ರಾಂಚಿ: ಸರಣಿ ಜೀವಂತವಾಗಿರಿಸಲು ಹೋರಾಟ ನಡೆಸುತ್ತಿರುವ ಆಸ್ಟ್ರೇಲಿಯಾ ತಂಡದ ಆಟಗಾರರು ಟೀಂ ಇಂಡಿಯಾ ವಿರುದ್ಧ 3ನೇ ಏಕದಿನ ಪಂದ್ಯದಲ್ಲಿ 313 ರನ್ಗಳ ಬಹೃತ್ ಮೊತ್ತದ ಸವಾಲು ನೀಡಿದ್ದಾರೆ.
ಟಾಸ್ ಸೋತು ಬ್ಯಾಟಿಂಗ್ ಅವಕಾಶ ಪಡೆದ ಆಸೀಸ್ ನಿಗದಿತ 50 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 313 ರನ್ ಗಳಿಸಿದೆ. ಬ್ಯಾಟಿಂಗ್ ಇಳಿದ ಆಸೀಸ್ ಪಡೆ ಭರ್ಜರಿ ಆರಂಭವನ್ನು ಪಡೆಯಿತು. ಆಸೀಸ್ ನಾಯಕ ಆ್ಯರೋನ್ ಫಿಂಚ್ ಫಾರ್ಮ್ ಗೆ ಮರಳಿದರೆ, ಖವಾಜಾ ಶತಕ ಸಿಡಿಸಿ ಭಾರತ ನೆಲದಲ್ಲಿ ಮೊದಲ ಶತಕ ಸಿಡಿಸಿದ ಸಾಧನೆ ಮಾಡಿದರು.
Innings Break!
Australia post a total of 313/5 in 50 overs.
Scorecard – https://t.co/DQCJoMdrym #INDvAUS pic.twitter.com/HZNjeAkXKe
— BCCI (@BCCI) March 8, 2019
ಆರಂಭದಿಂದಲೂ ಟೀಂ ಇಂಡಿಯಾ ಬೌಲರ್ ಗಳನ್ನು ಸಮರ್ಥವಾಗಿ ಎದುರಿಸಿದ ಆಸೀಸ್ ಆರಂಭಿಕ ಆಟಗಾರರು, ಬೌಲರ್ ಗಳನ್ನು ದಂಡಿಸುತ್ತಲೇ ಬ್ಯಾಟ್ ಬೀಸಿದರು. ಆ್ಯರೋನ್ ಫಿಂಚ್ ಹಾಗೂ ಖವಾಜಾ ಜೋಡಿ ಮೊದಲ ವಿಕೆಟ್ಗೆ ಬರೋಬ್ಬರಿ 193 ರನ್ ಗಳ ದಾಖಲೆಯ ಜೊತೆಯಾಟವನ್ನು ನೀಡಿದರು.
ಮೊದಲ 50 ರನ್ ಗಳನ್ನು 9.5 ಓವರ್ ಗಳಲ್ಲಿ ಗಳಿಸಿದ ಆಸೀಸ್, 16.3 ಓವರ್ ಗಳಲ್ಲಿ 100 ರನ್ ಗಡಿ ದಾಟಿತು. ಫಿಂಚ್ 51 ಎಸೆತಗಳಲ್ಲಿ ಅರ್ಧ ಶತಕ ಪೂರ್ಣಗೊಳಿಸಿ ಏಕದಿನ ಕ್ರಿಕೆಟ್ನಲ್ಲಿ 19ನೇ ಅರ್ಧ ಶತಕ ಪೂರ್ಣಗೊಳಿಸಿದರು. ಇತ್ತ ಖವಾಜಾ 56 ಎಸೆತಗಳಲ್ಲಿ ಅರ್ಧ ಶತಕ ಗಳಿಸಿದರು. ಟೀಂ ಇಂಡಿಯಾ ಬೌಲರ್ ಗಳ ಬೆವರು ಹರಿಸಿದ ಈ ಜೋಡಿ ಕೇದರ್ ಜಾಧವ್ ರ ಮೊದಲ 2 ಓವರ್ ಗಳಲ್ಲಿ 32 ರನ್ ಗಳಿಸಿತ್ತು. ಇತ್ತ ಬೌಲರ್ ಗಳು ವಿಕೆಟ್ ಪಡೆಯಲು ವಿಫಲವಾಗುತ್ತಿದ್ದರೆ, ಕಳಪೆ ಫೀಲ್ಡಿಂಗ್ ನಡೆಸಿ ಆಟಗಾರರು ಆಸೀಸ್ ರನ್ ವೇಗಕ್ಕೆ ಕಡಿವಾಣ ಹಾಕಲು ಪರದಾಡಿದರು. 24.4 ಓವರ್ ಗಳಲ್ಲೇ ಆಸೀಸ್ 150 ರನ್ ಗಡಿ ದಾಟಿತ್ತು.
Two crucial wickets for @imkuldeep18 in a single over. Shaun Marsh and Handscomb depart.
Live – https://t.co/DQCJoMdrym #INDvAUS pic.twitter.com/Kzj7O3grQl
— BCCI (@BCCI) March 8, 2019
ಇತ್ತ ಉತ್ತಮವಾಗಿ ಆಡುತ್ತ ಶತಕದಂಚಿನಲ್ಲಿದ್ದ ಫಿಂಚ್ ರನ್ನು ಎಲ್ಬಿ ಬಲೆಗೆ ಕೆಡವಿದ ಕುಲ್ದೀಪ್ ಯಾದವ್ ಈ ಜೋಡಿಯನ್ನು ಬೇರ್ಪಡಿಸಲು ಯಶಸ್ವಿಯಾದರು. 99 ಎಸೆತ ಎದುರಿಸಿದ್ದ ಫಿಂಚ್ 10 ಬೌಂಡರಿ, 3 ಸಿಕ್ಸರ್ ನೆರವಿನಿಂದ 93 ರನ್ ಗಳಿಸಿ ನಿರ್ಗಮಿಸಿದರು. ಆ ಬಳಿಕ ಬಂದ ಮಾಕ್ಸ್ ವೆಲ್ ಕೂಡ ಬಿರುಸಿನ ಬ್ಯಾಟಿಂಗ್ ಆಡಿ ರನ್ ಗತಿಗೆ ಮತ್ತಷ್ಟು ವೇಗ ತುಂಬಿದರು. ಇತ್ತ ಖವಾಜಾ 107 ಎಸೆತಗಳಲ್ಲಿ ಶತಕ ಸಾಧನೆ ಮಾಡಿದರು. ಇದರ ಬೆನ್ನಲ್ಲೇ ಶಮಿ ಬೌಲಿಂಗ್ನಲ್ಲಿ ಕ್ಯಾಚ್ ನೀಡಿ ನಿರ್ಗಮಿಸಿದರು. ಪಂದ್ಯದಲ್ಲಿ 113 ಎಸೆತಗಳನ್ನು ಎದುರಿಸಿದ ಖವಾಜಾ 11 ಬೌಂಡರಿ, ಸಿಕ್ಸರ್ ನೆರವಿನಿಂದ 104 ರನ್ ಗಳಿಸಿದರು.
ಖವಾಜಾ ಔಟಾಗುತ್ತಿದಂತೆ ಬಿರುಸಿನ ಆಟವಾಡುತ್ತಿದ್ದ ಮ್ಯಾಕ್ಸ್ ವೆಲ್ಗೆ ರನೌಟ್ಗೆ ಬಲಿಯಾದ್ರು. 31 ಎಸೆತಗಳಲ್ಲಿ 47 ರನ್ ಗಳಿಸಿ ಮ್ಯಾಕ್ಸ್ ವೆಲ್ ಪೆವಿಲಿಯನ್ಗೆ ಮರಳಿದರು. ಆ ಬಳಿಕ ಬಂದ ಮಾರ್ಚ್ 7 ರನ್, ಹ್ಯಾಡ್ ಕಾಮ್ಸ್ ಶೂನ್ಯ ಸುತ್ತುವ ಮೂಲಕ ಬಂದಷ್ಟೇ ವೇಗದಲ್ಲಿ ಹಿಂದಿರುಗಿದರು. ಈ ಹಂತದಲ್ಲಿ ಟೀಂ ಇಂಡಿಯಾ ಬೌಲರ್ ಗಳು ಅಲ್ಪ ಯಶಸ್ಸು ಕಂಡರು ಕೂಡ ರನ್ ವೇಗಕ್ಕ ಕಡಿವಾಣ ಹಾಕಲು ಸಾಧ್ಯವಾಗಲಿಲ್ಲ.
India are yet to make a breakthrough in Ranchi, with Aaron Finch and Usman Khawaja both reaching half-centuries in the opening 20 overs. Australia have moved to 124/0.#INDvAUS LIVE ➡️ https://t.co/xhuelaz27S pic.twitter.com/427G8D3jp6
— ICC (@ICC) March 8, 2019
ಅಂತಿಮ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಸ್ಟೋಯಿನ್ಸ್ 30 ರನ್ ಹಾಗೂ ಕ್ಯಾರಿ 21 ರನ್ ಗಳಿಸಿದರು. ಅಂತಿಮವಾಗಿ 50 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 313 ರನ್ ಗಳಿಸಿ ಬೃಹತ್ ಗುರಿ ನೀಡಿತು. ಭಾರತದ ಪರ ಎಲ್ಲಾ ಬೌಲರ್ ಗಳು ಕೂಡ ದುಬಾರಿಯಾದರು. ಕುಲ್ದೀಪ್ 3 ವಿಕೆಟ್ ಪಡೆದರೆ, ಶಮಿ 1 ವಿಕೆಟ್ ಪಡೆದರು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
