಯಾಟ್ ನಲ್ಲಿ ವಾಸವಾಗಿದ್ದರು. ದಂಪತಿ ನಡುವೆ ಸಣ್ಣ ಸಣ್ಣ ವಿಷಯಗಳಿಗೂ ಜಗಳ ನಡೆಯುತ್ತಿತ್ತು. ಸದ್ಯ ಪೊಲೀಸರು ಮೃತದೇಹವನ್ನ ಮರಣೋತ್ತರ ಶವ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಿದ್ದಾರೆ. ಇದನ್ನೂ ಓದಿ: ಪತ್ನಿ ಕೊಲೆ ಆರೋಪದಲ್ಲಿ ಪತಿಗೆ ಜೈಲು ಶಿಕ್ಷೆ – 7 ವರ್ಷಗಳ ನಂತ್ರ ಹೆಂಡ್ತಿ ಪತ್ತೆ
ಸೊಸೆ ಅಂಶು ಕೆಲ ತಿಂಗಳ ಹಿಂದೆ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಳು. ಕಂಪನಿಯಲ್ಲಿ ಇಬ್ಬರ ಭೇಟಿಯಾಗಿತ್ತು. ಇಬ್ಬರ ಸ್ನೇಹ ಕೆಲವೇ ದಿನಗಳಲ್ಲಿ ಪ್ರೇಮದ ರೂಪ ಪಡೆದುಕೊಂಡಿದ್ದರಿಂದ ಜೊತೆಯಾಗಿರಲು ನಿರ್ಧರಿಸಿದ್ದರು. ಅಂಶು ತನ್ನ ಪೋಷಕರಿಗೆ ತಿಳಿಸದೇ ಹರ್ಷನ ಜೊತೆಗಿರಲು ಬಂದಿದ್ದನು. ನಂತರ ಆರ್ಯ ಸಮಾಜದ ಪದ್ಧತಿಯಂತೆ ಸರಳವಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು ಎಂದು ಆರೋಪಿ ಹರ್ಷನ ತಂದೆ ರಾಜೀವ್ ಶರ್ಮಾ ಹೇಳಿದ್ದಾರೆ. ಇದನ್ನೂ ಓದಿ: ಲಾಕ್ಡೌನ್ ಅಡ್ಡಿ – ಪ್ರಿಯಕರನ ಜೊತೆ ಸೇರಿ ಪತಿಯ ಕೊಲೆಗೈದ ಪತ್ನಿ!
ಫೋನ್ ಮಾಡಿ ನಮ್ಮನ್ನು ಕರೆಸಿಕೊಳ್ಳಲಾಯ್ತು. ಅಲ್ಲಿ ಹಿರಿಯ ಪೊಲೀಸ್ ಅಧಿಕಾರಿ ನಮ್ಮ ಮಗಳ ಕೊಲೆ ಆಗಿರುವ ವಿಷಯ ತಿಳಿಸಿದರು. ಮೂರು ತಿಂಗಳ ಹಿಂದೆ ಖಾಸಗಿ ಕಂಪನಿಯಲ್ಲಿ ಅಂಶು ಮತ್ತು ಹರ್ಷನ ಪರಿಚಯವಾಗಿತ್ತು. ಎರಡು ತಿಂಗಳ ಹಿಂದೆ ಪುತ್ರಿಯನ್ನ ಹರ್ಷ ಕರೆದುಕೊಂಡು ಹೋಗಿದ್ದನು. ನಮಗೆ 10-12 ದಿನಗಳ ಬಳಿಕ ಇಬ್ಬರು ಮದುವೆ ಆಗಿರುವ ವಿಷಯ ತಿಳಿಯಿತು. ಇಬ್ಬರು ಚೆನ್ನಾಗಿಯೇ ಇದ್ರು. ಗಂಡ- ಹೆಂಡತಿ ನಡುವೆ ಜಗಳ ನಡೆದಿರಲಿಲ್ಲ ಎಂದು ಅಂಶು ತಾಯಿ ಪೊಲೀಸರಿಗೆ ತಿಳಿಸಿದ್ದಾರೆ. ಇದನ್ನೂ ಓದಿ: ಬೆಂಗಳೂರಿನ ರೌಡಿ ಬಾಂಬೆ ಸಲೀಂ ಪತ್ನಿ ಜೊತೆ ಚಾಟಿಂಗ್- ಯುವಕನ ಭೀಕರ ಕೊಲೆ
